غض البصر | الدرس الثاني

بسم الله الحمد لله والصلاه والسلام على رسول الله وعلى اله وصحبه ومنه واشهد ان لا اله الا الله وحده لا شريك له واشهد ان محمدا عبده ورسوله اللهم صل على سيدنا محمد النبي وازواجه امهات المؤمنين وذرياته وال بيته كما صليت على ال ابراهيم انك حميد مجيد اما بعد المجلس الثاني في مساله غض البصر المره اللي فاتت ا اتكلمنا عن ان الله عز وجل قد يعني وضع حمى للوقوع في الفاحشه اللي هو غض البصر واكتشفنا المره اللي فاتت ان غض البصر نفسه له حمى غض البصر نفسه له حمى واتكلمنا عن هذا الحمى احنا المره اللي فاتت ماكلمناش عن غض البصر اتكلمنا عن حاجات حوالين غض البصر حاجات بتعنا على غض البصر اا وده ليه؟ لخطوره الامر فيبقى غض البصر نفسه محتاج له حمى وقلنا المره اللي فاتت ليه؟ علشان اطلاق البصر سهل متكرر اا وسهل اخفاؤه عن الناس ف عشان الحاجات دي كلها كان محتاج له حمى تاني يحميه وتكلمنا عن مساله ما يباح كشف وما لا يباح لكن في عجاله والنهارده بقى ان شاء الله عاوزين نتكلم عن مساله غض البصر من حيث غض البصر عاوزين نبدا بكلام للامام الرازي رحمه الله ونبتدي نفهم كلام الامام الرازي ليه يا جماعه بس هنبدا بكلام الرازي احنا عندنا دلوقتي ممكن واحد تبقى مشكل واحد تبقى مشكلته في القوه العلميه وواحد تبقى مشكلته في القوه هو العمليه يعني ايه؟ يعني واحد ما يعرفش ان كذا حرام ما يعرفش فلو عرف انه حرام مش هيعمله هي قضيته مش ان هو مش عارف يغض البصر هو مش عارف اقصد يعني ما عندوش القوه انه يغض البصر لا هو جاهل بان المساله دي المفروض يغضي فيها البصر ما احنا عندنا يا جماعه دلوقتي في مسائل واضحه فيهاش اشكالات يعني واحد بينظر لامراه بشهوه دي ما فيهاش اشكال انه لازم يغض البصر كلنا عارفين دي او العكس واحده بتنظر لرجل بشهوه فكلنا عارفين انها لازم تغض البصر واحد بيتفرج على اباحيه واحده بتفرج على اباحيه انما بيجي لنا اسئله هو مش عارف معدتي في الجامعه انا في الجامعه ف بتشرح لي معيده بتشرح لي دكتوره ينفع ابص ولا ما ينفعش ابص هو هنا عنده جهل في هذه المساله يعني انا لازم اغض البصر ولا لا ممكن انظر دكتور فينفع انظر الى الى بدن المراه ولا ما ينفعش او العكس الست تقول ينفع اروح لدكتور راجل ولا ما ينفعش هنا المشكله فين؟ مش في القوه العمليه هو في القوه العلميه هو مش عارف انا المفروض اعمل ايه فمحتاجين نضبط الحته دي وبعدين بقى ننطلق الى القوه العمليه اللي هو الاشكال الكبير بقى بتاع الشباب اللي هو احنا انا مش عارف بقى ايه مش مش مش عارف هو حرام ولا لا انا عارف انه حرام ومش عارف اغض بصري فازاي اغض بصري ده اشكال في القوه العمليه لكن عاوزين في عجاله في دقائق بس نضبط مساله القوه العلميه دي مساله مسائل فقهيه عشان ننطلق بقى كيف نغض البصر يقول الرازي رحمه الله واعلم انا ذكرنا انه لا يجوز النظر الى شيء من بدنها يعني ب بدن المراه الاجنبيه ويجوز النظر الى وجهها وكفها واحنا قلنا المره اللي فاتت في كم قول ثلاث اقوال ده اخف قول يعني ما الذي تبديه المراه منها؟ اخف قول عند الفقهاء الا في اقوال اخرى طبعا يعني ايه لكن ضعفها اهل العلم ان هي تبدي الوجه والايه والكفين القول اللي فوقيه تبدي الوجه ولا تبدي الكفين القول قول الحنابله لا تبدي شيئا المراه كلها عوره فهنا الرازي واخد بالقول ان هي تبدي الوجه الكفين خلاص متساهل الرا [ضحك] قال: "وفي كل واحد من القولين استثناء" اما قوله وده بقى اللي يعنيينا يجوز النظر الى وجهها وكفها فاعلم انه على ثلاثه اقسام ركزوا يا شباب كل الكلام اللي جاي في النظر للوجه والكفين هنقعد بقى نفصص في الاحكام وفتنه ولا لا وفي حاجه ولا لا كل الكلام اللي جاي في الوجه والكفين خلاص يقول فاعلم انه على ثلاثه اقسام اما الا يكون فيه غرض ولا فيه فتنه يعني ايه؟ يعني اول قسم ان يكون في غرض الننظر ولا فتنه هنيجي دلوقتي للامثله بتاعتها واما ان يكون فيه فتنه ولا غرض فيه يعني لو نظرتها فتا ومافيش غرض اصلا يدعوني اني انظر اصلا مافيش حاجه تدعو للنظر واما ان يكون فيه فتنه وغرض يعني في حاجه ان انظر لكن هافن لو نظرت اما القسم الاول ايه بقى القسم الاول حد فاكر >> فيه غرض >> ولا فتنه خلاص يعني في حاجه اني انظر وما فيش فتنه مثال دلوقتي زي اللي احنا قلناه من شويه المعيده بتاعتي في الجامعه والله هي بتشرح وانا لما بنظر انا لا اخاف الفتنه ولا ما بشتهيش ولا حاجه وست كبيره اي حاجه يعني ايه المهم ما فيش شهوه بتحصل او ما فيش خوف شهوه او كذا خلاص احنا بنتكلم نظر في النظر لايه >> للوجه خلاص طيب قال اما القسم الاول فاعلم انه لا يجوز ان يتعمد النظر الى وجه الاجنبيه لغير غرض يعني واحد تعمد انه ينظر للوجه لغير غرض حرام ماشي طيب بيقول اه بس هو انا هو الغير غلط بس ما فيش فتنه ما فيش شهوه حرام ما بنتكلمش على بدن ما نتكلمش على الشعر ما نتكلمش على ما بتتكلمش على ده النظر الى وجه الاجنبيه لغير غرض ما فيش حاجه تدعو الى النظر لوجهها تعمد ذلك حرام خلاص قال وان وقع بصره عليها بغته يغض بصره واضح الكلام لقوله تعالى قل للمؤمنين يغضوا من ابصارهم وقيل يجوز مره واحده اذا لم يكن اذا لم تكن محل فتنه وبه قال ابو حنيفه رحمه الله قال ولا يجوز ان يكرر النظر اليها يعني لا يطول في النظره ولا يكرر النظر وقع نظره بغته فجاه مش عارف ان في امراه فشاف وجه المراه يصرف ايه بصره وهذا قول النبي صلى الله عليه وسلم اصرف بصرك لما سئل عن نظر الفجاه قال اصرف بصرك وكررت لكم قلت لكم المره اللي فاتت الكلام ده قلت لكم هو اللي جه بيسال النبي عليه الصلاه والسلام عن نظر الفجاه ده هو هيشوف ايه في في عهد الصحابه هيشوف ايه يعني ومع ذلك قال له النبي صلى الله عليه وسلم اصرف بصرك ما هو الصحابيات ماشيين ازاي ولا اصرف بصرك خلاص قال لقوله تعالى ان السمع والبصر والفؤاد كل اولئك كان عنه مسؤولا يبقى لا يكرر النظر ولقوله عليه السلام يا علي لا تتبع النظره النظره فان لك الاولى وليست لك الاخره وعن جابر قال سالت رسول الله صلى الله عليه وسلم عن نظر الفجاه فامرني ان اصرف بصري اما القسم الثاني يبقى خلاص يا جماعه يبقى لا غرض فيه ولا فتنه ما فيش فتنه بس ما فيش غرض هل يجوز ان ننظر لا ما يجوزش انك تنظر طالما ما فيش غرض لا يجوز انك تنظر طب يا شيخ ده انا ما فيش فتنه يا شيخ ده ما