انقذ نفسك من تعفن الدماغ | د.منعم | بودكاست عقلية

95% من اللي بيشوفوا الفيديو ده مش هيكملوه للاخر وواحد بس من كل 20 هو اللي هيوصل للدقيقه 25 من الفيديو ده والسبب ورا ده مشكله لو انت مش شايف تاثيرها دلوقتي فالاكيد انك هتشوفه في المستقبل القريب تاثيرها هيخليك اخبى فرصك في النجاح في اي حاجه محتاجه مجهود اقل بكتير عندك ارق دايم وجوده نومك ضايعه مش قادر تركز او تنتبه لفترات طويله ودايما مايل للخمول والكسل والاكبر اكبر من كده ان مهاراتك للتكيف وسط تيم تكاد تكون منعدمه وللاسف ده اكيد هياثر على الشغل بتاعك مهما كانت طبيعته والسؤال الاهم دلوقتي هل انت الشخص الوحيد اللي هيوصل للدقيقه 25 ولا من 19 اللي مش هيكملوا الفيديو لحد الدقيقه دي انا دكتور منعم طبيب بشري وانت بتسمع بودكاست عقليه اللي هدفه الاستثمار في عقليتك في كل جوانب الحياه وحلقتنا النهارده عن واحده من الظواهر اللي انتشرت جدا مؤخرا وهي ظاهره تعفن الدماغ وديسكليمر مهم لازم نكون متفقين عليه من بدايه الحلقه وهو ان كل معلومه هتتقال هي مبنيه على ابحاث علميه ومثبته في اكبر مجلات علميه في العالم اول مفاجاه ان مصطلح تعفن الدماغ ده مش جديد ولا حاجه ظهر اكث من مره يمكن اكث لحظه انتشار ليه كانت في 2019 بدا شباب اللي هم بيستخدموا السوشيال ميديا باستمرار وقتها كان بدا يظهر تيك توك يقولوا انه والله انا قعدت اربع ساعات كاملين على تيك توك وبدات احس ان دماغي فعلا بتتعفن في حاله من الضبابيه الغريبه موجوده جوه دماغي والموضوع بدا ينتشر واحده واحده لحد سنه 2022 ظهر لاول مره في المجتمع العلمي في واحده من الدراسات اللي كان عنوانها وقتها مثير جدا تعفن الدماغ وكارثه التفكير العميق في عصر السوشيال ميديا والموضوع بدا يكتر سنه في المجتمع العلمي لحد سنه 2024 لان اللي هيتكلم عن الموضوع المره دي واحده من اكبر جامعات العالم جامعه اوكسفورد جامعه اوكسفورد اللي بسببها زاد استخدام كلمه تعفن الدماغ 230% عن السنه اللي قبلها. ومش بس كده، جامعه اوكسفورد سمت 2024 عام تعفن الدماغ. والسؤال الذي يراودك يا صديقي الان ما هو تعفن الدماغ؟ ايه بقى هذه الكلمه اللي احنا عمالين نسمعها في فيديوهات كتير ونسمع كتير بيحذروا منها؟ ظاهره تعفر الدماغ ببساطه هي ظاهره تدهور القدرات العقليه بسبب الادمان المفرط. للمقاطع القصيره واعني بالمقاطع القصيره الريلز اللي موجوده على انستغرام وموجود منها على فيسبوك والمقاطع القصيره بتاع تيك توك وكمان دلوقتي في منصه يوتيوب يوتيوب شورتس وده ببساطه اثر عليا وعليه في قدرتنا على التركيز والانتباه وقدره كل واحد فينا على معالجه المعلومات العميقه المعقده بقينا شايفينها حاجه ممله ومش عارفين نتعامل معاها زي الاول واكث حاجه بقينا كلنا بنواجهها هي قدرتنا على التحفيز بقينا حاسين ان لو حاجه مش هتظهر نتيجتها دلوقتي احنا خلاص بنقرر نستسلم بسهوله وما نعملهاش اهو كل ده بقى يا صديقي يسمى بظاهره تعفن الدماغ والغريب جدا انك لما تدور في الابحاث العلميه تكتشف الموضوع مش مبني بس على الكسل او الدلع او ما يوازيها من الكلمات الاخرى المتعلقه بان واحد فينا مش قادر ينفذ المهمه اللي قدامه ولكن للاسف في واحده من اكبر واشهر المجلات العلميه في العالم مجله نيتشر اتنشر فيها بحث جابوا مجموعه من المراهقين ودرسوا عليهم تاثير السوشيال ميديا على النشاط العصبي بتاعهم ودرسوا ده على ثلاث فترات زمنيه مختلفه قعدوا يتابعوهم وقعدوا يتابعوهم عن طريق ايه؟ عن طريق حاجه اسمها اجهزه الرنين المغناطيسي او الام ار اي والمفاجاه يا صديقي انهم لقوا عندهم زياده في سمك قشره المخ الاماميه منطقه اسمها البري فرونتال كورتكس ودي مسؤوله عن القرارات المهمه في حياتك وعن الانتباه وضبط النفس والتركيز ومعنى زياده السمك ده ببساطه انهم بقوا او اخبى المفروض ان المراهقين بيعدوا بمراحل تغير متتابعه في المنطقه دي بالذات بتاثر على النضج بتاعهم وقدرتهم ان هم يكونوا منضبطين ويقدروا يركزوا ويتعلموا مهارات بتفيدهم في الاجزاء الثانيه من حياتهم لحد سن 25 فكره زياده السمك ببساطه معناها ان الموضوع بقى اصعب عليهم انهم يتعلموا ومش حاجه معنويه كسل ولا دلع ولا مرقع ده تغير حصل في دماغهم بشكل مباشر طب هو اصلا ظاهره تعفن الدماغ دي بتحصل ازاي؟ قبل ما اقول لك اقول لك ان الدراسات بتقول دلوقتي ان متوسط الشخص فينا اللي بيقعد على الانترنت سبع ساعات في اليوم والمراهق منهم بيقضي اكت من اربع ساعات على التيك توك الخطير بقى ان فتره الانتباه الصغيره حاجه اسمها الاتنشن سبان اكيد سمعت المصطلح ده ودي قدرتنا على التفكير اللحظي في حاجه معينه قلت في من بدايه الالفينات لحد سنه 2023 من 12 ثانيه لحد ثمان ثواني والتغير ده ما تفهموش بس افهم ان التغير اللي حصل في ال 20 سنه او ال 23 سنه دول يوازي التغير اللي حصل في القرن اللي فات كله انت متخيل تاثير الانترنت وتاثير السوشيال ميديا بقى على دماغنا وعلى انتباهنا شكله عامل ازاي ودلوقتي ازاي بقى بيحصل او بتحصل ظاهره تعفن الدماغ ببساطه يا صديقي العزيز احنا دماغنا بتشتغل بنظام المكافاه ويمكن اللي سامع فيديو الروتين هتلاقوه ظاهر كده في اي مكان في الشاشه اللي اتكلمنا عليه في الحلقه اللي فاتت كان الموضوع بنحاول نكيفه في الاتجاه بتاعنا بحيث لو احنا شغالين على حاجه نكافئ دماغنا بطريقه ما عشان