28 May 2026

مساء الخير عليكم ويا رب كلكم كده تكونوا بالف خير وفي احسن حال النهارده هنحكي حكايه اثنين صحاب وجيران وعشره عمر واحده منهم اسمها ماجده والثانيه اسمها عزه اللي هتحكي لنا الحكايه هي مدام ماجده هي صاحبه الحكايه او المشكله وهي الراويه يا ريتكم بس تتابعوها معايا للنهايه لانها فعلا قصه حلوه قوي وغير تقليديه وممكن نتعلم منها حاجات كتير هنعرفها اخر الحكايه ويا ريت لو عجبتكم تعملوا اللايك الحلو الجميل بتاعكم واشتراك للقناه وتفعلوا الجرس والف شكر لكم يا حبايبي ودايما يا رب كده منوريني بتقول صاحبه الحكايه انا اسمي ماجده وعمري دلوقتي 32 سنه وانا نشات في اسره غنيه بابا بيشتغل مقاول كبير وماما ست بيت وانا ل اكت من اخ واخت وطول عمرنا واحنا عايشين احسن عيشه بابا كان بيكسب كويس من شغله وهو على طول كان معايشنا كويس وكان بيجيب لنا كل اللي نفسنا فيه وانا كنت اصغر واحده في اخواتي والدلوعه بتاعته وكان ليا واحده صاحبتي من زمان قوي اسمها عزه عزه كانت زميلتي في المدرسه زميلتي من واحنا في حضانه يعني من واحنا عندنا اربع سنين وانا وهي زمايل واصحاب وفضلنا طول سنين الدراسه من واحنا في حضانه لحد ما وصلنا لثانويه عامه في نفس المدرسه وطول السنين دي واحنا اصحاب انتيم كل الدروس كنا بناخدها مع بعض وكل المناسبات بنحضرها سوا يعني هي كانتها اختي واكتر وهي كانت اسرتها اسره بسيطه يعني باباها كان يوظف وعلى قده ولما اخدنا ثانويه عامه دخلنا احنا الاثنين كليه التجاره واتخرجنا [أصوات شخير] واشتغلنا في الحسابات بعد كده في نفس مكان وهي اتقدم لها شاب كان اكبر منها بكام سنه واتخطبت له بطريقه تقليديه جدا وهو كان تاجر غني وكان عنده شركه استيراد وتصدير وكان بيكسب كويس من شغله اما انا فاتخطبت لشاب كنت بحبه وبيحبني وهو كان دكتور حديث التخرج كان لسه مخلص كليه الطب لكن هو كانت امكانياته على قده قوي وما كانش جاهز ماديا للجواز وقت لما تقدم لي اخواتي ما كانوش موافقين عليه لان بابا غني لكن هو عيلته كان مستواهم اقل مننا بكتير بس انا اتمسكت بيه وبجوازي منه لاني انا فعلا كنت بحبه وهو كان بيحبني وهو في الوقت ده ما قدرش يجيب شقه فبابا ربنا يخليه اداني شقه في عماره من اللي كان بيبنيهم وكتبها باسمي وكمان شطبها وفرشها لي احسن فرش وجاب لي فيها كل اللي نفسي فيه وخطيبي يا دوبك جاب لي شبكه بسيطه كده على قده ولما جينا نتجوز بابا عمل لي فرح كبير قوي وفي الوقت ده صاحبتي عزه كانت لسه مخطوبه وكانت هي وخطيبها بيدوروا على شقه مناسبه عشان يتجوزوا ويسكنوا فيها وكان لسه في شقق فاضيه كتير في عماره بابا اللي انا سكنت فيها فاقترحت على عزه ان هي تيجي تشوف الشقق دي ولو عجبها شقه منهم تشتريها وفعلا هي جابت خطيبها وجوم اتفرجوا على شقه وعجبتهم وكانت الشقه دي في وش شقتي وبعد كده هم اشتروها وانا كنت فرحانه قوي ان صاحبتي هتيجي تسكن قصادي ويبقى الباب في الباب