فيش شهوه لا يجوز انك تنظر للمراه الاجنبيه لوجه المراه الاجنبيه طالما ما فيش غرض للنظر. القسم الثاني وهو ان يكون فيه غرض ولا فتنه فيه. عفوا احنا انا قلت مثال غلط من شويه المثال هنا بقى كان الاولى كان لا غرض فيه ولا فتنه. فده مش المعيده. المعيده في غرض ان عاوز ابص للشرح عاوز كذا عاوز كذا اذا كان في غرض يعني. انما المعيده بقى تيجي هنا ان هو في غرض ولا فتنه. قال فيه غرض ولا فتنه فيه. فذلك امور احدها ان يريد نكاح امراه فينظر الى وجهها وكفيها اذا اراد النكاح وذكر ادله ذلك قال فكل ذلك يدل على جواز النظر الى وجهها وكفيها للشهوه اذا اراد ان يتزوجها ثم ذكر مساله اخرى وهي عند المبايعه ليه كده ليه القرار الفجاه ده مش >> هو رد حلو بس برده ليه رجع كل اللي كان هو مين خد القرار ده مين >> ليه القرار ده مش فاهم انا طب ممكن اخد قر ماديش الدرس عادي >> نعم >> لا ماحدش يعمل حاجه غير اما انا اقولله اقصد الناس الراحه جايه يعني ماحدش يروح ويجي غير لما اقول له يعني ما تزعقلوش الشيخ رافط مننا هيضلمها كلها دلوقتي يقوللك طب يلا بقى من مافيش درس [ضحك] طيب مثال اخر يا جماعه لما فيه غرض ولا فتنه فيه قال عند المبايعه ركزوا يا جماعه الامام الرازي بيقول ايه بيقول انه في غرض وما فيش فتنه انظر مثال عند المبايع واحد بيشتري من واحده او عفوا واحده دخلت تشتري من واحد فغض البصر لا ما تغضش البصر انظر الى وجه المراه ليه؟ لان المبايعه ما بتنتهيش عند خدوهات ممكن شويه وترجع لك تقول لك انا لسه شاريه منك الم عارف وهي لا اشترت ولا عملت وانت ايه هي معتبده انك الايه الاخ فلان اللي ما بيغض البصر اللي ما بيبصش على النساء وبتاع احد المشايخ الشيخ معروف يعني وايه مسجده اربعه ادوار يعني عامر بيبقى مليان وزمان يعني وبعدين ففي مكتبه اسلاميه ايه فاتحه في وش ال المسجد فدخلت واحده منتقبه تقول له انا بنت الشيخ فلان اللي هو بقى الشيخ الايه وهو شيخ بيقوللك عاوزين شويه حاجات كده وكذا وكذا واخد الحاجات ومشيت الشيخ ده اصلا ما عندوش بنات اصلا يعني طيب هي مساله بيع وشراء وهيترتب عليها امور يعني ما هياش بيع وشراء يعني الحاجات البسيطه اليوميه دي طب وهي منتقبه وهي اللي هتشتري وهي اللي ينفع اه تكشف وشها طيب لو حاجه زي ما بنقول هيترتب عليها امور بعد كده او مبالغ كبيره بتدفع او كده هل البائع ممكن يصر انه ينظر للوجه؟ اه له ذلك انه يصر انه ينظر لوجه المراه بل قالوا يتامل وجهها مش بس ينظر يتامل ده مش يعني يقعد يبص في على لا يتامل الوجه يعني ينظر نظرا بحيث انه لو يحتاج بعد كده يقول هي دي اللي اشترت او لا مش هي يبقى عارف هي ولا لا فهذه من المواطن التي زي بعضه هنخليكم ايه تبصوا لوجه المراه الوجه ماشي قال عند المبايعه ينظر الى وجهها شوفوا الراجل بيقول ايه متاملا علشان يبقى فاكر هي دي اللي اشترت مني حتى يعرفها عند الحاجه اليه ممكن ترجع رجع له ايه؟ بخيار عيب في عيب في السلعه وعاوزه وهي اصلا ما اشترتش من هنا اصلا خلاص دلوقتي بقى لو في زي الريسيت اللي هو بيبقى مع الحاجه ولا بتاع بيسهل الدنيا بس مش كل يعني مش كل البيع فيه ده او عقد او شيء ماشي الحال من هذه الصور ان ينظر اليها عند تحمل الشهاده يعني تعال يا فلان اشهد ان فلانه بتشتري من فلان ان فلانه بتعمل صفقه ان فلانه بتعمل فج يشهد فالراجل المتدين عامل ايه؟ اللي فاهم دين حاطط وشه فين؟ ده مش فاهم دين ده كده مش فاهم دين ما تشهدش خلاص ليه بقى هيجي بعد كده هو الراجل فعلا عنده ديانه يعني بس مش بس جاهل هيجي بعد كده الراجل شفت فلان النصبي تعال تعال بقى اشهد قدام المحكمه انها ايه هي اللي خدت مني المش عارف ايه يجي القاضي يقولله ايه هي دي لو قال اه يبقى ايه كذاب هو مش عارف شكلها يبقى ضيع حق الراجل بايه؟ بجهله لا هنا ينظر الوجه اه ينظر للوجه ما فيش مشكله ينظر لوجهها علىشان عند تحمل الشهاده لانه اذا طالب باداء الشهاده هنحتاج ان هو كان لازم يبقى عارف هي دي ولا مش هي دي خلاص طيب اما القسم الثالث وهو ان ينظر اليها للشهوه قال فذلك محظور هنا بقى مافصلش يعني هتنظر لشهوه في خوف شهوه حرام تنظر المره اللي فاتت قلنا لكم صور يعني قلنا لك طب اختي حرام قلنا ده المره اللي فاتت امي حرام بنتي حرام نظر فيه شهوه او يخاف منه الشهوه حرام هذا النظر وساعتها عدينا القول ده معلش انا بعيد ثاني لان احنا عايشين في مصايب قلنا البنت او الاخت او الام اللي تشعر شيئا من محرمها تحتجب عنه خلاص قال اما الثالث وهو ان ينظر اليها للشهوه فذلك محظور قال صلى الله عليه وسلم العينان تزنيان وعن جابر قال سالت رسول الله صلى الله عليه وسلم عن نظر الفجاه فامرني ان اصرف بصري وقيل مكتوب في التوراه النظره تزرع في القلب الشهوه ورب شهوته اورثت حزنا طويلا وده هنجي لله ان شاء الله في علاج اطلاق البصر طيب الكلام الثاني يبقى كاننا دلوقتي ايه احرزنا المساله دي يا جماعه طيب واضحه المساله ما اظنش محتاجين فيها تفصيل لان ده مش الدرس احنا ده بس عشان اللي عنده جهل بهذه المعلومات ادينا عرفناها بس احنا مش جايين نقعد عشان نعرف ايه ينفع انظر لوجه يعني معظم الناس مش جاي عشان كده لا احنا عندنا مشكله في غض البط يا شيخ احنا عاوزين نغض البصر بس دي دي معلومات مهمه طيب قال اما الكلام الثاني وهو انه لا يجوز للاجنبي النظر الى بدن الاجنبيه ودي واضحه واستثنوا امورا منها بقى يجوز للطبيب الامين ان ينظر اليها للمعالجه وده سؤال بيجي لنا كتير شيخ انا دكتور في امتياز دكتور خلصت عاوز اتخصص التخصص الفلاني اللي فيه كشف على النساء يجوز الحكم حكم يجوز الفتوى ما تتخصصش هذا التخصص خلاص ليه هو حرام ما قلتش حرام لكن الحرام فيه قريب فانت الدنيا واسعه رايح تضيق الدنيا ليه على نفسك السؤال ده بخلاف واحد جه بيقول لي انا دكتور في المجال ده خلاص انا في التخصص ده ف ايه اللي اعمله وايه اللي ما اعملوش اه ده بقى هنفصل له في الكلام يبقى يجوز تعمل تعمل كذا وما يجوزش انك تعمل نعمل كذا هنقول الكلام ده بس خلونا في دي عشان بس نركز انا عاوز اتخصص يا شيخ فتخص التخصص الفلاني ده في كشف على النساء ما تتخصصش التخصص ده روح لحته تانيه اوسع ما تضيقش على نفسك ما تبقاش عمال ايه كراع يرى حول الحمى يوشك ان يرتع فيه ليه بتعمل كده يعني حرام ادينا جاوبنا مش ما قلتش حرام ما قلتش حرام طيب السؤال اللي بيجيلنا طب انا ست وعاوز اروح لدكتور راجل امراض نساء يجوز ولا لا يجوز؟ الحكم يجوز الفتوى بلاش يعني حرام ما قلتش حرام بالشروط هنقولها كمان شويه انما لو في ست تسد مسد هذا الرجل روح لها طب في ست مثلا روح للراجل برض مش حرام يا جماعه عشان دي احكام فقهيه دي ما احنا مش بنوارب فيها يعني في ست تسد مسد الرجل وفي رجل دكتور رجل انا هروح للراجل ده حرام لا مش حرام ده الحكم لا مش حرام ماشي طيب انما الفتوى بلاش يعني ما تعمليش ده وروحي للست طالما في ست تسد مسد الايه الرجل اللي دايما بيتقال لنا ودي بقى يعني ايه دعوه للنساء الطبيبات يعني ان كل شويه جي لنا اصل هو الستات ما مش شاطره في في التخصص ده وده بسمعه كتير ومن محافظات كتيره يعني مش حتى محافظه واحده وفين وفين اما تلاقي واحده شاطره في التخصص ده فبيحوجن ان النساء تروح للايه؟ للرجال فدي بقى دعوه اخرى للطبيبات انت خلاص انت نزلتي وشغاله و ما تبقي شاطره يعني يعني ما خلاص انت في هذا الصغر خليكي شاطره اتعلمي كويس وركزي في شغلك واديه يعني الوقت اللي هو ايه المطلوب عشان خلاص يبقى يعني ترفعي الحرج عن النساء اللي مش عاوزه تكشف على الرجاله طيب الطبيب بقى الراجل ده اللي هو هيكشف على المراه يكشف يبص لايه الى ما تدعو الحاجه الى النظر اليه ولا يتعدى ذلك الموضع فلو الحاجه انه ينظر لمكان بعينه ما ينفعش ينظر حوالين المكان ده خلاص هو ينظر على هذا المكان فقط لا يتعداه المساله الثانيه المهمه جدا رجالا ونساء بقى النظر دي مساله والخلوه مساله ثانيه يعني ايه يعني خلاص الطبيب امين ومش وخلاص انا هروح للراج راجل وعارفه ان ما ينفعش يختلي الدكتور بالايه بالمريضه هذه الخلوه محرمه وقول مثل ذلك في المدرس مع الطالبه والمدرسه مع الطالب يعني الخلوه حرام فده بيحصل فين في العيادات تلاقي الدكتور قاعد مع المريضه او الدكتوره قاعده مع المريض والباب مقفول الباب ده ما فيش جن ازرق يعرف يفتحه مش هو مقفول بالمفتاح بس لازم يخبط والدكتور يقول له اتفضل ايه اللي ناقص خلوه خلوه طب يعني اعمل ايه لو انت طبيب يبقى دايما في معاك يا اما الست تروح بحد محرم من محارمها للطبيب مافيش يبقى في ممرضه دايما ايه متواجده مافيش حاجه اسمها ان الدكتور قاعد مع المريضه لوحدهم كده في ممرضه دائما قاعده معاهم خلاص ف دي مساله تانيه يبقى استثنوا ان الطبيب الامين له ان ينظر الى المعالجه ا صور ثانيه وقالوا وكذلك لو وقعت في غرق او حرق يعني حصل واحده بتغرق واحده بتتحرق واحده بتقع مش من عارف ايه فيقول لك انا هغض البصر لا يجوز ان اروح ايه نقول له لا يعني لا هنا تدعو الحاجه الى ذلك انقذ الست حتى لو ايه وقع نظرك عليها ما فيش مشكله فدي من المواطن الايه اللي استثنوها طيب مساله نخت نختم بيها المسائل العلميه الفقهيه عشان ندخل على درسنا لان برض ممكن تحدث كثيرا او يعني منتشره قال لا يجوز للرجل ان يجلس عاريا في بيت خال يعني دي مساله تيجي كتير يقول لك ايه انا وانا قاعد لوحده ببقى براحتي ماشي مش شرط يبقى عاري بقى ممكن ما يبقاش عاري بس العوره باينه يعني لابس ثياب تظهر عورته او المراه كذلك ويقول لك انا قاعد لوحدي فهل هذا جائز قال لا يجوز وله ا لانه روي انه عليه الصلاه والسلام سئل عنه فقال الله اح يستحيا منه قال يا رسول الله رايت ان كنت خاليا يعني انا قاعد لوحدي قال الله احق ان يستحي منه قال وروي انه عليه الصلاه والسلام قال اياكم والتعري فان معكم من لا يفارقكم الا عند الغائط وحين يفضي الرجل الى اهله والله اعلم وبهذا انتهى ما نحتاجه من كلام الرازي طبعا الرازي شافعي اا طيب كده احنا خلصنا المسائل العلميه للي عنده اشكال فيها ال العملي بقى طب يا شيخ احنا خلاص عرفنا بس احنا دلوقتي احنا كل ده يعني مشكور جزاك الله خير بس انا انا ماشي بص يعني يمين وشمال وفوق وتحت ويعني فانا ما يعني الكلام ده ما يشغلنيش قوي وده حال يعني ايه او معظم الاسئله كده بتيجي بقى في الحته دي اصلا اللي هو القوه العمليه رايحه في داهيه كيف اغض بصري قبل ما نطلع من الايه نشوف الايه ما هو الله عز وجل يا جماعه لما امر الرجال بغض البصر والنساء بغض البصر ما سابهمش كده احنا امبارح يعني الدرس اللي فات عفوا اتكلمنا ان ايه ده احنا فوجئنا ان الايتين دول حواليهم قصه يعني في حاجات كتير قوي حواليهم علشان تعين على غض البصر وما دخلناش في الايتين تعالوا بقى كده نشوف الايتين قال الله عز وجل قل للمؤمنين يغض من ابصرهم اول حاجه قل للمؤمنين المره فاتت قلنا ايه في انتقال فجاه كده مش كده من يا ايها الذين امنوا الى قل المؤمنين نداء الله عز وجل في القران لاهل الايمان يا ايها الذين امنوا هنا حصلت حاجه عجيبه مع ان في قبليها نداءات قل للمؤمنين يغضوا من ابصارهم وقلنا ساعتها بعض اهل بعض اهل الايمان بيذهلوا ان ايه ان في رب وان ده امر من ربنا سبحانه وتعالى فاحتجنا لايه للتنبيه هديكوا يعني عشان نفهم الحته دي يا جماعه ما فصلناش المره دي لانه ده درسها بقى ده وقتها لما يجي ملك من ملوك الدنيا ويقول لك ايه اعمل كذا وكذا ماشي اهيب في نفسك ولا وانت قاعد قدامه قدام الملك ينبص يقول ايه قل له يفعل كذا وما يبصلكش اصلا الملك ما يبصلكش يبص لز يقول ايه قل له يفعل كذا ايهما اهيب في نفسك الثانيه اهيب الثانيه بتعمل ايه بينك وبين الملك يعني حاجز اكبر يعني لو انت ناسي اني ملك لا فانا ملك وانا ماكلمكش انا عشان امرك بامر هبلغ وزيري يقول لك اعمل دي فهنا يا جماعه ايه قل للمؤمنين يغض من ابصارهم توقع الهيبه في قلبك من الله سبحانه وتعالى دي بدايه الايه كده ما جتش يا ايها الذين امنوا غضوا ابصاركم ما جتش كده قل للمؤمنين يغضوا من ابصارهم يبقى اول العلاج وقوع الهيبه في قلبك انك باطلاق البصر انت تخالف الله جل جلاله الله الذي لما اراد ان يامرك لم يامرك امرا مباشرا وانما قال لنبيه قل له قله يغض بصره فتوقع في قلبك الهيبه منه جل وعلا قل للمؤمنين يغضوا من ابصارهم وممكن بقى تسمعوا درس الخوف ماشي اللي هو احنا قلنا الخوف ثلاث في درس الخوف يعني ثلاث ايه كان هنا برض الخوف صح >> اه طب قولوا انتوا بقى طالما كان [ضحك] قلنا ثلاث مراتب اعلاها الخوف من الله لله فاكرين الاسد والسبع والقصه الكبيره دي اسمعوها يعني لو مهمه جدا جدا هنا بس مش عايزين نعيدها يعني عشان نفهم يعني ايه المهابه تمنعك من اطلاق البصر