بالظبط عشان تكرر وتستمر على الحاجه دي اللي بيحصل اننا اول ما بنفتح السوشيال ميديا وبنبدا نتفرج على فيديو من الفيديوهات بيزود لنا افراز مجموعه من الحاجات اللي بتحسسنا بالسعاده زي الدوبامين والسيرتونين والحاجات دي فانت اما تتفرج على ريل هيديك شويه دوبامين تتفرج على ريل كمان يديك شويه دوبامين مع الوقت الجرعه ما بقتش كافيه فمحتاج ريلز اكتر محتاج يتفرج على حاجه اكتر في مقابل ده كميه الدوبامين اللي كانت بتجي له وهو بيحاول يستوعب او يمشي في بروسيس بطيئه زي مثلا اني اذاكر ماده واتعب فيها جامد عشان اجيب نمره كويسه واخد المكافاه دي بشكل طبيعي من المخ بتحس ان موضوع اصعب بكتير من الريلز فبيبدا دماغه تتعود على الريلز الكارثه في ايه ان النهارده انا متعود ود اني هتفرج على ثلاثه ريلز عشان دماغي يجي لها كميه الدوبامين اللي متعوده عليه بكره بقينا خمسه بعده بقينا 10 بعد كده 20 بعد كده الموضوع بقى شغال بشكل تلقائي لانهائي انا محتاج ريلز بشكل عشوائي تماما والمحفزات ما بقتش تاثر فيا ما بقتش عارف اقرا مقال طويل مثلا ما بقتش عارف اقعد على الكتاب بعد ما كنت بقعد بالساعتين والثلاث ساعات النص ساعه مش عارف اكملها ما بقتش عارف اتعلم مهاره جديده لان البط بتاع تعلم المهاره واني احس ان غبي واني ابذل مجهود عنيف عشان اخد المكافاه في الاخر الطبيعيه بتاعه نتيجه تعلم المهاره دي الموضوع بقى بالنسبه لي صعب جدا لاني ببساطه بقيت مدمن على الاكرول العشوائي عشان يجي لي شويه دوبامين يحاولوا يقربوا وانا اعني الحته دي ان هم يحاولوا يقربوا بس من النمط اللي انا اتعودت عليه لان للاسف ودي المشكله اللي بتاثر على نفسيتنا وهيجي ذكرها العدد اللانهائي من الريلز ما بقاش كافي انت متخيل يعني بتحس انك قاعد على السوشيال ميديا في الاول الموضوع بقى حلو اتعودت عليه هلكك وبعد اما يهلكك وبعد اما يسرق كل لحظه من تركيزك وانتباهك في الاخر ما بيدكش نفس التاثير واللي بنحاول نعمله هنا في البودكاست ان اقول لك والله في مجموعه من الدلائل العلميه المثبته مش راي الدكتور منعم بس ولا راي الدكتور الفلاني ولا الدكتور العلاني لا احنا عملنا دراسات بابحاث علميه موثقه على مستوى العالم في ازمنه مختلفه بمقاييس عاليه لان معظم الابحاث اللي احنا جايبينها النهارده هي اتنشرت في مجلات تقييمها عالي جدا ف المعلومات كلها مثبته بالدليل واحده من الدراسات اللي بكلمك فيها في الحته دي بالذات اتعملت في كولومبيا جابوا مجموعتين من المراهقين وقالوا لهم احنا هندي لمجموعه التيك توك او المحتوى القصير يتفرجوا عليه لمده اسبوعين وفي خلال ده في نفس الفتره الزمنيه هندي مجموعه مماثله ثانيه بيدرسوا مثلا معاهم في نفس المدرسه او في نفس المرحله الدراسيه هنديهم مجموعه من الكتب وبعدين ين نقيس اختبارات التركيز والانتباه بتاعهم على مدار الاسبوعين الفرق كان واضح جدا لان الفرق في التركيز قل بنسبه 23% للناس اللي كانوا بيستخدموا المحتوى القصير والموضوع يبدول لك بعد المقدمه اللي احنا قلناها مش مفاجئ بل دي حاجه متوقعه يمكن بتحصل معاك اصلا وانت بتتفرج معايا على الفيديو دلوقتي ويجي في بالك دلوقتي سؤال يا صديقي العزيز هل الموضوع ادمان ولا انتم بتستخدموا هذا المصطلح من باب التف التفجيع والتخويف وتحسسني انه والله انا عامل كارثه كبيره عشان ده يمكن بيتشاف احسن على السوشيال ميديا احب اقول لك ان منظمه الصحه العالميه بنفسها بقى دلوقتي عندها اضطراب رسمي رسمي متعلق باستخدام الانترنت وبيقولوه ان والله الاضطراب ده او الادمان السلوكي ده شبيه لادمان القمار وادمان المواد المخدره عارف ليه ببساطه لان نفس الاليه بتاعه نظام المكافاه هي اللي موجوده في القمار ببدا اجرب القمار احس ان الموضوع ممتع بيديني ليفل من نواقل العصبيه دوبامين وسليتونين وهكذا اكت فاجربه اكت اخسر بس اجربه اكتر عشان مستني مره تجي لي حلوه نفس الكلام في المواد المخدره وفي كل مره في الامثله اللي قلناها في السوشيال ميديا للاسف الجرعه مش بتبقى كافيه وبالتالي السوشيال ميديا والتعامل معاها دلوقتي مش بس بنتكلم على ان بقى ظاهره برين روت او تعفن دماغ ولكن كمان بقى ادمان سلوكي موجود ومقر من منظمه الصحه العالميه واخطر حاجه انا قريتها في القصه دي انه دراسه اتعملت وقالوا احنا هنشوف هل الناس اللي ظهر عندها ادمان بطريقه ما ادمان سلوكي فيما يتعلق باستخدام الانترنت هل تركيبات المخ اتغيرت ولا لا جابوا مجموعه برده من الاشخاص وقعدوا يدرسوهم لقوا انه في تغير في الماده الرماديه اللي موجوده في المخ يعني لو حد من طب هيبقى فاهم ان احنا دايما الخلايا العصبيه مقسمه لمواد بيضاء ومواد رماديه لقوا في تغير حقيقي موجود وملحوظ برده باستخدام الرنين في الماده الرماديه للمدمنين على استخدام السوشيال ميديا وبالتالي يا جماعه الموضوع خطير لانه مش بس بياثر على الافعال اللي انت بتعملها في اليوم ولكن بياثر تاثيرات عميقه جوه دماغك النهارده ممكن يكون تاثيرها صغير لكن بكره اكيد هيبقى اكبر وبعده هياثر على فعل ممكن بعد ثلاث اربع سنين من دلوقتي تاثيره زي تاثير السجاير زي تاثير المواد المخدره هياثر عليك بحاجه اكبر بكثير انت عمرك ممكن ما كنتش توقعها عن نفسك او عن القدرات اللي انت نفسك توصل بيها لحاجه معينه في [موسيقى] حياتك يبدو من الكلام انه خلاص هذه الظاهره تعفن الدماغ دي حاجه خطيره طيب ما هي المخاطر التي تاتينا من فكره ان انا عندي تعفن دماغي يعني ايه ده ممكن ياثر على حياتي بشكله عامل ازاي مشكلتي في في المنطق ده اللي لسه كنت قايله لك من شويه انه الحيز بتاع التاثير بتاعه مالوش حدود ببساطه لانه هو بياثر على انتباه وتركيز وبياثر على ا فكره ان انت مش عارف تستحمل العناصر الممله اللي موجوده في الروتين بتاعك عشان المكافاه بتاعتها ابطا والمكافاه بتاعتها اقل الموضوع ده مش هيظهر تاثيره بس النهارده لكن هيظهر تاثيره في احتمالات لانهائيه يعني انا النهارده مثلا في الكليه الشغلانه بتاعتي هي ان انا بذاكر السوشيال ميديا والتاثير الادماني بتاعها هياثر على ايه؟ هياثر ببساطه على ان انا مش عارف اذاكر مش هجيب نمره كويسه مش هجيب تقدير كويس في اخر السنه ده هياثر بعد كده على فراسين مثلا اتع عيين في الكليه فلو انا عايز كارير اكاديمي وابقى مدرس او دكتور في الجامعه ده مش هيحصل ده احتمال من الاحتمالات انا النهارده بتعلم مهاره وليكن لغه بتعلم لغه جديده فلو ركزت في تعلم اللغه واكتسبت هذه اللغه هيبقى عندي فرص كثيره جدا بناء على هذا التعلم طب افرض لو فقدتها تخيل كم الفرص اللي ممكن يضيع عليك بسبب ان في حاجه معطله انك تتعلم اللغه اللي هتفتح لك افاق وتفتح لك فرص ثانيه في الكارير بتاعك وهكذا في تعلم البرمجه في تعلم حاجه فنيه في كل ما يتعلق بالمهارات اللي انت شغال عليها التاثير بتاع تعفن الدماغ لا محدود ما تقدرش تجيبه من هنا ولا تجيبه من هنا ولا تحكمه في اتجاه واضح ومحدد بس في الدقائق الجايه انا هحاول اقول لك ست تاثيرات رئيسيه بيحصلوا من تعفن الدماغ وانت بخيالك وبالمصادر اللي هتلاقيها موجوده تحت في الديسكربشن تقدر بقى تطلع على حاجات اكث او تتخيل حاجات اكث في نفس السياق اللي احنا بنتكلم عليه اول تاثير يا صديقي يمكن ظاهر لك دلوقتي انه في تدهور في التركيز والانتباه مش عايز كتر كتير هنا بس هقول لك مجموعه من الدلائل اللي تقوي عندك حتى الكلام اللي احنا قلناه من شويه وده بياثر بشكل مباشر ورئيسي على حاجه اسمها اسستيند اتنشن انا قلت لك في الاول ان احنا عندنا حاجه اسمها اتنشن سبان ودي فتره اللي هو التركيز اللحظي السستيند اتنشن التركيز المستمر اللي انا اقدر احفظ بيه معلومه ان انا اقدر اركز بيه شويه قبل ما دماغي تفصل بين فقره وفقره وانا بقرا مثلا او بقرا حاجه ممله شويه وده ظهر فيها برده اكث من دراسه يمكن اشهرهم واحده من الدراسات اللي اتعملت في هارفرد واتعملت دراسات مماثله ليها في جامعات مختلفه لقوا الاتي سنه 2004 يا صديقي لقوا انه التركيز المستمر بتاعنا ده جان دقيقتين ونص تقريبا بعدين اما تابعوا في سنه 2012 لقوا ان التركيز وصل ل 75 ثانيه تخيلوا اما درسوا السنتين بتوعنا دول لقوا التركيز نزل لكام ل 47 ثانيه بس والارقام دي خطيره انت التركيز اللحظي بتاعك اتاثر وده اللي اتكرر كتير في الميديا واكيد سمعته من حد غيري لكن كمان التركيز المستمر اللي هو الاساس بتاع التعلم الموضوع انحضر من دقيقتين ونص ل 50 ثانيه او اقل فانت متخيل حجم التدهور اللي حصل بسبب استخدام السوشيال ميديا المفرط ادى لايه الحاجه رقم اثنين يا صديقي هو اضعاف التفكير العميق والتفكير العميق ببساطه هو المسؤول عن حل المشكلات المسؤول عن معالجه القرارات الرئيسيه المصريه في حياتك وعن نقد الافكار اللي ممكن بتدخل لك من اي حد او اللي انت بتمشي بيها حياتك. واحده من الدراسات اللي اتعملت في السياق ده بتقول لك ايه؟ جابوا اكث من 260 طالب جامعي وحطوهم في تجربه ليها علاقه برض باستخدام التيك توك وانت تفهم دلوقتي انا مش قصدنا حاجه شخصيه مع التيك توك وان كان لينا حاجات شخصيه مع التيك توك بس مش هذه القصه ولكن من منطلق ان ده مقاطع قصيره بتدخلنا في نفس السايكل بتاعتنا درسوا او حطوهم في اختبارات عشان يدرسوا التفكير الاستراتيجي بتاعهم وجوده التفكير العميق بتاعتهم لقيت ان دول مقارنه بالناس اللي مش بتستخدم تيك توك بشكل مستمر في نفس فتره الدراسه دول كان ادائهم اقل 37% انت متخيل ان الانتاجيه بتاعتك في الجانب ده قلت بتاثير اكث من 40% ودي واحده ثانيه من السمات الشخصيه اللي المفروض تكون عندك بتفقد منك بسبب ظاهره تعفن الدماغ والحاجه رقم ثلاثه بيعمل حاجه اسمها ريورد سيستم ديسريجوليشن يعني تلف في نظام المكافاه وده اللي شرحته لك ببساطه في القصه بتاعه انه حته ان انا الدوبامين او المكافاه دي بتجي لي ازاي بعد اما سكرول بس بعد اما كان زمان لا لازم اتعب عشان يجي لي شويه دوبامين الموضوع ده بياثر في بروسبكتف ثاني انا حابب اقوله لك هنا هو فكره الحافز فكره ان انت ممكن تكون متحمس لهدف ولحاجه انت هتموت عليها كلمت طوب الارض عليها كلمت كل اصحابك كلمت عيلتك قلت لهم انا عايز ده كتبتها في الجورنال بتاعتك علقتها في كل حته انا عايز الهدف ده وتيجي مثلا يوم او اثنين او ثلاثه تتحمس وبعديها فجاه تلاقي هذا الخمول التام سببه الرئيسي ان انت ممكن تكون مدمن على السوشيال ميديا ممكن تكون عندك ظاهره تعفن الدماغ ببساطه لان هو بيخرب لك نظام المكافاه فبيخلي ان الموضوع اللي انا متحمس له وشايف نفسي فيه وشايف حياتي هتتغير لو عملته على بعده وعلى المجهود العنيف اللي ممكن ابسله عشان اوصل له لا لا لا الموضوع بالنسبه لك بيبقى اصعب فبيعطل لك كل مرحله ممكن تتحرك لها