وانا جوزي كان راجل محترم لكن على قده ولسه في اول حياته وكنا عايشين انا وهو بمرتبه ومرتبه وكمان بابا ربنا يخليه كان عامل لي شهريه بيبعتها لي كل شهر عشان تساعدني شويه على مصاريف البيت والمعيشه وصاحبتي عزه اتجوزت وجت سكنت قصادي بعد ما انا اتجوزت بكام شهر لكن عشان هي جوزها كان تاجر وكان اغنى من جوزي بكتير فهي كانت عايشه حياه مرفهه عني كان جوزها بيديها فلوس كتير ليها وللبيت وكمان خلاها سابت الشغل لانها خلاص ما بقتش محتاجه مرتبها ولقيت نفسي انا بنت التاجر الكبير عايشه على قدي وصاحبتي اللي كان اهلها في الاصل على قدهم بقت عايشه احسن مني 100 مره صاحبتي اللي ياما استلفت مني فلوس وياما كنت بسلفها هدومي لو عندها مناسبه تروحها بقت هي دلوقتي اللي بتلبس احسن مني وكمان بتشتري اغلى البراندات التغيير اللي حصل في حياتي خلاني بقى في مشاكل كتير ما بيني وبين جوزي لاني بقيت بقارن ما بين عيشتي وعيشه صاحبتي وبقيت غيرانه انها عندها حاجات كتير قوي مش عندي وكنت بعود اقول لجوزي هو احنا هنفضل كده عايشين على قدنا لحد امتى ما تشوف لك اي حل تزود بيه دخلك كان بيقول لي هو انت ناقصك ايه ما انت عايشه احسن عيشه وساكنه احسن سكن كنت برد عليه وبقول له ما هو احسن سكن ده ابويا اللي جابه لكن لو كنت انت اللي جبته كان زمانك مسكني في اوضه فوق السطوح يا اخي بص حواليك وشوف جوز صاحبتي جايب لها ايه وعامل لها ايه. انا مش عارفه انا مخي كان فين لما اتجوزتك. ده انا كان متقدم لي ناس احسن منك 1000 مره. سبت كل دول واخترتك انت. مش عارفه كان مخي فين ساعتها. كان جوزي بيسمع مني كل الكلام ده وبيسكت وكان بيستحملني لما بقول له انت جوازتك دي نزلتني من سابع سما لسابع ارض وما كنتش اعرف ان هو بيخزن كل ده. وان كل ده هيفضل جواه ومش هينساه بصراحه هو استحملني مره واتنين وع و20 وانا ما كنتش بفوت فرصه ولا خناقه الا لما كنت بفكره بفضلي وبفضل ابويا عليه وانه عايش دلوقتي معايا احسن ما كان عايش في بيت اهله وده طبعا بفضل الشهريه اللي ابويا بيبعتها لي كل شهر وكل ما كانت صاحبتي جوزها بيجيب لها حاجه كانت بتيجي توريها لي وبعد ما تمشي من عندي اتخانق انا مع جوزي وبصراحه كترت المشاكل قوي ما بيني وبينه من ساعه ما صاحبتي سكنت قصادي وهي جوزها كان بيحبها قوي وكان من اغنخها لبس ودهب وهدايا خلاها فعلا بقت هانم واتغيرت عن الاول خالص يعني بقت حاجه ثانيه خالص غير الاول مش دي صاحبتي ابدا اللي طول عمرها عايشه على قدها ولما كان جوزي بيرد عليا في اي خناقه او في اي حوار ما بيني وبينه كان بيقول لي انا ما ضحكتش علي ولا خبيت علي ظروفي انت كنت عارفه عني كل حاجه من الاول ووافقتي تبداي معايا بدايه بسيطه وانا من الاول خالص يا بنت الناس ما كنتش عايز ابوكي يدينا الشقه وقلت لك استني اشتغل واجيب شقه على قد امكانياتي لكن انت ما رضيتيش وقلتي لي لو كده هنستنى كتير الاسهل ان احنا ناخد شقه من