قل للمؤمنين يغضوا من ابصارهم ويحفظوا فروجهم ذلك اذكى لهم هنا يا جماعه يغض من ابصارهم ويحفظوا فروجهم فكان المعنى لن تحفظ فرجك الا ان غضت بصرك فكان الايه تشير الى هذا المعنى يعني ايه يعني اوعى تفتكر ي بتبص انها نظره وعدت لا النظره هتجيب نظره والثانيه هتجيب ثالثه والثالثه هتجيب اباحيات والاباحيات هتجيب عاده سريه والاعاده السريه هتجيب زنا وده كله مبداه منين من النظره النظره لايه لوجه امراه اجنبيه لا تحل لك مفاجاه للوجه انت تبص ليه على وشها امراه لا تحل لك ما تبصش على وشها اصلا طبعا احنا فينا اللي ايه لا مثلا نساء محجبات وبتاعد والصبح هو يحس انه ايه ولي ما ببصش غير على الوجه يعني هو يحس ان النهارده الحمد لله ايه يوم خلصان بلا ذنوب شيء عجيب و يا جماعه بلوه احنا في بلوه بلوه حقيقيه يعني انا لو قلت لك اديك عرفتها القوه العلميه ايه اللي حلال والحرام لو قلت لك بقى لو احنا قلنا ان الحاجات دي حرام وما اعلى منها طبعا واحده في اعلان في الشارع واحده في في مش عارف ايه على الفيسبوك على التيك توك على الانستغرام فضله عن الاباحيه اللي بتتشاف انت جاي النهارده عارف انك جاي درس غض البصر احنا عارفين من الاسبوع اللي فات النهارده الجزء الثاني من غض البصر يعني النهارده درس غض البصر لو قلت لك وانت جاي في الطريق وقعت في كم مخالفه في هذا الامر مصيبه ده وانت جاي في طريق درس غض البصر طيب وقبل ما تنزل ساعه واحده مش هقول لك طول اليوم ساعه واحده يعني انت نازل من بيتك الساعه واحده او اثنين مثلا اثنين من واحده لاثنين انا ليه بقول لك وانت في بيتك لان احنا كنا زمان نقول ايه البيت ده هو الايه المكان الواحد يعني يحفظ نفسه فيه حتى دي ما بقتش ليه حتى وانت في البيت في ايديك الجهاز المشؤوم فحتى بيتك ما بقاش مكان العصمه او مكان الاحتراز عن الوقوع في المعاصي لا فلو خدنا ساعه واحده بس قبل ما تنزل من واحده لاثنين وانت عارف ان النهارده درس غض البصر في الساعه دي وقعت في كام حرام من هذا الامر وانت عارف بقى من الدرس اللي فات كمان ان كل ذنب من دول محتاج ايه توبه خاصه توبه خاصه بهذا الذنب على قول بعض اهل علم فاشكال كبير جدا قلؤمنين يغضوا من ابصارهم ويحفظوا فروجهم لن تحفظ فرجك الا ان غضت بصرك ولو ما حفظتش فرجك هتروح في داهيه هتروح في داهيه دنيا واخره الا ان يشاء الله طبعا اللي المشاكل اللي بتجي لنا للشباب بعد الزواج مهينه مهينه اولا الشاب بيبقى فاكر ان عادي الموضوع ده مالوش اي اثار وبعدين يكتشف بعد الزواج انه انه ما عندوش قدره انه يفعل شيء مع امراته انا ما بتكلمش في حاله و اثنين ده ظاهره الان خلاص بتجي لنا مشاكل كده انه بعد الزواج بقى برضو يفضل العاده السريه ودي لها ابعاد نفسيه ويعني ايه فيها مش وقته يعني احنا كنا اشرنا ليها قبل كده في درس الاباحيه اللي عاوز يسمعه ف يعني عدم حفظ الفرج ليه مصايب وكوارث في الدنيا قبل الاخره وفي الاخره قل للمؤمنين يغضوا من ابصارهم ويحفظ فروجهم ها ذلك اذكى لهم يا ابني ده الانظف ذلك اذكى لهم انت ليه بتحب القذاره ده المعنى بنقول لك اطلع من من القذاره اللي انت فيها وانت تابى الا ان تجلس في هذه القذاره ذلك ازكى لهم والذي يقول لك هذا هو الله جل جلاله الذي هو اعلم بك منك ده انظف ليك يا ابني غض بصرك انظف ذلك اذكى لهم او ازكى يعني انمى الزكاه تاتي بمعنى الطهاره وتاتي بمعنى النماء انماى لهم يعني ايه انما يعني هذا انماى لقلبك وانما لدينك وانما لعقلك اللي بيطلق بصره ده يعني حتى العقل على طول في تشتت ما هو البصر لما بتطلق البصر هذه الصور تنطبع في قلبك ما بتروحش بدليل الشباب يجوا يشتكوا وانا بصلي يطلع قدامي مناظر وحشه المناظر جت منين؟ من المخزون اللي عنده جوه طب المخزون ده ج منين؟ من عينه يا جماعه العين اوسع المنافذ للقلب اوسع منفذ لقلبك هو عينك فلو انت مش حارس المنفس ده كويس هتضيع ذلك اذكى لهم اذكى لقلبك انظف لقلبك انظف قلب حشيه صور سواء صور يعني مش لازم يبقى اباحيات حتى لو صور مش اباحيات لكن حشيت قلبك بدهب الصور دي ما احنا نيجي نقول ايه ان النظره تؤثر في القلب فبيجي لنا لا يا شيخ لا الحمد لله النظره ما تتاثرش في قلبي الحمد لله هو صادق اه صادق صادق انما تاثر ثرش اه عفوا يعني هو مش صادق ان انا ما تاثرش هو صادق في ان هو لا يشعر بايه بالتاثير هو صادق في ده فعلا ليه بقى هديكم مثال تحبوا انتوا الامثله قوي لابس تيشيرت بيضا نازل بيها لسه فاتحها من الكيس دلوقتي او من ال نازل تيشيرت بيضا اول لابسه خلاص بيضا خالص ما فيهاش اي حاجه طيب وانت نازل ف عليها نقطه تراب كده هنا ايه جيت تمسحه لقيتها ايه فرشت معاك ايه اللي هيحصل لك هتتعكمل مش كده تبقى طول الخروج خروجه متعكنن طب نزلت بقى بالتيشيرت البيضا دي فكانت الخروجه دي عباره عن ايه؟ لعبت ماتش كوره واتزحلقت والنجيله بقت خضراء وطلعت بعديها على مش عارف ايه ف كان في مطر وقعدت زحلت في الطينه بقت سودا المهم انت راجع بهي هي التيشرت في نفس اليوم فوانت راجع وقعت عل نقطه تراب هتحس هتحس بالزعل اللي كان عندك هي دي قلوبنا احنا قلوبنا هي التيشرت دي وانت راجع بقى طين سواد سواد ده وصفي انا لا مش وصفي ده وصف النبي عليه الصلاه والسلام >> حتى تصير القلوب على قلبين مش كده قلب اسود مربادا كالكوز مجخيا لا يعرف معروفا ولا ينكر منكرا الا مؤشر من هواه فوصف ان انت راجع بقلب اسود ده مش وصفي تعرض الفتن على القلوب كعرض الحصير عودا عودا او عودا عودا روايتين وبعدين قلب هيشربها زي النقطه دي على نقطه على نقطه التيشيرت بقت خلاص كلها سودا وقلب هينكرها كل ما تقع نقطه يغسل على طول يغسل يرجع تيشيرت ابيض تاني ايه اللي هيحصل القلب ده هيبقى قلب اسود والقلب الثاني ابيض لسه زي ما هو ما هو بينكر النقطه دي لا انا مش مش هكمل خروجه كده انا هروح على اقرب حنفيه واغسل والتيشيرت ترجع بض اني فنيجي اخر اليوم نلاقي التيشرت دي سودا ودي بيضا قلب اسود مرادا كالكوز مجخيا يعني ايه مجخي يعني مقلوب ايه معنى كوز مقلوب يعني النبي عليه الصلاه والسلام عاوز يقول لنا ايه لا ينتفع به الكوز يا جماعه عشان ننتفع بالكوز لازم تعمل ايه هات كوز كده واقلبه وهات جردل ميه مثلا وصب الجردل الميه على الكوز هيدخل في الكوز نقطه ما هو الكوز اصلا مخلوق عشان ينتفع بانه ايه يدخل فيه الميه يعني نحرس فيه الماء