درت فيه خير وسكنتو معايا🥺صدق غدار وماشي ديال العشرة😱والي وقع صدمة#قصص #حكايتي #اكسبلور #مغربية

السلام عليكم يا الغزالات نتمنى انكم تكونوا كلكم بخير وفي احسن حال جيتكم اليوم بقصه جديده نتمنى انها تنال الاعجاب ديالكم وما تنساونيش كيف ما العاده من لايكاتكم وتعاليقكم الزوينه بحالكم وقبل ما ندوزوا للقصه نصليو على نبينا محمد عليه افضل الصلاه والسلام وندوزوا للقصه مباشره انا رشيده جيت اليوم باش نشارك معكم الحكايه ديالي انا البنات حكايتي فيها بزاف ما يتقال حكايه واش من حكايه انا واحد السيده اللي كنت عايشه انا والوالده ديالي الحمد لله الحياه ديالي كانت غاديه بخير كنت خدامه الدويره اللي احنا عايشين فيها كانت الدويره ديال الوالده ديالي كنت انا كنمشي كنخدم وذاك الشي اللي صورته هو باش كنعيش مع بعضياتنا واحد السيد كان يعني عساس في البلاصه اللي انا كنت خدامه فيها كان دائما بحال هكا كتجمع بيناتنا الهضره كنبقاو نتحتوا كيسولني كيف دايره الوالده ديالك كيف دايره امورك المهم دائما كتكون الهضره بيناتنا وبعض المرات فاش كنجيب معيا الماكله باش غادي نتغدى بها تما في الخدمه كنتقاسم معه يعني الماكله هذاك السيد كان عزيز عل وانسان اللي ما زعما ما عمرني كانت بيني وبينه زعما شي علاقه اللي غادي تادي للزواج من بعد ولكن كنت كنحترمه كيحترمني وكنقول مع راسي هو عساس هنايا بعض المرات كنجيب معايا انا الماكله بالزايد كنقول نتقاسمها معه المهم مشات ايام وجت ايام وبقات ديك العلاقه بيناتنا زوينه حتى واحد النهار غادي يعيطوا لي وانا في الخدمه وغادي يقولوا لي جير الام ديالك في الحاله يعني في حاله اللي خايبه وخصك ضروري تجي لعندها عيطوا لي غير الجارات ايوا المهم البنات مشيت كنجري لقيت فعلا الوالده ديالي ما قادراش تنفس وهما جالسين حداها ودايرين بها وكل وحده فيهم كتقول لي كاين اللي كيقول لي هزيها وعتقيها ديها للسبيطار وكاينه اللي كتقول لي بنيتي غير حطي ميمتك وخليها تموت على خاطرها راه هذا الشي اللي فيها راهم علامات ديال الموت ومع ذلك البنات انا ما قديتش انني نبقى نشوف في ميمتي كتعذب قدامي وما نديهاش للسبيطار وفعلا ديتها للسبيطار وماطولاتش ميمتي واحد الفتره اللي هي بسيطه وخرجوا عندنا يعني الفرمليات قالوا لي باللي راه الوالده ديالك الله يرحمها كانت بالنسبه لي صدمه اللي كبيره بحكم انني انا ما كان عندي حتى شي حد في حياتي من غير ميمتي كنت عايشه انا وياها وذاك الشي اللي صورته كناكل انا وياها وفرحانين وناشطين وما زعما عندنا حتى شي حتى شي مشكله الحمد لله ولكن الوالده ديالي في الحياه ديالها كانت مدوزه لي الدار يعني في الاسم ديالي كانت خايفه انها واحد النهار غادي تفارق الحياه ويجي ويوقفوا معايا على الدار ويقولوا لي لا وخصنا نقسموا الورث وداكشي وانا نتلاوح في الزنقه هذاشي بطبيعه الحال كانت خايفه منه الوالده ديالي بزاف داكشي علاش يعني في الحياه ديالها دوزت لي الدار يعني في الاسم ديالي من بعد ما توفات الوالده ولقيت راسي غير بوحدي اش غادي نقول لكم بقات لي غير ديك الدويره منها هي فين كنت يعني انا عايشه