بابا بس يظهر ان انا غلطت لما طاوعتك وعملت لك اللي انت عايزاه والا ما كانش زماني بقيت في الموقف ده وانا كنت فعلا بحس بالحسره والالم في عينيه وانا بقول له الكلام ده لكن كنت بقول لنفسي هو ولا هيقدر يعمل حاجه هو هيلاقي ميغه اكت من كده فين وبعدين هو بيحبني وعمره ما هيقدر يسيبني وعدى الوقت والحمد لله ربنا رزقنا بولد وسميته على اسم بابا وجوزي ما اعترضش ولا قال لي انت ليه مسمياه على اسم ابوكي وجوزي دفع على قده الفلوس اللي معاه في الولاده والسبوع وكل المصاريف دي لكن بابا كمل ودفع اغلب الحاجه وعدت فتره كمان واحنا حياتنا كانت كلها مشاكل لحد ما ابني بقى عنده سنتين وفي الوقت ده صاحبتي عزه كانت حامل وراحت تولد وسابت لي مفتاح شقتها انا اللي كنت طلبته منها عشان قبل لما ترجع اخد الشغاله اللي بتجي لي مره في الاسبوع واروح انظف لها الشقه وفعلا احنا رحنا خليت الشغاله نظفت وانا طبخت لها عشان طبعا هي هتبقى راجعه من الولاده تعبانه ومامتها واخواتها معاها في المستشفى ووقت ما رحنا نظفنا وطبخنا في شقتها هي جوزها كان في شغله لكن بعد ما خلصنا وقفلنا الشقه ومشينا انا رحت بعد كده جبت ابني من الحضانه ورجعنا وما لقيتش تليفوني معايا وفضلت ادور عليه ما لقيتوش فقلت اكيد انا نسيته في شقه صاحبتي واخدت ابني ورحت شقتها ادور على التليفون لكن واحنا هناك هي جوزها رجع من شغله وسلم علينا واستغرب قوي لما لقانا لانه ما كانش يعرف ان انا معايا مفتاح شقته يعني عزه ما قالتلوش ان هي مدياني مفتاح الشقه فانا حكيت له على اللي حصل وقلت له ان انا بدور على التليفون ويظهر ان انا نسيته هنا لكن وهو واقف يكلمني هو جت له مكالمه من الخارج مكالمه شغل مهمه ودخل الاوضه بتاعته يتكلم وقفل عليه وساب شنطته اللي كان راجع بيها من بره وانا كنت مشغوله وعماله ادور على التليفون في كل حته لكن الولد لعب في شنطه جوز صاحبتي وفتحها وقلبها انتم عارفين الولاد الصغيرين اللي في السن ده اللي هو سن سنتين كده في مطالع حبوا قوي يفتحوا الشنط والادراج ويطلعوا كل اللي فيها وكانت اكبر مفاجاه ليا في حياتي لما شفت اللي في شنطه جوز جارتي او صاحبتي انا لقيت فيها ممنوعات اكياس صغيره كده فيها بودره بيضا وانا عمري ما كنت شفت الحاجات دي قبل كده الا في التلفزيون بس وما بقتش مصدقه نفسي لما شفت الحاجات دي ولميتها بسرعه وحطيتها في الشنطه ثاني وقفلتها واللي اكد لي ذنوني وان في حاجه مش تمام بتحصل اني لقيت جوز صاحبتي خارج من الاوضه يدور على الشنطه اللي نسيها في الصاله وهو لما دخل الاوضه وخلص تليفونه انتبه ان الشنطه مش معاه وانا عملت نفسي ان انا ما شفتش حاجه ولا عرفت حاجه وحاولت اداري ارتباكي وقلت له ان انا ما لقيتش التليفون وانه اكيد وقع مني في الشارع واستاذنته واخدت ابني ورحت على شقتي وفضلت قاعده بعد كده وانا عماله افكر في كل اللي حصل واراجع حساباتي مع نفسي وقلت بقى معقوله جوز صاحبتي