خطيب بنتي سابها وبقى معايا بسبب اللي حصل بينا #قصة_حقيقية / قصتي مع خطيب بنتي وصاحب جوزي #حكايتي

انا اسمي يسريه وعندي 45 سنه وكل الناس بيقولوا عني اني جميله جدا وبيقولوا ان سني مش باين عليا خالص انا اتجوزت وانا عندي 20 سنه وجوزي كان اكبر مني باربع سنين هو كان احسن زوج في الدنيا وعشت معاه اجمل سنين في عمري وعمري ما شلت للدنيا هم وهو عايش معايا وخلفت بنت واحده واسمها منه وبعد ما خلفت بنتي حاولت كتير اني اخلف ثاني عشان يعني اجيب لها اخت ويبقوا سند ليها لكن ما حصلش نصيب فانا وجوزي حمدنا ربنا على نصيبنا وقلنا الحمد لله الرضا بالمقسوم عباده وبقت بنتنا هي كل حياتنا وطول عمرنا واحنا مدلعينها وكنا بنعلمها احسن تعليم وبنجيب لها كل اللي هي بتطلبه وكنا على طول بنهتم بيها وبنخليها احسن واحده في البنات اللي حواليها والسنين عدت علينا بحلوها ومرها احنا كنا اسره متوسطه الحال او يعني فوق المتوسطه بشويه كنا عايشين كويس والحمد لله وما عندناش مشاكل ماديه ومن خمس سنين جوزي الله يرحمه توفى وزعلنا عليه قوي قوي انا وبنتي لانه سابنا لوحدنا وطبعا وجود الراجل بيبقى مهم في حياه اي ست بس هنعمل ايه هو ده قدر ربنا وانا ما بقاش في حياتي الا شغلي وبنتي وما رضيتش خالص اتجوز بعد ما جوزي مات وقلت خلاص انا كده خدت نصيبي من الدنيا وعمري ما هلاقي حد يسعدني زي جوزي الله يرحمه وبنتي خلصت الكليه بتاعتها وكمان اشتغلت وهي الحمد لله شابه زي القمر وعندها دلوقتي 24 سنه والحمد لله بتحب شغلها ومجتهده فيه احنا كان لينا اسره صديقه لاسرتنا وهي اسره صديق جوزي ومراته كانوا طول عمرهم من اول ما انا وجوزي اتجوزنا وهم مقربين مننا قوي وكتير قوي كنا بنزور بعض في الاعياد وفي المناسبات وهم كان عندهم ولد وبنت تقريبا كده من سن بنتي وبصراحه الولد والبنت طول عمرهم مؤدبين قوي ومتربيين كويس بنتهم بعد ما خلصت الكليه بتاعتها اتجوزت وعاشت مع جوزها لكن ابنهم لسه ما اتجوزش صاحب جوزي الله يرحمه هو اللي وقف جنبي انا وبنتي من يوم ما جوزي توفى وما سابنيش خالص في اي حاجه ومن حوالي سنه كده مراه صاحب جوزي تعبت وماتت الله يرحمها وهو زعل عليها قوي لانه كان بيحبها ومرتبط بيها قوي وبقى هو وابنه عايشين لوحدهم بعد ما مراته واتوف وانا برده زعلت عليها قوي لانها كانت قريبه مني وانا وهي كنا اصحاب انا في يوم كده لقيت صاحب جوزي بعد ما مراته توفت بكام شهر ويتصل بيا وبيطلب مني ان هو يجي يقابلني لانه عايز يتكلم معايا في موضوع مهم بصراحه انا اللي جاه في راسي وقتها ان هو جاي يخطب منا بنتي لابنه وانا فعلا كان نفسي في كده لاني عارفه طبعا انه ابنه شاب كويس ومؤدب ده غير كمان ان احنا نعرفهم من زمان قوي وعارفين ان هم كلهم محترمين وكويسين هو لما جال لي اتكلم معايا فعلا عن منه قال لي ان هو جاي يطلب ايد منه بنتي بس مش لابنه هو طالبها ليه هو بصراحه الموضوع كان مفاجاه ليا انا عمري ما كنت اتوقع ابدا اني اسمع منه حاجه زي كده بس هو قال لي ان بنتي منه موافقه وان هو وهي بيحبوا بعض بقى لهم كذا شهر ومتفقين كمان على الجواز وانا ما كنتش اعرف اي حاجه عن الموضوع ده خالص يعني بنتي ما كانتش قايله لي على اي حاجه في الموضوع ده خالص وانا وقتها رفضت من غير حتى ما افكر وقلت له انا كنت فاكراك جاي تخطبها لابنك مش ليك انت انا مش مصدقه خالص اللي بسمعه ده انت اللي مربيها ودي زي بنتك قال لي طيب قبل ما تاخدي اي قرار اتكلمي مع بنتك الاول وخلصت المقابله وسابني ومشى ولما بنتي رجعت من شغلها سالتها على اللي صاحب ابوها قاله لي وقلت لها هو انت فعلا بتحبيه وبيحبك وانتوا على علاقه ببعض من كذا شهر قالت لي ايوه يا ماما وكمان احنا متفقين على كل حاجه وعلى الجواز يومها انا كانت اول مره في حياتي اتخانق مع بنتي وازعل منها وانا كنت فاهمه كويس ان هي كانت مفتقده ابوها بعد وفاته وان هي لقت في صاحب ابوها الاب اللي كانت عايزاه لانها برده سنها صغير ومش ناضجه بس المفروض ان هو راجل عاقل وناضج وما يطوعهاش على حاجه زي كده وفضلنا انا وبنتي فتره في مناقشات