كنمشي كنخدم وكنجي كنحط عضيماتي فيديك الدار وكنقول الحمد لله ان الوالده ديالي فكرات في وخلات لي هذ الدويره لو كان ماشي هي كون راني انا دابا دايعه كنتلاوط في ديور الكره وشفت شوف واش غادي نلقى شي حاجه اللي تناسبني اللي نقدر انني يعني نخلص بها الكراونع نعيش منها يعني فينما كنتفكر الوالده ديالي كنترحم عليها وكنقول الحمد لله انها فكرت فيا المهم من بعد ما دازت الجنازه دازت مده على الوفاه ديال الوالده ديالي رجعت للخدمه ديالي هذاك العساس ما كانش عارف شنو السبب ديال الغياف ديالي هذيك المده كامله ف الناس كلهم يعني تقريبا ما كانوش عارفين الناس اللي كانوا قرابين مني بحكم انني انا كنت خدامه فديك فديك البلاصه يعني راه كنت كندير غير الميناج ماشي يعني خدامه في وسط منهم غادين يعرفوا عل اخباري وشي حاجه كان كيسول كيقول لهم فلانه ما بقاتش كتجي كيقول ليه ما عرفش راه ما بقاتش كتجي مده هذه الوقيته اللي رجعت قال لي يلا اودي غبرتي علينا وفين مشيتي وكذا بدا كيسول في قلت له علا ما فيخباركش قال لي شنو قلت له راه الوالده ديالي توفات الله يرحمها وهذاشي هو اللي كان مغبرني هذ المده هذه كامله المهم عزاني وبقيت جالسه انا وياه وبقت كيواسي فيا يعني شحال وحنا جالسين مع بعضياتنا في واحد اللحظه وحنا كنتعاودوا هكا مع بعضياتنا قلت له راه الوالده ديالي مسكينه خلات لي واحد الدار فاش انا عايشه وراها فكرات فيا وكتبتها لي في سميتي قبل ما توفى وكانت حاسه براسها غادي تفارق الحياه وقلت لي انا كون ما كانتش هذيك الدويره ما عرفتش راسي فين كنت غاد نمشي احنا لا عائله لا حتى شي حد يعني العائله كلهم كاين غير اللي باغي يبروفيتي فيك ماكينش اللي مدلك د المساعده والوالده ديالي حنت كانت عارفه ذاك الشي علاش فكرت فيا وكتبت لي الدار في سميتي قال لي مزيان والله الا مزيان بعدا ملي كتبت لك الدار في سميتك راكي ما عندك ما تساليها المهم بقات بيناتنا هضره وكلام بواحد النهار هو يجي بدا كيهضر معايا قال لي انت دابا بقيتي غير بوحدك عايشه غير بوحدك فيديك الدار وصراحه را خصكي الوانيس قلت له كيفاش قال لي را خصك تزوجي ايوا قلت له راحد الساعه مازال ما جابش الله السيد سكت علي ودوز واحد الفتره وهو يجي عندي قال لي واش تبغي تزوجي قلت والله اودي وشكون اللي ماغاديش تبغي تزوج وحتى هي تستقر ودير وليداتها ايوا قالي ولا قلت لك انا هو اللي باغي يتزوج بك اش تقولي في الاول جاتني بحال شي صدمه ما تقبلتهاش يعني ذاك السيده را كنت كنعتبره انسان اللي كنفوج معاه كنفرغ عليه قلبي كانت شي حاجه كنعاودها ليه صافي يعني ما عمرني فكرت فيه كزوج فجاتني بحال الصدمه ما قدرت نقول له لا وماقدرش نقول له حتى اه قلت له خليني نفكر فكرت مع راسي كانت واحد السيده كنعرفها جارتنا جلست هكا فضفضت معها عاودت ليها قلت لها را شنو اللي وقع وشنو اللي وقع وهي تقول لي بنيتي واش غادي نقول لك وغير يسري ورا هذا هو الوقت ديال الزواج بحكم انني كنت كبرت شويه البنات قالت لي را هذا هو الوقت ديال الزواج وشكون شكون اللي مايبغيش انه يتزوج السيد خدام على راسه وانت خدامه وتعاونوا