ونشرب منه وبتاع ما نقول ما هو عمره ما هيحصل ليه الكوز مجخي اعدله هتنتفع بالكوز هذا القلب يصير كالكوز مجخيا يبقى كوز لا ينتفع به يبقى القلب لا ينتفع به صح طب لا ينتفع به في ايه سيدنا النبي عليه الصلاه والسلام لام بين لك حاجه خطيره جدا جدا من وظائف القلب في الحديث ده اللي لو لقيتها فيك اعرف ان قلبك لا قلبكزي مجخيا قال لا يعرف معروفا ولا ينكر منكرا الا ما اشرب من هواه واديت للشباب المتدين مثال على ده قبل كده قلت لكم ايه في المصيف وانت قاعد على الشط بافتراض يعني ان حد راح يعني غصب عنه اتكتف وراح انا ما اعتقدش ان حد متدين هيروح الحتت دي بيرضاها يعني متخيل انه عشان يروح كانت تفوق وجابوا سكينه حطوها على رقبته قالوا له هتيجي معانا وهنقتلك ده يعني ده التصور الوحيد لواحد متدين هيروح الاماكن دي فهنفترض يعني واحد عمله معاه كده وودوه الاماكن الاماكن دي وقاعد على الشط وبعدين فشويه يلاقي ايه المثال اللي اديته لكم ان ا واحد جاي ينزل مثلا البحر فلابس تيشيرت من فوق وشورت طويل مثلا بنتاكور ولا بتاع لغايه فتلاقيه يستهجن قوي المنظر ده كده يقرا في يقول لك ايه المنظر ده وده مثلا مش كده في ها اللي هو مين ما هو متكتف هو برض جاي لابس تيشرت [ضحك] ققول لك ايه اللي وداه هناك اللي لابس تيشيرت وبتاع الغز ايه اللي وداه هناك ده برض جاي متكتف >> [ضحك] >> ماشي وبعدين يلاقي قلبه مفرفش كده للي لابس ايه الميو بقى العادي مثلا ولا اللي يبدي شيئا من عورتها وكذا ما اروحشحه النساء بقى عشان ايه مش ناقصه اه ا طب ده هو ليه انكر المنظر ده ما اشرب من هواه والا لو احنا جبنا الاثنين دول في ميزان الشرع بعيدا بقى عن لو افترضنا المكان بقى ما فيهوش حاجه وحشه ولا بتاع لكن لو جبنا دول في ميزان الشرع لا هو ده يعني ايه استر لعورته استر لعورته من هذا يعني لو وزناهم بميزان الشرع الاثنين لا ده كفه الاول ده ترجح طب انت ليه استهجنت هذا المنظر ما اشرب من هواه وقل احنا احنا عايشين يا جماعه في حاجات كتير كده خلي بالكم يعني انا بدي مثال عشان ننتبه لده عشان ممكن الواحد المتدين يقوللك ايه لا انا الحمد لله ايه يعني اعرف المعروف وانكر المنكر وزي الفل نقولله في صور انت ما بتنتبهش ليها يبقى كل المؤمنين يغضوا من ابصارهم ويحفظوا فروجهم ذلك ازكى لهم انضف لقلبك وانما لقلبك وانما لدينك وانما لعقلك الصور اللي عمال تحشيها في ذهنك ده مشتته لعقلك تلاقي نفسك لا عارف تذاكر ولا عارف ولا عارف تركز في حفظ القران غير معنى نزع البركه انا بتكلم حتى على المعنى الدنيوي العادي اللي هو انا عقلي فيه 100000 حاجه فمشتت طب لو منعت تلك المدخلات نمى عقلي ذلك اذكى لهم فدي برض معينه لك انك تفكر فيها على غض البصر ثم يختم الله عز وجل الايه ختما عجيبا ان الله عليم بما يصنعون كده ان الله عليم بما يصنعون كده خبير مش عليم الله عز وجل في هذه الايه لم يقل العليم قل يغضوا من ابصارهم ويحفظوا فروجهم ذلك اذكى لهم ان الله خبير بما يصنعون ايه الفرق بين الخبير والعليم بقى قالوا خبر الشيء اي علم اي احاط علما بجميع جوانبه حتى علم بواطنه فهمتوها دي يعني الله عز وجل مش بس عليم بما تصنعون ده كمان خبير خبر شيء احاط به علما حتى علم بواطنه عشان كده يقول ايه ده فلان ده خبير في المجال الفلاني يعني ايه خبير بقى يعني يعرف الشرده والورده لما كلنا نياس اللي احنا فاهمين في المجال يعني نروح له يقول لنا ايه المشكله ليه اصل ده الخبير بتاع المجال ان الله خبير بما تصنعون ده بقى تهديد يعني وعيد ولا يعني خوف ولا رجاء في الايه دي تخوفنا ولا ترجينا؟ تخوفنا مش كده؟ ان الله خبير الاثنين ان الله خبير بما يصنعون الخوف طبعا واضح ان الله خبير بما يصنعون يعني ايه؟ يعني مش بس عارف البلاوي اللي انت بتعملها لا ده احاط بها علما حتى علم بواطنها يعني عارف ان انت بتخطط لها من بقىك شويه مع ان التخطيط ده ما حدش يعرفه غيرك يعني ما قلتش تعال هنخطط لحاجه لا هو عارف انك بتخطط يعلم ذلك منك ليه؟ لانه خبير ويعلم خائنه الاعين اللي ما فيش ولا واحد لقطها ان انت ايه جبتها كده وهي معديه من غير ما اللي حواليك ياخدوا بالهم هو سبحانه خبير فيعلم خائنه عينك فخاف منه لانه خبير خلا يا جماعه يعني عارفين اخطر مشكله احفظوا الجمله دي اخطر مشكله في الموضوع ان اللي هيحاسبك هو اللي كان شايفك ثاني اخطر مشكله ان اللي هيحاسبك هو اللي كان شايفك مدير في شركه وجاب واحد موظف قال له انت ازاي تتخانق مع فور قال له والله يا باشا هو اللي عمل لي وهو اللي جابني الاول وهو اللي ضربني هو اللي حدف عليا اللي مش عارف ايه وبتاع ويقعد يحكي حكايه قال له ايه خلي بالك انا راجعت الفيديو بتاع الكاميرات يقوم عامل الراجل يحط وشه في الارض ويسكت كان الاول اه ممكن نقعد ايه نحكي حدوته قال له انا شفتك فيحط وشه في الارض ويسكت ان الله خبير بما يصنعون هياتي يوم القول يقوللك عملت كذا هتقول ايه راك جل وعلا راك ولذلك كان يقولوا ايه اعلم ان نظر الله اليك ايه اسرع كده من نظري من نظريك لايه للحرام او كما قالوا يعني يعني وانت جاي تنظر كده ان الله خبير خبير نظره الي اسرع جل وعلا اسبق ان الله خبير بما صنعون وفيها بشرى يا جماعه ان الله خبير بماعون فيها بشرى اللي هو ايه بقى؟ تطمئنك انك لو تركت يراك يعني لو تركت اطلاق البصر ان الله خبير خبير بما يصنعون انتوا عارفين يا جماعه من المعاني الجميله جدا في الحته دي ايه؟ ان البشر لا يرون منك الا الفعل البشر لا يرون منك الا الفعل الله يرى منك الفعل والترك يعني ايه؟ يعني دلوقتي احنا ماشيين ناس متدينه ماشيين مع بعض خلاص فواحده عدت رحت انت باصص فاتلقطت اللي حواليك شافوك فسقطت من ايه من اعينهم شفت مش عارف ايه بيعمل ايه وبيبص وبيعمل ومش عارف ايه وكده وانت النظره دي كان قبليها 100 مره تجاهد نفسك الا تنظر ونجحت في ال 100 مره ووقعت في 101 خلاص فوانت ماشي معاهم انت جاهدت نفسك 100 مره وانت ماشي انك ما تبصش هم مش شايفين تلك المجاهده اللي جواك لان ده من التروك والتروك لا ترى انا ما بصتش فانا ماشي زي ما انا الله جل جلاله راى تركك فابشر والله عدل زي ما هيحاسبك على انك نظرت في المره ال 101 هيثيبك على انك جاهدت نفسك وامتنعت في ال 100 مره ان الله خبير بما يصنعون فالايه دي اللي ما تجيبوش من ناحيه الخوف تجيبه من ناحيه الرجاء اللي هو هنظر يا رب انا هجاهد لانك انت تراني وانا اجاهد ترى مجاهدتي يا رب ترى امتناعي ترى ان انا عشان اجاهد نفسي في الحته دي انا تعبان جدا ومع ذلك هعمل ده يا رب ابشر ان الله خبير ان الله خبير بما يصنعون و من الامور التي تعينك كذلك على غض البصر هو عاوزين نبتدي كنت عاوز بس خلينا عشان لو الوقت ازف يعني هو كده فات قد ايه 40 ماشي ركزوا يا جماعه في الكلمتين دول واحفظوهم قالوا لا يخرج الشهوه من القلب الا خوف مزعج او شوق مقلق الجزء ده من اخطر الاجزاء في المحاضره لا يخرج الشهوه من القلب الا خوف مزعج او شوق مقلق يعني ايه يعني انا هديكم مثال دلوقتي واحد جابك وقفك وراح حاطط المسدس على دماغك وشد البتاعه اللي ورا دي اللي بتعمل صوت دي عشان ايه زياده في وقال لك ايه دلوقتي الباب اللي الناحيه الشمال دي هيتفتح وهيخرج منه ملكه جمال الكون لو عينك رمشت الطلقه في نفوخك مين هيرمش مين هيحاول يبص مستحيل ليه يا حبيبي ده ملكه جمال الكون ما تبص طب انا هسال سؤال تاني مش مين هيبص مين هيكون عنده الشهوه انه ينظر فيجاهد نفسه انه ايه ما حدش هو كل اللي واقف دماغه ان الصباع ده لو اتحرك حركه غلط انا رحت فما فيش اصلا شهوه موجوده ما الذي اخرج الشهوه خوف مزعج خوف مزعج طب بلاش واحد بعت لك ايام بقى زمان بقى الكمبيوتر بلاش او ماعرفش فيروس دلوقتي بيتبعت على التليفونات ولا لا واحد بعت لك على الجهاز اللاب توب بتاعك ولا بتاع بيقول لك ايه جت ايميل كده جالك ولا حتى لو من صاحبك تعرفه وايه ايه ان الفيديو ده مش عارف فيه ايه الصوره دي فيها مش عارف ايه وانت ما عندكش اي حاجه ايه تمنعك انك تنظر للحرام فجيت تدوس على الفيديو وهو بيتحمل راح طالع لك رساله ايه تحذير من الانتي فيروس بتاع الجهاز ايه ان في فيروس خطير على الملف ده مين هيعاند ويفتح ما حدش هيعاند ليه انت مش بقى دلوقتي مش خايف على نفسك طلقه هتودي حياتك ده انت خايف على الجهاز بتاعك بس الخوف خوف المزعج ده خلاك لا مش هفتح مش هفتح الصوره مش هفتح الفيديو يغور خوف مزعج الخوف ده يعمل ايه مش يخليك عندك الشهوه وبتجهدها لا الخوف ده يخرج الشهوه من القلب اصلا زي المثال الاول اللي هو واضح جدا ده اللي هو بقول قلت لكم مافيش حد هيشتهي اصلا هذا فيه مثال نبوي لما اخبر النبي صلى الله عليه وسلم عائشه رضي الله عنها انه يحشر الناس يوم القيامه حفاه عراه غر عراه كل الناس عريانه فقالت عائشه وسوتاه ينظر بعضهم سواه بعض بما اجاب النبي صلى الله عليه وسلم قال يا عائشه الامر اشد من ذلك عوره ايه وبتاع ايه الله ده الستات كلها اهي ما تبص يلا يمين وشمال زي ما كنت بتعمل في الدنيا ما فيش طيب ما فيش يعني بجاهد نفسي ما فيش شهوه شهوه ايه دي اللي موجوده خوف مزعج طيب احنا نوصل الخوف ده ازاي نخاف من ايه اصلا نقول لك بقى الخوف ده نوعين خوف العوام وخوف الخواص فخوف العوام من العذاب والعقاب وخوف الخواص من القطيعه والحجاب مفهومه العوام اللي هو زينا كده خوفه من ايه العذاب والعقاب ان يا حبيبي النظره دي هتجر غيرها وغيرها هيجر غيرها والرابعه هتبقى مقطع اباحي والخامسه هتبقى عاده سريه والسنه الجايه هنجيبك بتذني خوف العوام من العذاب والعقاب ان يجيلك ملك الموت وانت على الحاله دي مش عارف قلنا لكم كده المره اللي فاتت ولا لا قلنا لكم لو جردنا مساله الموت دي من اي حسابات يعني انه امر من الله عز وجل قلنا لكم بالحسابات الرياضيه بالمعادلات بقانون الاحتمالات انت راجل بتطلق بصرك معظم اليوم يعني 70% من اليوم 80% من اليوم انت مطلق بصرك فضلا تكون بتتفرج على الاباحيه فض بقانون الاحتمالات انت 80% هتموت على ده [ضحك] قانون الاحتمالات يعني حد فاهم اللي بقوله قانون الاحتمالات كده يعني انا 80% من حياتي اباحيات يبقى 80% احتمال انك هتموت على الاباحيات ما هو هنجيب الاحتمالات منين ما هو من حياتك من يومك واحد من الدعاء بيحكي الحكايه حصلت له هو شخصيا واحده تعرف الداعيه ده فكلمته منهاره بتعيط تعالى راح واخد اثنين معاه من الدعاه وراح لبيت الست دي فتحت لهم الباب شافتهم اغمى عليها قعدوا يفوقوا فيها قالت لهم ابني فوق تعالى فتح الباب على ابنها ميت وهو بيشاهد الاباحيه خوف مزعج ولذلك يا جماعه في ناس تحكي يقول لك جيت افتح الاباحيه هجم عليا هاجم الموت اللي هو انت ممكن تموت اللحظه دي ما بقى خلي بالكم مش ما بقاش ا يعني مشتهي بس عارف يجاهد نفسه ما بقاش مشتهي الخوف غلب انتوا عارفين يا جماعه احساس الغب يعني هو احساس بيغلب على الاحساس زلزال ا 92 اول زلزال كان 92 صح انا فاكر يعني الزلزال ده الزلزال ده حظ طبعا كان جديد علينا يعني كان الجيل بتاعنا جديد عليه ان يحصل زلزال يعني بعد كده بقت القلوب اهدى شويه انما الزلزال ده حصل فيه حاجه عجيبه جدا والكبار هيبقوا عارفين الكلام ده يعني لما حصل زلزال 92 ال ال ال كله جري من البيوت فكله جري باللي عليه الراجل نزل باللي عليه والست نزلت بالايه باللي عليها وما كانش حد بيبص لحد يعني ما فيش حد ايه هو احنا الناس مش عارفه ايه اللي بيحصل يعني كل واحد فاكر ان العماره ايه ما حدش جه في دماغنا زلزال يعني ما كانش عندنا الثقافه دي فكل واحد فاكر ان عمرته هي اللي بيحصل فيها كده وبتقع فكله نازل جري مافيش حد بيبص لحد حد عاوزين خوف مزعج امتى بقى يبتدوا يبصوا لما الدنيا تهدى وبتاع عرفوا ان ما فيش ما احنا والله يا جماعه احنا احنا يعني احنا نستاهل ضرب ال يعني اللي نزل ده مثلا ولقى ان الحمد لله الليله عدت على خير ده بقى يطاطئ راسه ويحمد الله عز وجل انه ما ماتش في هذا الزلزال مش كده لا انا ابويا بقى عمل حاجه جميله جدا الناس كلها خايفه ونازله تجري ابويا نازل بالراحه عمال يقفل في البيبان طبعا هو اللي نازل جري مادعورش على مفتاح الشقه يعني هو نازل ايه وابويا بقى ايه اللي جه في دماقول حرامي يطلع حرامي مين اللي يطلع الزلزال خلص الناس مش عارفه تخش بيوتها بقى [ضحك] ما حدش معاه مفاتيح [ضحك] فهو ما كانش عنده الخوف المزعج ده قوي يعني في في الزلزال [ضحك] خوف خوف مزعج خوف العوام من العذاب والعقاب فقعد بقى فكر في النار شكلها ايه وفي انك لو مت على بلاش يا جماعه بلاش النار ولو يعني فكروا في مشهد واحد انك واقف بين يدي الله عز وجل يعاتبك ما تفكرش في النار بس انك واقف بين يدي الله عز وجل يوم القيامه يعاتبك فعلت كذا وكذا يوم