وانت رايح هناك وبيسيبك في الدواير بتاعته الدواير بتاعه السكرولينج العنيف او انك تنعزل عشان تجيب دوبامين رخيص دوبامين اسهل دوبامين في الاخر بيسيبك لوحدك وبيقول لك انا ما بقتش قادر اديك الجرعه الكفايه بتاعتك التاثير الرابع لظاهره تعفن الدماغ يا صديقي هو متعلق بالنوم وانا قلت لك ان النوم دي واحده من اهم الانماط الحياتيه التي تؤثر في اي مرحله انت عايش فيها والله انا قلت لك الموضوع في في الحلقه اللي فاتت انه لو انت عايز تتعلم مهاره جديده اول سلاح ليك تنام كويس. عايز تذاكر كويس وتجيب نمر اول سلاح ان انت تنام كويس. عايز تتعلم حاجه جديده. عايز تشتغل وتنجح في الشغل بتاعك برده الاساس بتاعه انك تنام كويس. لان النوم الكويس هو اهم سلاح بيعمل حاجه اسمها ريسيتنج لكل الفانكشنز بتاعتك. لو مثلا مستويات هرمونات او نواقل عصبيه على مدار اليوم بدات تستهلك من المجهود اللي انت بذلته عارف انت اما بتنام كويس وبتاخد فترات بجوده معينه من النوم الموضوع بيبقى كله ريسيت كل صح الصبح كده كل الليفلز بتاعه الهرمونز وبتاعه النواقل العصبيه بتاعتك المسؤوله عن الفانكشنز والوظائف الحيويه بتاعتك على مدار اليوم كلها بتكون في قمه استعدادها انها تخش تكومبيت تخش تتعلم تخش تنافس في اي في ايا كان الاتجاه اللي هي ماشيه فيه وظاهره تعفن الدماغ يا صديقي بتؤثر بشكل رئيسي للاسف على النوم وده عن طريق حاجه ما قلناهاش وهي ببساطه انه بيفضل ساحل دماغك ففكره انك قاعد بتفكر كتير في الفلان حصل له ايه وفلان جرى له ايه والجوسيبس واحداث الانفلونسرز اللي مش عارف حصل لهم ايه وقصص التمثيليات الجميله اللي فضل عايشين جواها ده بيفضل مدي لعقلك مجهود عنيف مجهود مستمر في حاجه لا قيمه لها على الاطلاق حاجات كلها سطحيه بس عقلك بيفضل مشغول بالافكار دي وبيتنقل بينها واحده واحده فكره كمان انه بيسحلك في التعرض المباشر للضوء الازرق ويه مخاطر كتير هنتكلم عليها في حلقه النوم ان شاء الله فالتاثيرين دول بالذات بياثروا على عدد الساعات اللي بتعرف تنامها بيزود عندك مشاكل الارق وبالنوعين بتوعه بانك تدخل اصلا في النوم وبانه يقطع لك النوم فالجوده ما تبقاش افضل حاجه وده بياثر طبعا على مزاجك فهتلاقي مع وقت عادي تقع في اكتئاب او تقع في احتراق نفسي برنوت او ا تحس انك مش قادر تركز ولا تفانكشن بشكل كويس مع كل حاجه حواليك فالتاثير الرابع السلبي هو اضطرابات النوم التاثير الخامس يا صديقي العزيز هو القلق الاجتماعي والعزله للاسف التعود على الواقع الافتراضي وانك عايش بس وسط الفيديوهات اظهر عندنا مجموعه من السلوكات السلبيه كتير واكيد شفنا بقى في كل تعليقات الفيديوهات هت هتلاقي في حد داخل يستسهل انه يغلط في اللي قدامه او يستسهل يقول كومنت ما يعرفش يواجهه في الحقيقه ببساطه لانه مستخبي ورا ورا الشاشه بقى في قوانين للتعامل ما بين العالم الافتراضي ده وقوانين مختلفه تماما في العالم الواقعي ومع الوقت انت بتتعود بس على ده من فكره ما هو ساحلك بيخلي رغبتك في النزول مثلا لخروجه او عشان هلبس وهتحرك وهروح الموضوع بيبقى اقل ففي الاخر بيقلل لك كمان قدرتك على انك تتعرف على ناس جديده لان الموضوع ممكن بالنسبه لي اسهل على السوشيال ميديا ف بيزود لك حواجز تميل او تميل بيك انك تنعزل اكت انك الموضوع بالنسبه لك تبقى قافل على الدايره بتاعتك وحاسس انه لا ده خلاص ده الكوفرت زون بتاعي ودي الحاجه اللي انا بعملها وانا مش مستني حكم من حد وانا مستخبي ورا حاجه فشكل لا واعي بيخليك تميل وتنعزل مع نفسك اكت بكتير من انك تروح تندمج انت ممكن تكون في سن صغير لسه ما كشفتش الحياه اكتشفت رياضات مختلفه ما جربتهاش اماكن مختلفه في البلد بتاعتك ما زرتهاش ا اكسبيرينسز حاجات تجارب مختلفه مثلا بني ادمين انك تتعرف عليهم حد يشاركك اهتماماتك تنمي اصلا اهتماماتك وتشارك في مؤتمرات وتشارك في ايفنتات مثلا ممكن تتعلم منها حاجه او تفيدك في بعلاقات في الكارير بتاعك كل ده بيخلي الموضوع لا انا هميل لاتجاه وطريقه معينه وللاسف حتى مش بيديك الحاجات دي في صور حاجات حاجات ايجابيه لانه الحاجات التافهه والحاجات اللي عقلنا بيفرح بيها وبيتبسط بيها وكلنا بنتسحل فيها هي بتظهر لك في وسط برده الحاجات المهمه ما تعرفش تعزل الحاجات ف فممكن انت تقول انا ممكن انمي مثلا مهارتي في حاجه بان انا افضل في كوميونيتي على فيسبوك او ان انا بدل ما اروح كونفرنس مثلا في اوتيل فلاني لا ممكن احضره على زوم الحاجات دي مش في عزله عن التليفون مش في عزله عن الحاجات التافهه فكل حاجه بتبقى داخله في بعضها وفي الاخر بالتاثيرات السلبيه بتلاقي نفسك منعزل زل اكتر وان كان انت ممكن تقيم نفسك في حاجه شبه كده تقارن نفسك مثلا في فتره والله انا كنت ا مش مندمج قوي مع التليفون وفتره انت مسحول في التليفون الوضع بيبقى واضح ويبقى ظاهر وانت والله بتبقى عارف المشكله فين والحاجه رقم سته يا صديقي العزيز هي التاثيرات اللي احنا قلناها اللي ظهرت في اكث من دراسه في المخ في ماده المخ نفسها ظهرت على المراهقين وقلت لك انه فتره المراهقه نفسها بنمر بتغيرات في منطقه اسمها البري فرونتال كورتكس او القشره الاماميه للمخ مسؤوله عن حاجات حاجات كتير مهمه زي الانتباه والتركيز والانضباط والجزء ده النمو بتاعه بيقف عند 25 سنه ففي خلال فتره المراهقه وانت شاب كل تاثير بيتعمل سلبي للاسف