بيتاجر في الحاجات دي ومعقوله هو ده مصدر فلوسه وسراءه وبعد ما كنت بقارن ما بينه وبين جوزي وكنت حاسه ان هو احسن من جوزي لقيت ان جوزي الراجل المحترم احسن من جوز صاحبتي 1000 مره على الاقل جوزي عنده مبادئ وعمره ما عمل الغلط ولا عمره قبل على نفسه قرش حرام لكن صاحبتي وجوزها بالشكل ده عيشتهم كلها حرام في حرام وحسيت ان ده احلى يوم في عمري اللي انا عرفت فيه قيمه جوزي وقلت يا ريتني كنت رحت طبخت لجارتي او صاحبتي من زمان وعرفت ان المظاهر ياما بتداري وراها وحسيت بقيمه جوزي وازاي انا غلطت في حقه كتير في الفتره اللي فاتت وجيت عليه وانه ما يستاهلش مني كده خالص وقلت انا لازم احسن معاملتي ليه وعامله المعامله اللي هو فعلا يستاهلها واستنيته لما رجع وما حكيتلوش على اللي حصل في شقه صاحبتي دي لكن انا لقيته بيقول لي انه عايز يتكلم معايا في موضوع مهم ولما قعدت وسمعته لقيته بيقول لي اغرب حاجه انا لقيته بيقول لي ان هو طلقني لانه شبع اهانات مني في الفتره اللي فاتت واني ما كنتش بفوت خناقه ولا فرصه الا لما كنت بفكره فيها بفضلي وبفضل اهلي عليه وقال لي ان هو لما كان بيسكت ده ما كانش ضعف منه وما كانش بيسمع وبيفوت ده كل ده كان جواه وكانت الاهانات عماله تزيد واحده ورا الثانيه لحد ما بقت جبل عالي واقف ما بيني وبينه وانا عمري ما توقعت منه انه يعمل كده ابدا انا عمري ما تخيلت ان هو ممكن في يوم يسيبني ولا يقدر يعيش بعيد عني لاني كنت متاكده ان هو بيحبني وفي الوقت ده انا فضلت اعيط واترجاه ان هو يراجع نفسه ثاني وقلت له بلاش نسيب بعض وانا اوعدك ان انا هتغير لكن هو قال لي انت مش هتقدري تتغيري لان ده طبعك واللي فيه طبع ما بيغيروش وحتى لو اتغيرتي هتتغيري يومين بس وترجعي زي الاول انت رصيدك عندي خلص انا هنزل دلوقتي اروح لابوكي وهخلص معاه كل حاجه يعني هتفق معاه على كل التفاصيل الصغيره ولم جوزي هدومه ومشي وسابني انا وابني لوحدنا في شقتي وبعد كده انا سقت عليه طوب بالارض سواء من اهلي او من اهله او اصدقائنا ومعارفنا عشان يصالحوني عليه لكن هو رفض هو رفض ان احنا نتصالح ويردني وقال لهم ان انا ما فيش فايده فيا وفضلت عايشه في شقتي بربي ابني لكن وانا ندمانه اشد الندم على اللي انا عملته مع جوزي اما صاحبتي فجابت ولد وقامت بالسلامه ورجعت بيتها وبعد كده بفتره هي موضوع شغل جوزها في الممنوعات اتعرف وتع عمل له قضيه واتحبس وكمان اتصدرت امواله ودلوقتي هي عايشه في شقتها قصادي وبتربي ابنها اللي خلفته ورجعت شغلها اللي معايا ثاني عشان تقدر تصرف على البيت وعلى الولد ودي كانت حكايه ماجده وعزه وهي قصه حقيقيه نقدر نتعلم منها ان الرضا بالماقسوم عباده وطول ما الواحد بيقول الحمد لله وراب حاله ربنا هيكرمه لكن اللي يبص لعيشه غيره بيخسر كل حاجه والحمد لله على كل حاجه ودي كانت حكايه النهارده شكرا لكم ولحسن استماعكم ونورتوني واشوفكم على خير في حكايه جديده باذن ‏L