كذا وكذا قفلت عليك الباب وفتحت الاباحيه وقعدت اتفرج على الاباحيه وعملت عاده سريه وبتشات مع فلانه وانت بتشاتي مع فلان وبتبعت لك صور والله عز وجل يواجهك بهذا يا لخجلتك مصيبه مصيبه ده انا مش عاوز اقول لكم عذاب وعقاب ده بس لحظه انه هينادى بك اذهبوا به الى كذا اللحظه دي بس انت لسه ما يعني مش بقول لك النار نفسها اللحظه دي كفيله انك تموت فيها يعني لولا ان الله عز وجل كتب انه لا موت لمت في تلك اللحظه لذلك بعض السلف فقه هذه المساله قال لو قيل لي يوم القيامه تحب ان تعرفها مقعدك من الجنه او النار او ان تكون رمادا لاخترت ان اكون رمادا لحظه مرعبه بصر ايه اللي تطلقه وشهوه ايه اللي اللي تبقى في قلوبنا لو عشنا المشاهد دي خوف مزعج خوف العوام من العذاب والعقاب وخوف وخوف الخواص من القطيعه والحجاب دي حاجه ايه افلام خيال علمي اللي هو ايه الخواص يا جماعه خوفهم مش من العقاب والعذاب خوفه انه ما يلاقيش لذه المناجاه بالليل انه يحجب عن الله فهو عمال يحرز نفسه كده بالنهار عشان انا مش هعرف اعيش لو جيت بالليل ما لقيتش لذه مناجاه مش متخيلها الخواص دول مش متخيلين يعني هنعيش ازاي ما هي دي اللي قال عليها ابن تيميه انها ايه جنه الايه ان في الدنيا جنه الدنيا ان في الدنيا جنه من لم يدخلها لم يدخل جنه الاخره فدي جنه الدنيا اللي عايشين عليها ماذا يفعل اعدائي به انا جنتي وبستاني في صدري ان حبسوني فحبسي فحبسي خلوه وان نفوني فنفي سياحه وان قتلوني فقتلي شهاده هو عايش في نعيم كده لوحده انه لتمر على القلب اوقات يقول لو ان اهل الجنه في مثل ما انا فيه من النعيم انهم لفي عيش طيب جمله عجيبه الخواص دول الاولياء دول بيعدي عليهم لحظات كده في حياتهم بيقولوا لو الجنه نعيم اهل الجنه ان هم في الحاله اللي انا فيها دي هو جميل جدا يعني انا مش عاوز اكتر من كده ان انا الحاله النفسيه اللي انا عايشها دي الحاله الايمانيه دي الالتزاز بمعيه الله انا مش عاوز غير كده طب اللي يوصل للحاله دي يتخلى عنها بسهوله هديكم يا جماعه مثال بسيط كلنا عشناه كلنا بلا استثناء عشان بس نفهم ال الفكره مش هو ده قوي بس يعني عشناه اللي هي حلاوه البدايات كلنا اما اول ما تدينا فاكرين الحته دي اللي هو ايه والعين بقى الباكيه ولو فاتك بس مش عارف تكبيره الاحرام تبقى متضايق من نفسك ازاي كلنا اظن او معظمنا عاش الحقبه دي في حياته هو ده خوف الخلاص القطيعه والحجاب انا احجب عن الله وبايه بنظره ليه تغور النظره تغور نساء الارض كلهم ما حدش [ضحك] ف هذا خوف الخوص لا يخرج الشهوه من القلب الا خوف مزعج او شوق مقلق شايفين اللفظ مقلق ده يا جماعه اللي هو ايه؟ اللي هو جه في الايه تتجافى جنوبهم عن المضاجع الانين كده طب ليه تتجافى الانين ليه؟ يعني الجو حر لا اصل هم يبيتون لربهم سجدا وقياما فهو على المضع وهو على السرير الان راحته فين؟ في السجود والقيام يبيتون لربهم سجدا وقياما على فكره معهم بعض اهل اللغه قالوا ان البيتوته لفظ البيتوته يبيتون ده قالوا ان البيتوته ما تكونش الا مع الطمانينه من حيث اللغه خلاص فدول يبيتون لرا فين الطمانينه؟ فين الراحه ارحنا بها يا بلال شوق مقلق طب ايه هنشتتاق ليه بقى؟ حاجتين برده قالوا شوق العوام للحور والقصور وشوق الخواص للشهود والحضور يبقى ايه الشوق المقلق اللي يخرج اللي يخرج الشهوه شوق العوامل للحور والقصور يعني يجي ده خلي بالكم بقى يا جماعه الاول ما بصش ليه من الخوف المزعج هموت وهابعث وفي نار فده خلاه ما يشتهيش الثاني مش كده الثاني هو عايش في الجنه عايش في الجنه خلي بالك هو مش بيجاهد نفسه هو فعلا مش لاقي شهوه للدنيا دي مش لاقي لها شهوه هو عايش في الجنه هو عايش في القصور والحور وكذا وكذا فالحاجات دي خلته عارفين زي ايه بالضبط كده لما يجي مثلا ايه تشم ريحه مثلا ايه قرص طعميه كده فريقك يجري وبعدين يتحط قدامك قرص الطعميه هتيجي تمد ايدك تاكله تلاقي ايه مراتك ولا والدك تخرج لك بايه بكباب وكفته وبتاع و تقوم تزهد في الايه يعني معظم الناس يعني تزهد في القرس ده خلاص لو قال لك يا عم ده انت كانت شهوتك دلوقتي في القرص الطعميه وريه جري ايه يقول لك يا عم ايه طعميه ايه دلوقتي مش كده طيب هو انت جاهدت نفسك عشان تترك الطعميه ده انت يا ابني ريك كان بيجري عليها انا نسيت الطعميه نسيتها ما بجهتش نفسي مع انها كانت شهوتي ما بجهتش نفسي ليه اصلك مع الكباب هو بقى صاحبنا ده كده شوق العوام للحور والقصور طب يا جماعه ازاي هنشتاق حاجه نجهلها؟ لو انا اديت المايك كده لواحد فيكم قلت لكم تعالى كلمني عن الجنه ربع ساعه طب ازاي هنشتاق ما احنا مش عارفين طب كلمني عن النار ربع ساعه طب ازاي هنخاف ما احنا مش عارفين فاحنا محتاجين في دي يا جماعه محتاجين ده محتاجين نسمع في الجنه والنار محتاجين ده يعني خلي نفسك ورد كده سماع اوصاف الجنه سماع اوصاف النار شوفوا حد اتكلم في الحاجات دي يحسنها يحسن عرضها وايه واسمعوه كتير شوق العوام للحور والقصور وشوق الخواص للشهود والحضور اللي هو عكس القطيعه والحجاب بقى ان هو دائما في مشاهده الرب عز وجل في شهود الله عز وجل في حضوره مع الله عز وجل في انسه بالله عز وجل فهو شوق لده خلي بالكم الاول اللي حركه انه خايف يفقد ده الثاني اللي حركه اللي خلاه يمتنع عن اطلاق البصر هو انه بيلتذ بده يعني هو اللذه هي اللي في دماغه الثاني القطيعه هي اللي في دماغه يبقى لا يخرج الشهوه من القلب الا خوف مزعج او شوق مقلق وخوف العوام من العذاب والعقاب وخوف الخواص من القطيعه والحجاب وشوق العوام للحور والقصور وشوق الخواص للشهود والحضور ازاي اغض بصري تاني ان تستعين بالله عز وجل لا بحولك ولا بقوتك هتعمل حاجه تبرا منهما لا حول ولا قوه الا بالله كنز من كنوز الجنه يا رب انا حاولت كتير يا يا رب انا مش فالح يا رب انا من غيرك هضيع يا رب يا رب اعني على غض البصر يا رب استعن بالله بعمل كده و ما بيحصلش حاجه كمل استعانه بالله انت ما انت مش مسؤوليتك امتى يفتح لك كن على الباب من ادمن طرق الباب ولد هتخبط كتير هيتفتحلك هتخبط خبطتين مش هيتفتحلك تسيب الباب وتمشي في داهيه في داهيه انت مستني حد يعني يجي يطبطب عليك يقول لك ارجع على الباب في داهيه المره اللي فاتت قلنا لكم هؤلاء في النار ها ولا ابالي فانت يا ابني مالكش غير انك على الباب مالكش غير كده هتشوح بقى وتمشي وتسيبك من