بياثر لحد مرحله النضج لانه بعد 25 خلاص المرحله دي مش هيحصل فيها نمو ثاني كمان بياثر في ماده المخ الرماديه وبياثر بشكل قوي وظاهر فيها فمن جوانب معنويه قلنا كتير قوي وللاسف من جوانب ماديه في ستركتشر او في ماده المخ نفسها ظاهره تعفن الدماغ بيكون ليها اثر تقدر تشوفه عن طريق صور الام ار اي لو انت حتى بصيت في اللينكات اللي هنكون سايبينها في الديسكربشن قلنا حاجات كتير ليها علاقه بتعفن الدماغ بس السؤال دلوقتي هل انت وانت بتتفرج عليا عندك تعفن دماغ ولا لا هل الحاجات اللي عندي ترتقي ان اقول ان انا عندي دلوقتي تعفن دماغ او دماغي متعفنه ولا لا الموضوع شويه اعراض متشابهه مع الحاجات اللي احنا قلناها بسبب تاثيرات السلبيه للسوشيال ميديا دلوقتي انا هعمل لك اختبار ممكن ياخد معانا دقيقتين ولا حاجه وهقول لك النتائج بتاعته حالا حالا اه والله في خلال الدقيقتين دول حتى كده مكافاه صغيره واحنا ماشيين في الفيديو وبعدين ممكن لو النتائج تكون مقلقه استنى خبر كويس بعد هذا الاختبار اوعدك ان هو خبر كويس في وسط هذه الاخبار السلبيه الكتيره شويتين الموضوع ببساطه اني هسالك 10 اسئله من اللي قدامي دلوقتي ودي استبيان ظهر في احد الدراسات كل سؤال هتجاوب عليه باه هتاخد نقطه رقم واحد وكل سؤال هتجاوب عليه بلا هتاخد صفر وفي الاخر هنجمع عدد النقاط وهفهمك بقى ايه اهميه عدد النقاط دي اول سؤال يا صديقي العزيز هل تجد صعوبه في متابعه فيلم او فيديو اكث من 10 دقائق بدون النظر لهاتفك يعني تقدر من غير ما تتشتت مع حاجه ثانيه تقدر تتابع حاجه مدتها تزيد عن 10 دقائق ممكن تحكم على نفسك وانت بتتفرج على البودكاست ده على مره اثنين لو انت كنت لسه مكمل معانا رقم اثنين هل تنسى احيانا لماذا دخلت تطبيقا او غرفه في بيتك بنفتح تطبيق انسى انا كنت داخل ليه ادخل الاوضه اجيب حاجه انسى تماما هل ده بيحصل معاك او لا؟ السؤال رقم ثلاثه هل تشعر ان قدرتك على حفظ المعلومات اسوا مما كانت قبل عامين؟ السؤال رقم اربعه هل تفتح اكثر من خمس تطبيقات في نفس الجلسه دون سبب واضح؟ سؤال رقم خمسه هل تشعر بعدم راحه او الملل لو ما استخدمتش التليفون لمده ساعه؟ السؤال رقم سته هل تبدا يومك بتصفح السوشيال ميديا قبل اي نشاط اخر؟ السؤال رقم سبعه هل تمل بسرعه من المحادثات الطويله؟ او القراءه العميقه السؤال رقم 8انيه هل تحتاج دائما لمؤثرات خارجيه موسيقى فيديو او اشعارات اثناء العمل والمذاكره السؤال رقم تسعه هل تشعر ان تفكيرك اصبح ضبابي او بطيء ظاهره بنسميها البرين فوج وللي عايز يدور برين فوج منتشره اكث من برين روت في الابحاث العلميه لو حد عايز يدور يعني السؤال رقم 10 والاخير هل يصعب عليك الاستغراق العقلي او الانغماس في فكره او نشاط واحد فقط تقدر تشتغل على حاجه واحده بس وتندمج معاها تماما 3 2 1 انت دلوقتي عارف السكور بتاعك كام تعال نقول بقى دلالات السكور ده لو انت من صفر لاثنين فانت طبيعي ما فيش اي علامات واضحه انك عندك تعفن في الدماغ او تاثير على التركيز والانتباه لو انت من ثلاثه لخمسه دي بدايات تشتت وده حاول تقلل شويه الاستخدام الرقمي اللي هو استخدام التليفون او اي حاجه بتسكرول فيها بتتسحل فيها بنفس النمط اللي احنا شرحناه من سته لثمانيه دي اعراض واضحه لتعفن دماغ رقمي محتاج شويه حلول هنقول عليهم كمان شويه لو من تسعه ل 10 فده خطر مرتفع وقد تكون بحاجه انك تعيد هيكله حياتك [موسيقى] بالكامل وصلنا دلوقتي يا صديقي العزيز لاهم مرحله في البودكاست وهو التعافي والعلاج من ظاهره تعفن الدماغ الخبر الحلو يا صديقي العزيز انه التعافي ليس مستحيلا وحتى الظواهر اللي ظهرت في ماده المخ نفسها سواء في الماده الرماضيه للمخ او في القشره الاماميه للمخ الاثنين قادرين يتصلحوا مع الوقت بسبب ظاهره بنسميها النيوروبلاستيسيتي ودي ليها قصه طويله جدا معانا لان النيوروبلاستيسيتي دي او المرونه العصبيه دي اهم حاجه واهم ميزه ربنا ميزنا بيها ودي اللي بتسمح لنا نعمل حاجات كتير قوي مختلفه ومن فضل ربنا وكرمه علينا ان هذه التاثيرات السلبيه مهما كانت حتى في الخطر المرتفع ليها حلول هنقولها بس الحلو مش دايما بيكمل فاللي محتاج اقوله لك ان الموضوع مش سهل وانه شبه اي سلوك ادماني انت تعرفه في الاول بيكون صعب بتبذل مجهود وبياخد وقت لحد ما تبدا تظهر نتائج وبالنمط ده تقدر تقول انه بعد فتره الموضوع بيبقى اسهل وبعد كده بتتعود على نمط بعادات وبانماط مختلفه لحياتك تقدر تنطلق فيها بدون ظاهره تعفن الدماغ واحنا هنتكلم في الحلول بتاعتنا في اربع خيارات قدامك اول خيار فيهم يا صديقي اسمه ديجيتال ديتوكس وهو جزء من الدوبامين ديتوكس اكيد سمعنا عن صيام الدوبامين والديتوكس معناها ازاله سموم فكان كده بنقول ديجيتال تيتوكس كانك بتعمل تطهير لنفسك من الاستخدام الرقمي او استخدام السوشيال ميديا ودي واحده من الحاجات الحاجات المهمه جدا عشان تعمل لك ضبط مصنع تعيد ضبط مصانع المكافاه تعيد ضبط مصانع الافرازات والنواقد العصبيه اللي مبهدله دماغك بسبب هذا التاثير السلبي ببساطه يا صديقي ليه ده مهم لان كل سكرول كل لايك كل كومنت كل مسدج ده تفاعل فوري بيديك مكافاه فوريه جوه دماغك اللي احنا هنحاول نعمله في الديجيتال تي توكس ده ان احنا نكسر الدايره ونرجع دماغنا لحاله التفكير العميق النقله دي هي اسمها ديجيتال تي ديتوكس تزيل هذه السموم