مع بعضياتكم وه الدار كاينه يعني ماغاديش تحتاج تحتاجوا انكم تمشيوا تكريو عند عباد الله وهذا صافي درت بالهضره ديالها جاوبته بانني موافقه فعلا تزوجنا درنا خطبه وضريب صداق كلشي به فيه جا السيد جلس معايا في الدار وليت انا وياه كنخرجوا كنمشيوا للخدمه ديالنا حتى لواحد النهار وقعت واحد المشكله في الخدمه سباوها فيه مشات شي حاجه قالوا ليه انت اللي عساس هنا انت اللي مسؤول عليها قال لهم انا ما شفتش ناضت المشاكل جا السيد مول الخدمه تما جرى عليه قاللي ما تبقاش نشوف وجهك عندي هنايا صافي انا ملي جيت للدار بقيت كنهضر معه كنقول لي قول لي الصراحه واش انت عندك يد فيذاكشي اللي مشى قال لي ابدا قال لي انا ما في راسي ما يتعاود صافي البنات ولا تيتينيني في الدار انا كنمشي كنخدم وكنضرب تماره كنجي للدار كنلقى السيد غير جالس ماكيخرج يقلب على خدمه ماكيخرج يدير حتى شي حاجه غ جالس في الدار كنمشي انايا نخدم نخدم ونجي للدار خصني نجمع ونطيب ونوجد ليه ما ياكل ونجلسوا هكا ناكل وبحال الا حتى شي حاجه ما كاينه اليوم غدا اليوم غدا بطبيعه الحال ما حد المده كطول وما حدي انايا كنزيد نتعصب وكيطلع لي الدم كنقول مع راسي واش انايا تزوجت به باش نتعاونوا على الزمان ولا هو اللي غادي نولي انايا جالسه كنخدم عليه هذاشي راه بزاف بقى في الحال واحد النهار جلست انا وياه بحال هكا بدينا كنهضر قلت لي فلان را خصك تنوض دبر على راسك راه ما يمكنش تبقى جالسه هنايا في الدار واش انت مراه واش انايا فينما نمشي نجي نجي من الخدمه ونجي من التماره نلقى الدار مرونه وحالتها حاله وانت جالس في وسط الدار وبحال الا ما ما زعما ما تابعك حتى شي حاجه خرج تخدم على راسك قال لي وفين غنخدم انا را كنت تما غساس قلت له عساس مالها كنت عساس فيديك البلاصه را غادي تمشي تعس في عماره تعس فاش ما كان غادي تخرج تقلب على راسك فعلا بقيت كل مره كنقول عليه حتى خرج خرج كيقلب على راسه لقى خدمه في واحد العماره عماره اللي كانت يعني البلاصه بعيده علينا بزاف يعني السيد كيتعطل باش انه يجي ودائما كيجي كيتشكى كيقول لي ماكنلقاش الرونسبور فاش نجي وهذك البلاصه راها خارجه وبعيده وانا دابا كنضرب تماره وفي الاخر ملي كنبغي نجي نحط عظيماتي خصني نبقى شحال وانا واقف كنستنى في الطرونسبور يعني ماجباهش الخدمه انا كنقول له صافي انت اش غادي دير غير عدي ما عندك ما دير عدي فيها وصافي بلا ما تبقى تشكى الراجل فينما مشى خصه يدبر على راسه را ما يمكنش غادي تبقى هذه الخدمه ما عجبتنيش هذه ما عجبتنيش ماغاديش تبقى تشرط فعلا بقى خدام واحد المده اللي هي طويله المهم البنات انايا ديك الوقيته كنت حامله دوزت الحماله ديالي الحمد لله دازت الامور على خير وبخير ولدت الوقيته اللي ولدت البنات الراجل بدا عاوتاني كيتشكى من ديك الخدمه وقال لي بلي صافي را غادي يخلي ديك الخدمه وغادي يجي باش يبدا كيقلب على شي بلاصه اللي تكون شويه قريبه لينا وما يبقاش يعني كيتمحن فيذاك سيرواجي المهم ملي جلس في الظهر وليت كنخلي معه البنيه ملي انا شديت عضيماتي شويه وليت كنخلي معه البنيه وكنمشي للخدمه ديالي كانوا