الباب في داهيه احد العارفين انس من قلبه ليله قسوه خرج كالمجنون في الطرقات ينادي اين قلبي اين قلبي فبينما هو كذلك راى صبيا صغيرا يطرق بابا ويقول امي امي افتحي ولا احد يجيب والصبي يبكي ويقول افتحي لي يا امي ولا احد يجيب فمضى الصبي وجلس الرجل ينتظر يرى ما يفعل بهذا الصبي حتى ساعه حتى ساعه متاخره من الليل عاد الصبي وهو يبكي بكاء شديدا وطرق الباب مره اخرى وقال امي امي افتحي لي ذهبت لكل احد فلم يفتح لي احد ففتحت الام الباب واخذت هذا الصبي والتزمته وبكت وقالت انت من حملني ان يفعل ذلك لعصيانك لي فصاح الرجل وجدت قلبي فهمتوا من ادمن طرق الباب ولد انت اقعد خبط يا رب انا ضايع يا رب انا من غير رب ولا حاجه انا جربت كل حاجه جربت برامج التعافي من الاباحه يا رب وجربت ما بقولش خد بكل الاسباب يا رب انا هضيع لو انت ما سال الله عز وجل كذلك مما يعينك على غض البصر رجال ونساء انك تقفل الباب ده تماما تقفل الباب ده تماما من حديث النبي عليه الصلاه والسلام قال للصحابه اياكم والجلوس على الطرقات قالوا ما لنا من مجالس بد ركزوا يا جماعه انا مش مهم بقيه الحديث هو طبعا في الحديث بيقول ايه غدوا البصر يعني ركزوا في بدايه الحديث قال لهم ماحدش يقف في الطريق فلما قالوا له ما فيش مفر دي مجالسنا قال لهم طالما ما فيش حل غير كده يبقى اعطوا طريقه حقه كذا وكذا وكذا وكذا كان يا جماعه اول العلاج اياكم والذهاب للاماكن الفلانيه اياكم والجهاز اللي في ايديكم اياكم وكذا اياكم وكذا اياكم والجلوس على الطرقات ده اول الحل ابعد عن مواطن الفتن فاحنا مش جايين نطبطب لو الجهاز الف ده يا ابني هيوديك نار يولع الجهاز اصل بقى الواتساب والايميل والشغل اتشقلب واوجد البدائل اتشقلب اصل اللي انت بتقوله ده كله يعني ما اعتقدش انت شايفه ده تمن للنار يعني ما فيش مشكله قشطه في الاخره نار بس الواتساب يا شيخ يعني اسيب الواتساب وانت عارف ان الجهاز ده طول ما هو في ايديك موديك في داهيه اباحيات ومقاطع على التيك توك والمراسلات بين رجال ونساء وصور بتتبعت وقرف وتواعد على زنا يا ابني ارجع عادي تليفون عادي بزراير بتاع زمان اصل الواتساب يا اخي يولع الواتساب واتساب ايه وبتاع ايه وايميل ايه وشغل ايه و ارمي الجهاز بسيطه جدا اياكم والجلوس على الطرقات ده اول الحل اصلا فلما بقى مجالسنا وما لنا بد منها لما كانت كده قال لهم اعطوا الطريقه حقها لكن احنا حد يقدر يقول صادق مع نفسه يقول ما لي بد من هذا الجهاز كلها يعني معظمها عفوا مش كلها بس معظم احتياجاتنا من هذا الجهاز هيفات يمكن الاستغناء عنها معظمها طب والحاجات اللي فعلا مش عارف ممكن ايجاد بدائل ممكن طب ما لقيتش بقى بدائل ومش عارف ايه خلاص انا ل ساعه واحده في اليوم بفتح الجهاز ده وبقيت اليوم تليفون عادي جدا تليفون بزراير وشكرا على كده وما مش عايز حاجه ثانيه انا عاوز ادخل جنه انا عاوز ادخل جنه انا مش عاوز اروح نار انا مش حمل النار فالبعد عن مواطن الفتن فما تجيش تقول لي انا يا شيخ مش عارف اغض بصر طب يا حبيبي انت امبارح الخميس بالليل كنت فين؟ اصل يا شيخ ده يوم الخروج بتاعنا انا واصحابي في الدفعه غض بصر ايه بتتكلم عليه ما تقعد في بيتك وليسعك بيتك هقعد في البيت هعمل ايه؟ ما هو ما فيش حاجه اتعمل وابكي على خطيئتك ده كلام النبي عليه الصلاه والسلام اقعد يا ابني شوف كده ذنوب الاسبوع مش ده نهايه الاسبوع بتقول لي اه اقعد بقى يوم الخميس كده في بيتك واحط قدامك ذنوب الاسبوع اقعد اعيط اقعد عيط في بيتك يوم الخميس ده وليسعك بيتك وابكي على خطيئتك يعني ما قبلش اصحابي يا شيخ يا عم قابل اصحابك بس مش في المكان الفلاني اللي انت عارف انك لما تروح هتطلق فيه البصر ليه يعني جاءتك منيتك وانت على ذلك فرحان دلوقتي وانا بقول لكم يا جماعه اهو كل واحد من الشباب اللي قاعدين عنده حكايته الخاصه لشاب يعرفه مات وهو قدوه انا بقول لكم كده يعني كل واحد قلب في دما دماغه اه والله ده ابن عمي مات والله وهو مش عارف عنده كام ساعه اه والله ده صاحبي مش عارف ايه ما يمكن انت قصه بكره مش بكره يمكن انت قصه دلوقتي يعني ايه الامان ما يمكن ملك الموت معانا يا جماعه وفي واحد فينا مش هيخرج على رجله يمكن انا فايه الامان اللي احنا فيه ده يعني ليه تروح المكان اللي فيه اطلاق بصر ليه وعارف ان في كذا وكذا وكذا وقد يكون ده اصلا موديك هناك بس هناك متدين ما تعرفش تقول ده بقى ظاهره كدين يعني ما تعرفش تقول ده بالسا رايح هناك عشان كده اقعد في بيتك طب واصحابي اقعدوا في اي بيت اقعدوا في اي حاجه روحوا اقفوا في الصحرا ايه عاوز اصحابك روحوا الصحراء اقعدوا في الصحراء قضوا الخميس في الصحرا يا شيخ بس ايه اللي بتقول هي يا جماعه كده ما هي جنه ونار يا جماعه انا مش جايه اطبطب هي جنه ونار وجيم اوفر يعني جيم اوفر مافيش رجوع يعني [ضحك] مافيش ايه هعيد الليفل تاني ما فيهاش دي خلاص انتهت عارفين لو فيها اعاده يعني ممكن نقول لك خلاص يعني جرب ولو عديت عديت ما عديتش ما في تحسين ما فيش تحسين فانت بتغامر بايه ف يبقى من علاج اطلاق البصر اياكم والجلوس على الطرقات اياكم وانك تروح المول الفلا اياك وانك تروح السبوت الفلاني اياكم وانك اياكم والجلوس على الطرقات اياك والجهاز اللي في ايديك اخلص اخلص مش عارف تخلص خالص يبقى تدير الموضوع ده زي ما قلت لكم كده ساعه في اليوم وزمان ايام الكمبيوترات ما كنتش بقى الاجهزه بتاع كنا نعمل ايه الكمبيوتر ما فيش حاجه اسمها الكمبيوتر مثلا في الاوضه لا الكمبيوتر في الصاله وفي مكان واضح يعني مش يعني يبقى الشاشه للصاله نفسها ماشي فاعمل ده اعمل ده لنفسك يبقى ايه العلاج بسرعه حد يقول بقى يلا غض غض البصر ده العلاج احنا عاوزين نغض البصر ها اول حاجه كانت ايه اخطب يلا فينا >> [ضحك] >> الاستعانه بالله ماشي و طبعا ده اول العلاج يا جماعه يعني احنا ممكن يكون اخرناه مش لانه يعني مقامه التاخير طبعا اول حاجه الاستعانه بالله عز وجل >> والخوف الايه >> المزعج والشوق المقلق >> والابتعاد عن مواطن الفتن اياكم الجلوس على الطرقات حاجه ثاني >> ها >> والهيبه الهيبه قل للمؤمنين يغضوا من ابصارهم مش كده وانك تعرف انه انضف ليك وانما لقلبك >> اه الخوف قلنا الخوف طيب قل قولي هذا واستغفر الله العظيم لي ولكم سبحانك اللهم وبحمدك نشهد ان لا اله الا انت نستغفرك ونتوب اليك