اللي خلت كل حاجه بسرعه خلت التاثير بيجي لك بشكل فوري بحيث كانك عندك طفل صغير كده وبتفطمه كانك زي ما بقول لك كده بتقفل الجهاز بتاع الكمبيوتر وبتقول انا هسيبه فتره وارجع اشغله ثاني يكون مثلا السخونه بتاعته بردت هذه الامثله هي معبره بالضبط عن اللي احنا بنحاول نعمله جوه دماغنا فيما يعرف بالديجيتال تيتوكس وده نقدر نطبقه باربع خطوات بسيطه اول حاجه خالص اني مش هقطع فجاه السوشيال ميديا مش هقول والله انا هنعزل واعيش في صومعه لان السوشيال ميديا ليها فوايد واحنا النهارده مش جايين نقول احنا هننعزل واحنا هنبطل سوشيال ميديا خالص احنا بنقول ازاي نستخدمها استخدام رشيد ما يضرناش ويجنبنا هذه الظاهره اللي هي تعفن الدماغ اول حاجه هقلل بس ساعه واحده من اللي بستخدمه ادخل على التليفون بتاعك الاعدادات هات التطبيقات واعرف مده استخدامك للتطبيقات بتاعه السوشيال ميديا قد ايه في اليوم المطلوب منك في اول اسبوع قلل ساعه بعدين تقعد تقلل بالتدريج لحد ما توصل للوقت اللي انت شايفه مناسب ما بيضركش دي اول حاجه ثاني حاجه هنحط وقت مقدس تماما بدون اي شاشه ولا لاب توب ولا تابلت ولا تليفون ما فيش اي شاشه هستخدمها ولا حتى تلفزيون ممكن يكون مثلا قبل النوم بنص ساعه ممكن يكون بعد اما تصحى على طول في اول فتره دي انا مثلا من الحاجات اللي بتساعدني دايما وبقول عليها ان انا قهوه وقرايه الصبح ما فيش اي شاشات ما فيش اي تواصل ليه علاقه بالسوشيال ميديا بحيث ان انا اهدي دماغي في بدايه اليوم واحضر نفسي اليوم بشكل كويس دي رقم اين رقم 3لاه ممكن تستخدم واحد من التطبيقات اللي بتقفل حاجات السوشيال ميديا بحيث مثلا انا عندي مهمه معينه مركز عليها بذاكر مثلا او بتعلم مهاره او حاجه هقفل كل التطبيقات عشان التليفون نفسه اللي انا حتى بستخدمه ما يجيليش منه اشعار او هكذا ودي حاجه من الحاجات اللذيذه ممكن تطبيق اسمه فورست اللي هو تعمل عليه شجره ده بتجمع شجرات وفي تحديات لذيذه على تيك توك يعني شاوت اووت لكل الشباب اللي بيحاولوا يشجعوا بعض على المذاكره وفي تطبيق ثاني اسمه اب بلوك ده برده بيقفل لك كل التطبيقات ممكن تلاقيه برده على اندرويد او الاي او اس استخدم واحد من التطبيقات دي عشان تساعدك اما الحاجه الرابعه انك ممكن بعد مرحله معينه وانت بتقلل بتقلل تقوم قاطع استخدام شورت فورم كونتنت لمده اسبوع تماما مش هقول لك اقطع كل المحتوى لكن هستخدم محتوى طويل عارف اللي هو فيديو اقل من ربع ساعه انا مش فاتحه لفتره معينه بحيث ان الموضوع يبدا تحس ان الدنيا ابطا شويه مش بالسرعه وبالجري ده الاربع خطوات دول طبقهم وامشي عليهم وهقول لك القمارات بتاعه النتائج بتاعه التعافي شويه صغيرين بعد ما نكمل الاستراتيجيات بتاعتنا والاستراتيجيه رقم اين يا صديقي العزيز هي اسمها سي بي تي او العلاج السلوكي المعرفي كوجنتيف بيهفيرال رابي واحده من اشهر الاستراتيجيات اللي احنا بنستخدمها في الطب النفسي والنهارده هقول لك بشكل مصغر كده ممكن ازاي انت تطبقها مع نفسك في ما يتعلق بالظاهره دي لو في حد ا يعني عنده خبره ما ممكن تستشيره سواء في علم النفس او حتى طب نفسي هيكون افضل بكتير ان هو يتابع معاك بس لا يبقى هنجرب الطريقه دي مع نفسنا وان شاء الله يكون ليها تاثير قوي خليني افهمك الموضوع ببساطه احنا الهدف بتاعنا ايه؟ الهدف بتاعنا هو ان احنا نعيد المخ للوضع الطبيعي بتاعه طيب قبل ما اقول لك على الخطوات بتمشي ازاي اقول لك ان احنا عندنا في طبيعه التفكير بتاعنا شبكتين شبكه اسمها الدي ام ان او التفكير العميق ودي شبكه الوضع الافتراضي عارف اللي هو ايه انا دماغي متستمه على هذا الوضع قبل وجود السوشيال ميديا وقبل وجود كل هذه المشتتات والشبكه الثانيه اسمها تاسك نتورك او شبكه المهام والشبكه دي وضع الطوارئ دي اللي هو انا عايز انجز فيها حاجه واخلص بسرعه للاسف السوشيال ميديا بقى بتحطك في النوع الثاني من الشبكه شبكه المهام هذه هذا الوضع بتاع الطوارئ اللي كل حاجه محتاجين نجري محتاجين نجري وبتجنبك خالص استخدام الدي ام ان فهدفنا هنا ايه ان احنا نتحول من الشبكه دي في التفكير بتاعنا وفي الانماط اللي بنمشيها في حياتنا للشبكه الثانيه طب ده هيتم ازاي؟ هيتم عن طريق مجموعه من الخطوات البسيطه اول حاجه هتجيب نوته صغيره تخليها جنبك ده الاساس بتاع كل حاجه وبعدين هت هتبدا تسجل الانماط بتاعتك يعني ايه؟ يعني انا فتحت تيك توك مثلا وقت اما ذاكرت طيب ده النمط بتاعك تقول او تبدا تسجل بعديها في السطر الثاني السبب بتاع ده انت حاسس ان انت لو ما فتحتش تيك توك في الوقت ده هيحصل ايه مثلا تقول لي هيفوتني حاجه او هيفوتني خبر او هشوف حد من صحابي مثلا نازل حاجه يبقى ده السبب اللي خلاني افتح يبقى اول حاجه هسجل النمط امتى بيحصل والسبب او الدافع بتاعه ايه ومع الوقت هبدا القط الوقت اللي بيحصل فيه القصه دي ابدا بقى احط عاده اضافيه بدل ما ادخل على التيك توك او مقاطع الفيديو القصيره مثلا اول ما بيحصل الحاجه اللي انا سجلتها ان انا هذاكر وهحس ان انا هفتح تيك توك مش هفتحه بدل من ده ان انا اروح اذاكر في مكان مثلا ما فيهوش تليفون او ان انا اذاكر وانا بتمشى فاعمل حاجه ثانيه بحيث ان انا ماظهرش او ان انا ما احطش التليفون جنبي اغير العاده اللي بتخليني اروح بسهوله ان انا اعمل الاكشن اللي بيجي جوه دماغي يبقى انا دلوقتي دونت