عاطيني واحد المده باش انني يعني ديك النفاس ما تقريبا نقولوا انا ما نفزشش بحالي بحال العيالات راه واحد المده صافي خليت البنيه معه كنخلي لها الرضاعه ديالها بحكم انها ما كانتش كتشد البزوله كنعطيها غير الرضاعه وكنخلي ليه ليكوش كنخلي ليه الحويجات ديالها كلشي كنحطهم حداه وكنقول له ها انت البنيه اللي خصها شي حاجه تبدل ليها دير ليها حيت السيد صافي جالس في الدار كيتسنى تيقلب على خدمه صافي رجعت انايا للخدمه ديالي فينما كنمشي للخدمه كنجي كنلقاه هويا متكي والبنت ناعسه حداه كنت كنستغرب فينما كنجي كنلقى بنتي ناعسه دائما كان كيجيني يعني فضول وكنسوله كنقول له حى كيفاش فينما كنجي كنلقى الدريه ناعسه جاتني غريبه يعني كيفاش عمرني ما جيت ولقيتها فايقه كيقول لي ومال انا اش بغيتيني ندير لها والبنيه راها مرتاحه راها ناعسه صافي راه مالها مبدله راضعه علاش غادي تبقى فايقه را صافي جا النعاس راه نعسات وشتي قال لي تحكمي حى في الدريه وقتاش تنعس ولات واحد الشويه العلاقه بيناتنا متوتره بحال الا ما بقاش راضي انه كيشد البنت وانايا كنخرج نخدم ولكن انا ماشاداش عليه الخدمه انا كنقول له غير دبر على الخدمه ا فوا يلقى الخدمه انا را كاينه جارتي تبقى تشد لي البنت قالت لي ما عنديش مشكل يعني ما حد هو كاين في الدار كنقول لهم شدها باها علاش غادي نمشي نديرها انا عند الجاره وباها كاين في الدار اليوم غدا اليوم غدا بحال الا قلتوا البنات السيد استحلى هذك القضيه انه كيبقى مقابل غير البنت وجالس في الدار في واحد النهار جيت بحال هكا هضرت مع الجاره ديالي جالسين هكا كنتحتوا مع بعضياتنا وهي تقول لي صراحه راني باغا نقوللك شي هضره وما عارفاش كيفاش نوصلها لك قلت لها قولي راكي خلعتيني ش واقع هو قالت لي صراحه ما كاين ما نخبي منك راجلك راه كتجي معه واحد السيده را كتضل معاه في الدار قلت لها اش كتقولي قالت لي بحال الا شفتيهم بعويناتك قالت لي را فينما انت كتخرجيخدمه صافي والسيد غير كطمن صافي انت را مشيتي لخدمتك وبديتي خدمتك كيعيط للسيده كتجي وانا راه شفت هذا الشي مرارا وتكرارا و كنت في الاول كنقول يمكن شي وحده من العائله دياله ذاك داكشي علاش ما كنتش كنبغي نقولها لك ولكن ملي شفت السيده فينما انت كتمشي بالضبط للخدمه عاد هي كتجي صافي تما دارت ل في الراس وقلت يمكن هذه شي وحده راه مصاحب معها كيجيبها ملي كتخرجي انت للخدمه انت كتمشي كضربي عليه تماره وهو جالس تيتيني في الدار وكيجيب وحده يضل هو وياها ملي تقربي تجي من الخدمه السيده كتشي في حالياتها وكان شيئا لم يكن قلت لها حولني انا فين ما كنجي كيلقى الدريه ناعسه عمرني ما جيت ولقيت الدريه فايقه قالت لي طالعي ببنتك كرا كيدير لها السيرو ديال النعاس باش تبقى ناعسه هو بقى عايش الحياه هو وديك خيتي ايوا اش غادي نقول لكم بقى في الحال وبديت كنفكر كيفاش غاد ندير باش ان السيد يخرج يخدم على راسه ما يبقاش يجلس في الدار باش ما يبقاش يجيب ديك خيتي ماشي جاتني الفكره ديال انني نواجهه ولا شكون هي هذ خيتي لانني انا ما عندي عليه حتى شي دليل وحتى فكره انني نخرج من الخدمه قبل الوقت ولا