وخناقات وهي كانت مصره على الارتباط بصاحب ابوها انا حسيت وقتها ان انا غلطت غلطه كبيره في تربيتها لما دلعتها وهي صغيره وعودتها ان هي لازم تعمل كل اللي هي عايزاه وبعد ما تعبت من الخلاقات معاها انا وافقت على الخطوبه وانا متاكده ان هي بعد فتره من الخطوبه هلاقيها جايه تقول لي ان هم مش متفاهمين مع بعض وان هي مش عايزه تكمل في الجوازه دي وفعلا اتخطبوا وفضلوا كذا شهر مخطوبين لكن اللي حصل ان بنتي كانت سعيده ومبسوطه مع صاحب ابوها بس هو اللي ما كانش مبسوط خالص وجال لي في يوم وقال لي ان هو اتسرع لما خطبها واني كان معايا حق لما قال لي ان فرق السن ما بينهم كبير وقال لي ان هو حاسس انه مش عارف يتفاهم معاها خالص وكمان مش هيقدر يكمل معاها واتفق معايا وفسخ الخطوبه وبنتي لما عرفت ان هو سابها وقتها نهارت وفضلت تعيط كتير قوي لانها كانت بتحبه قوي وفضلت فتره حزينه وعلى طول قاعده في اوضتها وقافله عليها وانا وقفت جنبها وكنت على طول بواسيها وقلت لها لما تفشلوا من دلوقتي احسن بكثير من انكم تتجوزوا وتفشلوا بعد الجواز والحمد لله على كل حاجه ربنا دايما بيقدم لنا الخير واكيد ان شاء الله هيجي يوم وتقابلي واحد من سنك وتعيشوا مع بعض قصه حب جميله وتتجوزوا ان شاء الله وبعد ما عدت فتره كده بنتي حبت واحد زميلها في الشغل واتخطبت له وصاحب جوزي اللي كان خاطب بنتي كان على طول بيكلمني في التليفون علشان يطمن عليا وعليها وكان بيتكلم معايا كتير قوي وبيدردش معايا في كل حاجه وبقيت انا وهو قريبين من بعض قوي ومع الوقت حنا بعض جدا وكمان طلب مني انه يتجوزني وقال لي ان هو قال لاولاده على الموضوع وان هم موافقين وانا وافقت على الجواز منه بس قلت له مش هقول لبنتي دلوقتي عشان موضوعك القديم معاها انا هتجوزك جواز شرعي بس من غير ما بنتي تعرف وهبقى اقول لها على جوازنا بعد ما هي تتجوز علشان يعني هتبقى مشغوله في بيتها وجوزها وهو وافق على كلامي كله واتجوزته بمعرفه ولاده واهلي والوحيده اللي ما كانتش تعرف حاجه هي بنتي وبعد ما اتجوزته عشت معايا اجمل ايام في حياتي انا وهو كنا متفاهمين مع بعض في كل حاجه هو كان اكبر مني بثلاث سنين بس وكنت على طول ببقى سعيده قوي وانا معاه احنا بعد ما اتجوزنا فضلنا عايشين زي ما احنا هو فضل عايش في بيته مع اولاده وانا زي ما انا في البيت مع بنتي لكن احنا طبعا علشان متجوزين هو كان ساعات بيجي لي البيت وانا لوحدي وانا كمان كنت بروح له بيته كتير وفي يوم عيد الحب هو جال لي البيت وجاب لي معاه هديه واحتفلنا بعيد الحب وكانت بنتي في الوقت ده في الشغل بتاعها وده كان احلى عيد حب قضيته في حياتي هو كان على طول بيحسسني بحبه ليا كاني بنت صغيره بعد ما مشى من عندي انا ما لحقتش اشيل الهديه اللي هو كان جايبها لي ولما بنتي رجعت من شغلها شافت الهديه بس انا ما كنتش اعرف وطبعا كان سهل جدا ان هي تعرف من تليفوني مين اللي كان عندي ومين اللي كان بيحتفل معايا بيد الحب وجايب لي هديه وللاسف عرفت كل حاجه عرفت ان هو صاحب ابوها وخطيبها السابق لما لقت رقمه متكرر كتير على تليفوني غير ان هي شافت الواتساب وشافت الرسائل اللي ما بيني وما بينه ولما سالتني ايه اللي بيحصل ده كان لازم اقول لها ان انا اتجوزته لان هي فهمت ان انا على علاقه بيه من غير جواز ومن وقت ما عرفت ان انا اتجوزته وهي متخانقه معايا ومش بتكلمني خالص وقالت لي ان انا السبب ان خليته يسيبها ويفسخ الخطوبه مش علشان هو اللي ما كانش عايز يتجوزها بس انا قعدت معاها واتكلمت معاها كتير لكن هي مش مقتنعه بكلامي وطلبت مني اني اطلق منه وانا مش عارفه اعمل ايه انا بحبه قوي ونفسي افضل متجوزاه وفي نفس الوقت انا نفسي قوي بنتي تصدقني وتفضل علاقتنا على طول كويسه انا محتاره قوي قوي ومش عارفه اعمل ايه [ضحك] وحكيت لكم حكايتي علشان محتاجه رايكم وعايزاكم تساعدوني انا برجوكم جدا اكتبوا لي على حلول وقولوا لي رايكم دي الحكايه اللي معانا النهارده صاحبه الحكايه مستنيه رايكم في التعليقات يا ريت تساعدوها وتكتبوا رايكم ويا ريت تعملوا لايك للفيديو وتشتركوا في