النمط بيحصل امتى بيحصل ليه بعد كده اغير العاده او النمط اللي بيحصل ده اخليه هدف ثاني اخليه اكشن ثاني بيحصل وبالتالي بالثلاث خطوات دول انت تابعت نفسك بعد كده فهمت نفسك كويس وفهمت انت بتعمل ده ليه وفي الاخر بدلت العادات بعادات ثانيه طيب مثلا انا بيجي لي ان انا افتح التليفون وقت قبل ما انام على طول لازم اقعد نص ساعه افهم ليه اه احس ان انا ممكن اتابع او ارفح عن نفسي يبقى ده ده امتى قبل النوم ليه عشان اتابع وارفح عن نفسي ابدل ان انا اقرا مثلا قبل ما انام يبقى حاجه اهد اهداء وبرده هتخلي هتخليني مبسوط وفي الاخر هتبقى قللت الاستخدام بتاعي في الوقت اللي انا مدمن فيه او الوقت اللي انا متعود عليه ودي كده ببساطه ظاهره السي بي تي ليها تفصيلات اكث من كده بكتير ولكن ده ما يكفي في ظاهره او في علاج ظاهره تعفن الدماغ اما الحل او الاوبشن رقم ثلاثه يا صديقي اسمه مايندفولنس التنشيط الذهني وعارف ده هدفه ينشط ايه ينشط هذه المنطقه المسمى بالبري فرونتال كورتكس قشره المخ الاماميه وانت متخيل دلوقتي ي ليه؟ دي واحده من الحاجتين اللي انا خايف عليهم لان ده التاثير المادي اللي حصل في ماده المخ نفسها سواء في الجزء الرمادي او في البري فرانتال كورتكس فاحنا دورنا دلوقتي مع البري فرنتونتال كورتكس فمهم جدا انها منطقه مرارا وتكرارا قلناها على مدار البودكاست مهمه في اتخاذ القرارات وفي الانضباط وفي الانتباه حلو قوي اول طريقه اسمها 4 8 خد نفس مناخيرك اربع ثواني احبسه لمده سبع ثواني خرجه على ثمان ثواني كرر ده لمده اربع مرات هتلاقي المخ بتاعك هدي وهتلاقي الانتباه بتاعك زاد ازيد بشويه وكل ما تحس انك عندك برين فوج او في ضباب كده جوه دماغك مش عارف تركز كرر التدريب ده لمده اربع مرات اما التمرين الثاني يا صديقي هو تمرين ليه علاقه بالجسد شويه هتغمض عين عينك وتركز في جسمك كله من القدم للراس وتقعد تركز مع كل حاجه ليها علاقه بكل جزء من جسمك هو حاسس ايه هو لابس ايه طب ايه شكله طب ايه الوضع بتاعه شكله عامل ازاي وتتخيل انك قاعد في المكان بتاعك وتعدي على كل عضو من اعضاء الجسم بتاعك كانك عسلت نفسك بالتفكير عن كل حاجه حواليك برده دي واحده من الحاجات اللي بتاثر من الجسم على العقل وبتقلل شويه التشتيت بتاعه وبتزود الانتباه الاستراتيجيه الثالثه ه في التنشيط الذهني هي 10 دقائق سكوت عارف بقى اللي هو العالم كله دوشه الدنيا كلها بتتكلم زهقنا من الكلام خصص لنفسك 10 دقاق تصمت فيهم تماما وتتامل سواء انك بس هتقعد كده مثلا على كرسي مريح وتفضل ساكت تتامل في حاجه حواليك او ممكن تغمض عينك وتتخيل حاجه وتفضل عايش معاها او بطرق مختلفه بقى زي اليوجا او لو انت بتحب الميديتيشن ممكن تخلي ال 10 دقاق الصمت دول يطبقوا في واحده من الانشطه دي الثلاث حاجات اللي احنا قلنا عليهم دي من الحاجات اللي بتساعد في تنشيط منطقه البري فرنتال كورتكس المنطقه بتاعه قشره المخده من اهم واخطر المناطق اللي بتتاثر بسبب تعفن الدماغ اما الاستراتيجيه الرابعه هي مجموعه من الحلول الصغيره ودي مثبته علميا وانا طبقت مجموعه منها من الحاجات وبجد فرقت جدا معايا اول حاجه هي اقفل النوتيفيكيشنز بتاعتك واحده من المصطلحات اللي احنا كلنا بقينا عارفينها ظاهره الفومو ان في حاجه فايداك تحس كده ان والله لو مرش الخروجه مع صحابي في حاجه هتفوتني اهو دي قصه السوشيال ميديا كلها مبنيه في حاجه هتفوتني في حاجه هتفوتني في حاجه ترند هيفوتني خبر هيفوتني مش عارف ايه الظاهره دي لو جيت حللتها هتلاقي ما فيش حاجه بتفوتك يعني في الاخر احنا لو انقطعنا عن السوشيال ميديا ثلاث شهور هنلاقي بعد اما نرجع في ترندات بنفس النمط اللي كانه حاصل على مدار الثلاث شهور بس شخصيات مختلفه ظروف مختلفه انت لو قعدت مع نفسك فتره كده منعزل في في سفريه ولا حاجه وقعد تحلل الامور من بعيد هتبدا تلاحظ الانماط المتكرره وان فعلا ما فيش حاجه بتفوتك فواحده من الحاجات اقفل النوتيفيكيشنز تماما انا قافل نوتيفيكيشن بقىي خمس سنين حرفيا بقىي خمس سنين مافيش حاجه اسمها نوتيفيكيشن في اي جهاز من الاجهزه اللي انا بستخدمها فدي اول استراتيجيه ثاني استراتيجيه يا صديقي العزيز ابدا يومك بالقراءه او دخل في يومك القراءه والتدوين يعني احدهما الفكره بالنسبه لي ان انا الموضوع ما كانش جاي لي علاقه بالسوشيال ميديا بس انا في بدايه يومي ما بحبش اتكلم مع بني ادمين احس ان طاقتي لسه قليله جدا او مليانه يعني حسب بقى بس مش عايز اتكلم خالص مع بنات ادمين فبخصصه وقت للقراءه اما دورت برده في الابحاث العلميه وانا بحضر الحلقه بتاعتنا الجميله فلقيت انه ده من الحاجات المثبته علميا انها بتهدي برده الانشطه بتاعه دماغك في بدايه اليوم فخصص جزء من القراءه او التدوين انك تخرج او تفرغ الافكار اللي جوه دماغك في جورنال لذيذه وهنتكلم برده عن التدوين اعتقد في واحده من الحلقات فسواء ده او ده مهم جدا انك تبدا تمارسه وتدخله في نمط يومك رقم ثلاثه صديقي خصص وقت للمذاكره واحده من اشهر التقنيات التي انتشرت وذاع عصيطها هي تقنيه البومو دورو بتذاكر 25 دقيقه وبتريح خمس دقاق وتكرر ثلاثه او اربع سايكلز فكرتها ببساطه ان هو بيقول لك انا مش هدخل المخ في حاله من الاجهاد العنيف بحيث انه يبدا يتشتت لوحده تلاقيك مثلا انت اصلا مش عارف تركز ف تلاقيك مثلا هقعد على الكتاب ساعه ولا اثنين