هذا ما عنديش هذ الامكانيه هذه ما عنديش الخدمه عندنا مزيرين ولا مشيتي حى درتي شي حاجه ها ولا ها ممكن انهم يصيفطوني مع الطريق وانايا هذك الخدمه كنت محتاجه لها فكنقول انايا في الوقت اللي غادي نبرك انا نعست عليه غادي نبقى نقول عليه يخرج يخدم على راسه وندير راسي بحال الا ما سمعت حى شي حاجه ما حدي ما شفت حتى شي حاجه بعينيه فعلا بقيت كنقر ناض البنات مشى يخرج يخدم على راسهاني مشى لواحد العماره اني ولا عساس فيها قلت له هذ الخدمه دابا مانسطالي فيها مزيان كلشي هو ذاك قالي مزيانه خدمه الصراحه مزيانه صافي ارتاحيت ليه وليت البنيه كنخليها عند جارتي كنمشي لخدمتي كنجي في العشيه كنجيب بنيتي كيجي هو من الخديمه دياله كنجلسوا ناكل مع بعضياتنا ومريضنا ما عنده باس حتى لواحد النهار ويقول لي صراحه انا هذيك الخدمه غادي نبدلها قلت له ياك يلا قلتي انت مرتاح فيها وعاجباك كيفاش غادي تبدلها علاش اشنو واقع وقال لي كاينه واحد السيده تما راه من نهار خدمت وكل كل مره كتجي مره جايبه لي قهيوه مره جايبه ل الغداء انا قلت السيده را زعما غير كنبقى فيها حنت انا عساس تما ولكن را واحد النهار قالت لي انا راني بغيتك بالخاطر ولا بالسحور شوف اللي بغيتي قلت له اويلي العيالات وصلت بهم حتى لهذ الدرجه ولاو بغاو يخطفوا رجال العيالات شش هذاشي اوا قال لي المهم انا علمتك بغيتيني نبقى خدام تما را هذ السيده را غتبقى تدور بيا والشيطان را تي عارفه الشيطان را حاضر فين ما كان يعني انت الا بغيتيني نبقى خدام تما هذ السيده هذه راه غتولي غتولي مدياني ليك بحال هكا قلت له هذاشي ولا صح هذه خصني نمشي ليها وندير لها قالي ما تمشيش اناري قالي السيده را كتهضر بالسحور وتهضرتولي تولي دايره لك شي حاجه انت هي ولا البنت وهذه وبدا عل بديك الهضره الخاويه دياله هو هذاشي كامل كيقلب غير على باش نقول له انايا صافي ما تبقاش ما تبقاش تخدم تما صافي بعد عليها وطيها اتساع وفعلا داكشي اللي وصل لي بقوت وت ما بقى كيخلع فيا يقول لي السيده سحاره فاعله تاركه السيده راجرات عل وكتقول لي بغيتي بالخطر بغيتي بالزز راك غادي تولي يعني ديالي انا قال لها انا قلت لها راني انا راجل مزوج وراني عندي بنيه وهذه وقالت لي ما يهمنيش مزوج ولا ما مزوجش المهم انا انت بغيتك تكون لي انا صافي وانا نقول لها عرفتي اش غادي دير جلس اخويا من ديك الخدمه حنا ما خاصنا خصنا بسحور ما خصنا بمشاكل ما خاصنا بصداعات هذ السيده هذه را باينه عليها ما كتحشم ما حتى شي حاجه وغادا تبقى تدور تدور تدير بيناتنا المشاكل وانا خويت من بالي ديك الهضره اللي كانت قالت لي جارتي قلت ممكن انه يكون واحد النهار غلط دار شي حاجه انا غادي ندوزها تقدروا انكم تقولوا علي مدلوله ما عرفتشنو ولكن غادي نقول لكم البنات انا كنت ولفته في حياتي وما كنتش كنتخيل انني غادي نعيش ديك الحياه ديالي بلا به بعيوب بكل شي كنت صابره عليه ولكن حتى وصلت الامور لواحد المرحله اللي صافي البنات ما بقيتش قدرت يعني دوزت لي بزاف ديال الحوايج اللي هما خايبين اللي بزاف ديال العيالات ما يقدروش يدوزوهم اللي بزاف ديال العيالات