سلسلة تأسيس فهم التعافي: 1 فهم السلوك القهري ومدخل التعافي

بسم الله، النهارده 15/11/2020 لدي بس حبة خواطر كده حابب أن أنا أدردش فيها في الحياة علمته لي حوالين الإدمان تكلمنا قبل كده في رسالة ديفيد مورا ودردشنا شوية حوالين إدمان الإباحيات ولكن تقريبا المنطلق الرئيسي أو المرتكز بتاع الإدمانات مهما كانت المادة الإدمانية تقريبا واحدة يعني يشترك الرجل اللي بيتفرج على الإباحيات ويشترك مدمن الجنس ومدمن العلاقات والاعتمادية العاطفية البنت اللي بتعتمد على شخص واحد لإمدادها بالمشاعر وحياتها تقريبا متمركزة حواليه وتستمد صورتها عن نفسها من خلاله أو من خلال رؤيته أو من خلال تصوره عنها بيشترك دولة مع مدمن الطعام واللي عنده نهم واللي بتصحى بالليل الساعة 12 بالليل يعني يدخلش بنوبة أكلة انفعالية أو شهية انفعالية بيشترك مع دول مدمن المخدرات ومدمن الكحول ومدمن القمار ومدمن التمارين الرياضية ومدمن عمليات التجميل تقريبا كلهم بيشتركوا في مساحات ما أنا بفكر بقى خلال الفترة اللي جاية ان احنا ندردش شوية في هذه المساحات لعل هذا الفهم يؤدي بطريقة ما إلى تقعيد التعافي تقعيده يعني وضع قواعد التعافي فسأقول نقط جدا بدون ترتيب متعلقة بهذه الأمور أول نقطة تعلمناها أننا كمدمنين الأصل عندنا أن احنا بنستخدم مادة ما كمغير للحالة النفسية الأصل هو استخدام مادة ما كمغير للحالة النفسية طب ليه؟ هذا الأمر مش عشان يبقى موقف ترفيهي يعني مش عشان ننبسط الموضوع الناس مفكره في الثقافة بتاعتنا وصلت لنا أن المدمن وبالأخص عن طريق تصور مدمن المخدرات أنه بيستخدم هذه المواد عشان يعمل دماغ هو الحقيقة أن المدمن كمدمن ما بيستخدمش المواد عشان يعمل دماغ قدر مش معناه كده أنه هو مش بيستخدمها عشان كده بس قدر ما هو بيستخدمها عشان يطفي المشاعر الأصلية اللي موجودة عنده يعني هو مش بيستخدمها عشان يعمل دماغ هو بيستخدمها عشان تغيير الدماغ الحالية بيستخدمها عشان هذه الحياة أصبحت غير محتملة هذا الواقع بالنسباله أصبح أصعب من قدرته على إدراكه واستيعابه والتعاطي معاه بيشترك في ده اللي بياكل بزيادة واللي بيتفرج على إباحيات الإتنين في لحظات ما قد تكون واعية وقد لا تكون واعية بيمروا بضغوط أو بمشاعر معينة بتكون بالنسبالهم ونركز قوي في الحتة دي غير محتملة ما عنده الطرق والأدوات والمهارات للتعامل مع هذه المشاعر ما عندهوش المهارات للتعامل مع الضغوط ما عندهوش المهارات بنيسميها إحنا لإدارة حياته للتعامل مع حياته بفعالية غير قادر على التعاطي مع الصعوبات اللي موجودة في دنيته إذن الضرب بكافة أشكاله بغض النظر إيه المادة الإدمانية بيشترك فيها أيا كانت -الشوارع عندنا لطيفة جدا- أيا كانت المادة الإدمانية بتاعتي بشترك فيها كمدمن إباحيات كمدمن طعام كمدمن كحول كمدمن مخدرات وهي محاولة تغيير الدماغ الحالية يعني إيه الدماغ الحالية؟ هذه المشاعر والأفكار التي تستحوذ على عقلي في هذه اللحظة تمام؟ فالأصل مش إني أبسط نفسي قدر ما هو إني أخرج عن طريق هذا الإنبساط المؤقت والعلاقة المؤقتة مع هذه المادة المخدرة بغض النظر هي إيه أحيانا بتكون شخص من هذا الألم النفسي اللي موجود في الأصل أنا ببقى تعبان فبروح لحاجة عشان تبنجني وتخدني تمام؟ دي النقطة الأولى , النقطة الثانية هو إن الإدمان بيقوم على طبيعتين في هذا الشخص الطبيعة الأولى هي حساسية لهذه المادة يعني إيه؟ يعني ببساطة الشباب أثناء نموهم وأثناء ما بيكبروا بيتعرضوا كتير منهم جدا جدا للإباحية بس مش كلهم بيتلط كمدمن شباب كتير جدا جدا بيجرب التدخين بس مش كله بيتحول إلى مدخن شباب كتير جدا ممكن يجرب مخدرات بشكل عايز يعمل دماغ في قعدة لطيفة مش عارف إيه إحنا لا نقر هذا الأمر ولكن مش كلهم بيتحول لمدمن شباب كتير ممكن يرتبط لكن مش كلهم بيتحول إلى تعددي بنات كتير ممكن تتعلق لكن مش كلها بتتحول إلى إيه؟ إلى اعتمادية عاطفية بنقول كده إن هناك واحد حساسية نفسية لدى هذا الشخص لهذه المادة الإدمانية يعني ايه؟ يعني عارف زي ما واحد أنا بأكل فراولة وإنت بتأكل فراولة وفيه واحد بيأكل فراولة تدخله العناية تعمله حساسية شديدة جدا جدا بيقولوا إن تأثير هذه المادة الإدمانية على هذا الشخص ما بيكونش زي تأثيرها على الشخص الآخر تأثير هذه المادة الإدمانية على عقله وعلى مشاعره وعلى أفكاره وعلى حالته النفسية وعلى توجهه في الحياة بيبقى أكتر عمقاً وتجدوراً وشمولية بيبقى حاجة كده ضخمة للغاية العادة السرية عند مدمن العادة دي أو الاستمناء القهري بتبقى مختلفة في تأثيرها على دماغه من تأثيرها على الشاب العادي اللي بيعملها من فترة لفترة , تأثير الطعام عند مدمن الطعام مختلف عن تأثيره عليك تأثيره عليك لو أنت ما عندكش مشكلة أو تحدي مع إدمان الطعام بيبقى للشبع والإنبساط بشكل من الأشكال لكن هو الطعام له تأثير جذري على حالته النفسية الطعام منفّد على المشاعر بتاعته الطعام منفّذ على مشاعره تأثير شخص يقدر يعني داخل معايا في علاقة ممكن يعكنني شوية يبسطني شوية عليك على حد ما عندهوش اعتمادية عاطفية مختلف تماماً عن تأثيره على شخص عنده اعتمادية عاطفية هذا الشخص يستطيع أن يرفعه إلى عنان السماء ويحطه مع السحاب بكلمة حلوة وباللطف وبالقرب وممكن ينزله أسفل قيعان الأرض أو تحت في هواية سحيقة شديدة العمق من الألم لو سابه أو لو تنرفز عليه أو لو غضب منه أو لو حس بأنه أذنب في حقه فيقولوا أن هناك حساسية ودي نقطة مهمة جداً حساسية نفسية لدينا أمام المادة الإدمانية بتاعتي وعشان كده تجد أن كل واحد ليه ضربته تجد أن كل واحد له المادة الإدمانية تجد كل واحد له كيفه -مزاجه او ادمانه - قد يكونوا ليك أكتر من كيف بس هتبقى في الأخر محدودين واحد اثنين ثلاثة وهذه الحساسية هي اللي بتحكم نقطة مهمة قوي اسمها ال craving اللهفة الإدمانية هي حالة اللهفة هي حالة الشوق إلى المادة المخدرة يعني تأثير هذه المادة المخدرة علي وعلى جسمي وعلى عقلي وعلى كياني بيكون من العمق لدرجة أني أنا ببقى دايماً محتاجها تاني فلما بخلص وبقى في حالة من حالات العكنانة أو الضيق أو الألم النفسي أول حاجة تطلع في دماغي هو أن أنا عايز هذا التأثير مرة أخرى عايز دفقة الدوبامين الكبيرة والغريبة أو الأكثر من اللي قاعد جنبي ده عايزها مرة تانية فهذه الحساسية بتعمل نقطتين تعمل اللهفة وهي رغبتي في إعادة هذه التجربة مرة أخرى وتعمل نقطة تانية مهمة جداً جداً وهي العجز حالة العجز يعني إيه العجز عن الإدارة أو الهندلة يعني إيه أنا كمجمنكمدمن إباحيات مش هعرف أفتح صورة وأقفل مش هعرف أفتح بداية الفيديو وأقفل مش هعرف أبص بصة وأعدي أنا كمدمن خمرة مش هعرف أخد كاس و ما أشرب بقية القنينة أنا كمدمن مخدرات مش هعرف أقعد فقعدة الناس فيها بتشرب وأنا مش هعارف أشرب أنا كمدمنة لشخص ما أو كحد عنده اعتمادية عناطفية على شخص ما مش هعرف أرد عليه في التليفون وأقول له مش هينفع نكمل مع بعض فلو يكلمني بعد ما نفصل ويقوللي أرد عليه في التليفون وأقوله رجع لي أشيائي أنا مش هعرف لماذا لن أعرف؟ لأنني لا أستطيع تحكم بهذه المادة الإدمانية في الجرعة عند مرحلة معينة أريد أن أخذ الجرعة التي تعيد لي هذه التجربة مرة أخرى إذن لدي حساسية نفسية تجعل تجربة اللقاء بالمخدر أو اللقاء بالمادة الإدمانية تبقى دفقة شعورية وجودية ضخمة للغاية هذه الدفقة الشعورية بحتاج إلى تكرار هذه التجربة دائما فتعمل نقطتين واحد اللهفة القرد دائما يتنطط داخل دماغي ويريد أن أذهب إليها النقطة الثانية أنني لا أعرف كيف أتحكم في الجرعة ببساطة طالما بدأت فأنا أحتاج أن أكمل طالما دقت لا أعرف كيف أفرمل لا يوجد شيء يسمى سأتحدث معه ولكن سأتحدث عنه كل أسبوع لا يوجد شيء يسمى سأشاهد وسأقوم بالعادة السرية إذا كان لدي الإدمان وليس كل أحد و سأهندل سأجعلها مرة كل اسبوعين كل شخص سأستمر اسمه سأهندل الجرعة ربع غرام ك ل فترة لن تجدي.. لا يوجد شيء يسمى يآخذ سيجارتين و أقفل أو كأس شراب كل فترة او سأشرب شرب احتفالي ما فيش حاجةاسمها اليوم فقط سأخرب الرجيم و أزبط بكرا لن يجدي شيء كهذا أو سآكل هذه القطة من الشوكولا و لن أكملها الباقي لأن هذي الحساسية النفسية وأحيانا الجسدية تجاه المادة الإدمانية مش هتخليني أعرف أفرمل نمرة تنين يبقى قلنا أول حاجة هذه هذه الحساسية نفسية كقاعدة