خلاص نص الساعه او اثنين دول طايلين ان انا سرحان سرحان بفكر في حاجه ثانيه فتحت التليفون وهكذا اقول لك لا انت ذاكر 25 دقيقه وانا هكبر دماغك ياخد راحه يريح يرست وبعدين نبدا نكمل دي ظاهره انا بقول انه الظاهره الاكثر يعني مثبته علميا ولها تاثير استغلال فتره نشاط المخ فتره نشاط المخ ممكن يستحمل معاك لحد 90 دقيقه فذاكر 90 دقيقه متواصله بعديها خد مكافاه نص ساعه وارجع كرر السايكلز مرتين مثلا خد بريك طويل وارجع اكررهم مره ثانيه على مدار اليوم دي يمكن فعاله اكث شوف انت ايه المناسب ليك بس حدد وقت عشان برده تحاول تهاك فكره ان انت بتكافئ دماغك على المجهود اللي هت تبذله من الاول خالص. الحاجه الرابعه والاخيره في الاستراتيجيات دي هو اجبر نفسك على تعلم شيء جديد. كل فتره خصص لنفسك حاجه جديده تتعلمها ودي واحده من الحاجات اللي حرفيا ممكن تغير حياتك. تخيل انك مثلا الثلاث شهور دول انت بتتعلم رسم مشغول بكل حاجه ليها علاقه بالرسم. بتتفرج على حاجات ليها علاقه بالرسم ا كهوات. انا مش بتكلم دلوقتي حتى حاجه ممكن تجيب منها مصدر دخل. لا انا بتكلم كهوايات. ف مشغول بكل حاجه ليه علاقه بالرسم. دخلت العالم بتاعه وشفت قرات قصص عنه ا حسيت ان الموضوع ممكن يكون فيه حاجات تحفه ممكن تخرج فيها جانب في مشاعر منك ما كنتش عارف تخرجها مثلا في صوره ثانيه عشت معاه الشهر اللي جاي اتعلمت شطرنج حاجه ثانيه فيها استخدام عقلي عنيف وفيها معارك وفيها استراتيجيات وقريت فيها واندمجت كل فتره تجبر نفسك على تعلم مهاره جديده بحيث تسحل نفسك في الحياه بتاعتها في التفاصيل بتاعتها تعرف معارف جديده يديك مساحه انك تعيش حياتك حتى بشكل ويمكن ونمط مختلف كل الاوبشنز براحتك استخدم فيها اللي انت شايفه مناسب ممكن ت تجرب وفي الاخر مع الوقت المفروض يظهر نتائج يظهر نتائج امتى ابقى متوقع ده امتى ما تكونش مستعجل على نفسك في النتائج لانه احنا في بروسيس طويله احنا بنخطط لحاجه ليها علاقه بحياتنا و ما فيش اهم من حياتنا ما فيش اهم من الفترات اللي احنا بنقعدها مع نفسنا وبنستثمر في كل لحظه ليها علاقه ببنائنا احنا عشان نبقى نسخه افضل من القدرات بتاعتنا افضل نسخه ممكنه ا الدراسات بتقول لك انك تاخد ثلاث اسابيع لحد ما تبدا تشوف امارات او اشارات انك في طريقه تعافي او انك بدات تتخلص ومع الوقت وانت بتستبدلها بحاجات ثاني خلاص التاثير بتاعها بيروح تماما طيب ابدا احس بده امتى بيظهر في الحاجات البسيطه اللي احنا كنا بادئين بيها قصه يعني مثلا تلاقي فجاه انك قاعد تقرا صفحتين ورا بعض من غير ما تحس بملل صفحتين في كتاب تلاقي انك قادر مثلا تتفرج على فيديو بودكاست طويل على مره واحده وانت مش حاسس بملل وحاسس باستمتاع وحاسس انك قادر تتبسط فيه على يمكن الملل بتاعه الاشاره رقم ثلاثه اما تبدا تزهق من الفيديوهات القصيره اما تحس انه ايه ده انا فعلا مش مبسوط انا حاسس ان ال دماغي بدات تخش كده في حاله ضبابيه وانا مش عايز اروح للحاجه السلبيه دي تاني فاما انت بنفسك تبدا تقول لا انا مش عايز عقليا مش انت دلوقتي تكبر نفسك لا انا عقليا انا مش عايز فيديوهات قصيره دي واحده من الاشارات المهمه جدا في الطريق رقم اربعه ما تبدا تستمتع ببروسس التفكير العميق محاضره مثلا صعبه في الكليه تلاقيك بتذاكرها وانت مندمج فيها وقادر تفصل وتركز في نشاط واحد دي واحده من الاشارات المهمه كورس مثلا معين تلاقيك بتنجزه في وقت قياسي عن اللي كان طبيعي في نمط حياتك دي الاشارات اللي ممكن تقول لك انه لا انت كده ماشي في الطريق الصح كمل وان شاء الله هتوصل لنتيجه ايجابيه اخر يا صديقي العزيز انا عايز اقول كلمتين انه دماغك هو اعظم اداه انت تملكها في حياتك والعقليه اللي انت موجود عليها دلوقتي هي اللي بتشكل الافعال بتاعتك هي اللي بتشكل القرار اللي هتاخده بكره امتى والاستثمار اللي انت بتعمله النهارده بالعادات اللي انت بتعملها النهارده بالنمط بتاع حياتك اللي انت بتعمله النهارده هو ده اللي هيرسم مستقبلك بكره هيكون شكله عامل ازاي فما تستهلش الموضوع مش صعب الموضوع بس محتاج شويه مجهود بس في الاخر انت بتسقط على انك تخرج افضل نسخه من اكث واقوى سلاح انت تملكه في حياتك مفروض ملخص هذه الحلقه هتلاقوه برده في احد الروابط الموجوده في الديسكربشن وهتلاقوا كل المصادر اللي احنا اعتمدنا عليها في الحلقه بتاعتنا احنا بنجرب حاجه جديده وهي ان احنا نخلي الحلقات علميه 100% مبنيه على خبرات من ابحاث علميه بحيث اه يكون عندنا او عندي راي بحاول اقوله في التجارب اللي انا مشيت بيها بس كمان يكون المعلومات باورفول ومعلومات دقيقه 100% وصالحه الاستخدام لكل الناس باختلاف الظروف بتاعتهم واخر حاجه ما تنساش تعمل لايك شير وسبسكرايب وتشارك الحلقه مع اصحابك لو حسيت ان فيها علم ونفع وفائدهش بقى على الجروبس المهتمه حتى بتطوير الذات دي حاجه من الحاجات اللي هتساعدنا ان احنا نكمل وفي اي وقت تحتاج اي دعم تقدر توصل لي على كل الحسابات بتاعتي اللي هتلاقيها برده موجوده في الديسكربشن تقدر توصل لي بكل سهوله احنا مكملين في بودكاست عقليه مني بدعمكم فلو حابب السلسله تكمل برده الكومنتس الايجابيه بتاعتك انا بقراها بس كده انا دكتور منعم احاول اساعدك تكون احسن في حياتك وحتى نلتقي في حلقه اخرى اترككم في رعايه الله وامنه والسلام عليكم ورحمه الله وبركاته [موسيقى]