اللي غادي يقدروا يوقفوا الراجل عند حده في هذك المرحله هنا البنات الراجل ملي صافي قلت له واخا ماشي مشكل جي جلس في الدار حتى تلقى لك شي خدمه ما حسن وبعد على ديك خيتي جا جلس في الدار ولا يعني عصبي لواحد الدرجه اللي هي كبيره بحكم انه حس بان جارتي ولات حاطه عليه العين ما بقاش قادر انه يدبر على شي وحده ويتم جايبها لي للدار وانا ماكايناش السيد هو اصلا مريض مريض بانه ما عندوش الوفاء لشي وحده هذاك السيد عزيز عليه يبقى يبدل في هذه وفي الاخرى وفي الاخرى المهم بحال الا قلته قنط ولا حاضي راسه ولا حاس بان العسه كاينه من هنا وكاينه من هنا صافي ما بقاش قادر انه يدير شي حاجه ماشي هي هذك وكيضل جالس غير في الدار وكيقابل الدريه بحكم انه ملي جلس في الدار وليت صافي ما كخليش بنتي عند الجاره كنجيبها كنخليها معه اليوم غدا اليوم غدا اليوم غدا السيد حتى ولا كيتنفخ ويتنثر على والو على والو يا البنات اي حاجه نهضروا فيها مع بعضياتنا بحال هكا ينوض المشكله من حتى شي حاجه كتنوض بيناتنا مشاكل اللي هي كبيره مشات ايام وجات ايام قال لي انا ما بقيتش قادر على هذ الجلسه في الدار انا غادي نخرج نقلب على راسي مشى البنات خدم في واحد الخدمه ماشي في العسه ولكن خدم في واحد الخدمه اللي كان كيشد فيها فلوس اللي مزيانه السيد يعني بدا كيترقع ولا السيد كل مره كيجي لابس لي لبسه في شكل كيقول لي شوفي را عجبتني هذ اللبيسه واش جات معايا كنقول له بصحتك ايوا كنقول لي را مزيان بعدا الانسان يتهلاى في راسه هذا السيد ولا بدا كيتهلاى في راسه ولكن ماكيتفكرنيش لا انا لا بنتي عمره ما جا وقال لي بنت الناس ها انت الا بغيتي تشري شي حاجه بنتي والبنت ولا فلوسه دايرها في جيبه وانا صافي ولا يعني محكوم علي بديك القضيه ديال انني انا اللي كنصرف في هذك الدار وهو ماكيحط يدو في حتى شي حاجه ديما داير السبه اليوم خدام غدا ما خدامش صافي فوليت انا دائما راني كنمشي كنتقدى دائما كنمشي كنخلص الموده والسيد جالس اني ركابيه وما مسوقش ل والنهار اللي خدم بحال الا قلتوا البنات بقى مولف على نفس القاعده حتى لواحد النهار وانا نوض ليه قلت له فلان تبارك الله الفلوس ولات داخله خارجه بين يديك وما بقيتيش ذاك الانسان اللي كان غ عساس يعني ما ناقصك حتى شي خير الحمد لله ايوا فين را شتك ما بقيتي كتصرف ما بقيتي تخلص موضو ما بقيتي دير حتى شي حاجه لا انت صافي شتي هذ الفلوس دخلوا بغيتي تبعيهم بغيتي تطيريهم انت فاعله انت تاركه ياك اسيدي انا مدخلاك داري وصارفه عليك ووليت دابا كنسمع في المعيار على ودنيه تناقت انا وهي قال لي شتي الدار هذه كلها اللي كدوري وكتجملي علي انك مجلساني فيها انا غادي نخليها لك خرج زاد خلفه مع الطريق قلت انا يمكن غادي يمشي تيبرد عليه راسه غادي يرجع ماد فين غادي يعطي بالراس ولكن كنت غالطه بزاف السيد يعني كان كيدير ديك المشاكل بيني وبينه من كلمه كينوض يبدا يعجعج ويبدا يغوت يعني هذاك الشي كامل كان بسبب انه لقى واحد السيده اللي مناسباه واللي بغاها وعجباته ومدوز معها الحياه ديالو انا ما في راسي ما يتعاود وكانت خاصها غير السبه باش