نمرة اتنين

ـmental obsession

يعني ايه؟ يعني مدمن الإباحيات ومدمن الجنس بيبقى متخيل أن أعضاءه الجنسية هي السبب المحرك للإدمان ومدمن الطعام بيبقى متخيل أن بطنه هي المشكلة ومدمنة الشخص أو اللي عندها اعتمادية عاطفية متخيلة أن قلبها هو السبب وعشان هو مصدر العاطفة يعني .. العضو المعطوب واللي فيه مشكلة في كل أنواع الإدمانات هو ده -الدماغ- بغض النظر ضربتك ايه؟ بغض النظر الضربة اللي بتضربها ايه؟ بغض النظر كيفي ايه؟ الشيء الأساسي اللي فيه مشكلة واللي بيخليها تخرب هو دماغي أن أنا عندي درجة من درجات الهوس حاجة شبه الوسواس كده فكرة ملحة فكرة ملحة بتقولي اضرب بتقولي كل بتقولي إفتح إباحيات بتقولي هذا هو خلاصك هذا هو الإصلاح بتاعك هذا هو الشيء الذي سيصلح الأمور ويجعلها على ما يرام فالحساسية الاصلية اللي قلناها بتخليني معرفش أفرمل -أتوقف- وال

mental obsession

بيخليني معرفش أبضل مبطل أبضل طول ما أنا قاعد عمالة ايه؟ تجيلي فكرة مستحوذة تقولي ايه؟ تقولي أعد هذه التجربة وتقولي اضرب اللي بنسميها القرد اللي بيتنطط -يتقافز- يعني فال

mental obsession

و هذه الحساسية هما اللي بيؤدوا في النهاية إلى ايه؟ إلى تورطي في الإدمان مش عايز أطول النهاردة دي كانت بداية حندردش كتير جدا حوالين التعامل مع الالهوس العقلي ومع الحساسية النفسية المتعلقة بده في الفيديوهات اللي جاي شوفك على خير - ترجمة آيات الشوابكة-