يتخاصم معايا باش يخرج من الدار صافي انا قلت انا راني دائما نصارفه على راسي ودائما بحال الا راني عايشه غير بوحدي هو را غير زياده ما كنقولوا غير خضره فوق طعام صافي بقيت عايشه الحياه ديالي ما كتسوقش ليه ما كنعيط ليه ما كنسول فيه قلت انا النهار اللي غادي يتفكرنا راه غادي يجي صافي السيد ما بقيت سمعت عليه حتى شي حاجه غبر غبره ديال الصح حتى لواحد النهار جارتي هي تقول لي ولدي راه قال لي فلان راه لقاه في البلاصه فلان فلانيه ومه واحد خيتي ودايرين اليد في اليد قلت لها واش متاكده قالت لي متاكده قلت لها في بلاصه قالت لي بلاصه فلان فلانيه ولا نهز التليفون نعيط ليه فلان واش انت ما عندكش واحد البنت تفكرها واش انت ما عندكش واحد البنت اللي خاصينها حليب خاصينها لي كوش خاصها بزاف ديال الحوايج قال لي شوفي انا غا قلبي على نمرتي انا لقيتك انت انسانه اللي باغى تجيبي واحد يبقى غير خدام عليك انت جالسه في دارك معززه مكرمه وانا تجيبيني نمشي نضرب عليك انا في تماره شوفوا الهضره كيفاش دايره هو جالس معايا فابور ودارني انني انا جالسه معززه مكرمه في داري وهو خصه يخرج يخدم علي وراك راجلي را بطبيعه الحال خصك دير هذا الشي هو ما عجباتوش هو كان باغي ديك العيشه ديال فابور يجلس يدير رجل فوق رجال جالس في الدار فابور نجيب انايات نخلص انا الموضوكه غنشوفه هويا كاين عندي في الدار قلت له را ما يمكنش انا صبرت عليك حتى هي نقول اليوم يتقاد غدا يتقاد ولكن را بزاف ودابا ملي دبرتي على راسك والفلوس را جت بين يديك مشيت دبرتي على واحده اخرى وشيتي عشتي معها ولا كيفاش وقال لي حسبها كيف ما بغيتي انا قلبي على ساحتي عيشي قال لي انت وبنتك كيف ما كنت عايشه شحال هذا ونسايني بحال الا عمرني ما دخلت حياتك خليني حتى انا نعيش حياتي انا قتلتيني خنقتيني ودرتي لي وفعلتي لي وقال في شي هضره اللي ما عمرها كانت فيا صافي في هذاك الوقت قلت فلانه تحزمي وترزمي وعيشي حياتك كي قال هو ونساي عليك الزمر هذاك السيد اصلا ما كانش مناسب من النهار الاول صبرتي عليه بما فيه الكفايه هزيتي به دار بزاف ديال الحوايج اللي ماخصهمش يداروا كتقولي راه دابا واحد النهار غادي يتغير دابا واحد النهار غادا تقاد الامور ولكن راكي كنتي غالطه وكتعطي فرصه لواحد الانسان اللي ماكيستاهلهاش نسايه من بالك حتى قلت مع راسي لي الفرصه ونمشي ندفع الطلاق ديالي لحد الساعه يعني في هذك الوقيته ما درت حتى شي تصرف كملت في خدمتي وقابلت بنيتي والامور ديالي غاديه في امان الله وحفظه السيد ملي غادي يخرج من ديك الخدمه وماغاديش تبقى ديك الفلوس اللي رايجه واللي معمره اللي يجيب دسراته لحقاش ملي ما كان عنده حى شيال كان حاضر راسه اللي قلتها ليه يقول مرحبا واخا ماشي مشكل ولكن النهار اللي دخلات الفلوس في جيبو السيد جيبو حس به عمر بدا كيتنفخ وبدا كيهز نيوفو للسماء وبدا كيقول حتى هو ديك الحاجه راه ماجبانيش وديك الحاجه ما بغيتهاش المهم السيد ملي تقاضى ليه الرزق فيديك الخديمه وما بقاش عنده الفلوس ما بقاش جيبو عامر كان كيحساب له باللي ديك السيده اللي هو عايش معها را كان عايش معها بلا زواج بلا حتى شي حاجه السيده كانت حتى هي غير كتستغله كتنتف فيه دارت منه بزاف ديال الحويجات والنهار اللي غادي يخوى جيبه والنهار اللي غادي يحبس من ديك الخدمه كيحساب له راسه راه بحال ملي كان معايا فاش كان كيجلس من الخدمه كنقول له صافي جلس ها الدار معزز مكرم وانا كنخرج نخدم عليه ونجي ونهضر معه غير بالتاويل ودايره له الخطر دياله باش يخرجعاود يخدم مره اخرى كيسحب راسه را كاع العيالات غادي يديروا ليه نفس الحاجه هذك السيده ملي شافته جلس وربع رجليه عندها في الدار قالت لي سيدي زيد عطيني اتساع انا راني ما زعما ما جبتكش باش غادي نبدا انا كنصرف عليك قال لها وانا خسرت عليك كاع فلوسي واللي شديته كنعطيه لك وانتفتي لي ودرتي لي وفعلتي لي قالت لي درتي داكشي على خاطرك مادرتيش تبزز وتى دابا زيد عطيني اتساع السيد ملي ساسته هذيك السيده اشنو غادي تفكر فين غادي يصد فين غادي يمشي تفكرني انا عاد جيت له على البال دياله جا لعندي للدار فلانه وسمحي لي وانا را ما عرفتش راسي كيفاش اش كان طاري بيا ورا واقيلا كنت مسحور وراه واقيلا كنت هاتي راه قال لي الدليل انني كنت طاج من هذا الظهر وما باغيش نجي لها قلت له ودابا شنو فسخوا لك هذا السحور هذا حيدوه ليك ما نعرف واقيلا تفسخت واقيلا هذه ورا ذاكشي دابا علاش انايا تفكرتك وتفكرت بنتي وبغيت اننا نعيش مع بعضياتنا وانا غادي نواعدك من اليوم غادي نخرج ونقلب على خدمه وغادي ندير وغادي نفعل قلت لي اسمع فلان انا عطيتك فرصه ماشي مره ماشي جوج باش تثبت لي انك راجل اللي نقدر انني نعول عليه ولكن للاسف في كل مره كنعطيك فيها هذك الفرصه ماكتكونش على قدها ودابا ولد الناس ملي ساستك ديك خيتي اللي مشيتي عندها وبدلتيني بها اش تفكرتي قلتي رجع عند فلانه اللي كنت فينما كنغلط كداري على الاخطاء ديالي وكتحوزني لها وكتقول ماشي مشكل ولكن دابا انا ما بقيتش هذك السيده اللي عرفتي النهار الاول ما نعاودش نشوف كمارتك عندي هنايا في الدار يلا زيد عطيني اتساع خويت به كيف ما خوى بيا وفي هذك اللحظه عاد قررت باش انني غادي نمشي نرفع دعوه ديال الطلاق باش ناكد ليه انني فعلا ما بقيتش في حاجته وما عندي ما ندير به وما يعاودش يطوف بيا مره اخرى حاليا عايشه انا وبنتي بخير كنمشي كنخدم مقابله بنتي اموري غاديه في امان الله وحفظه خارجه داخله كيف ما بغيت ناشطه مفرغه راسي من المشاكل ماشي مزوجه سميت راه مزوجه وفي الاخر لقى راسي انا اللي كنصرف عليه وهو جالس مجبد رجليه في الدار بزاف ديال الامور كنت كنحاول انني نغمض عيني عليها وكنقول ماشي مشكل وهذا هو الزواج والانسان يصبر المره دوز حاجه خايبه ومره دوز حاجه زوينه حتى بنادم يعني كيعرف ذاك الانسان مزيان ان شاء الله يعني يولي كلشي غير تعاويد وترجع العلاقه مزيانه ولكن لقيت راسي كنحاول مع انسان اللي اصلا دون المستوى وهذه هي حكايتي اعزائي المستمعين كنتمنى ان القصه ديال اليوم تكون نالت الاعجاب ديالكم وكذلك تكونوا استفدتوا خديتوا عبره وما تنساونيش كيف ما العاده من لايكاتكم وتعاليقكم الزوينه بحالكم ونتلاقاو ان شاء الله مع قصه جديده دمتم في رعايه ‏Yeah.