نهار عرسي اعترفت ليه🥺والقرار ديالو صدمني😱والي وقع مكانش علبال#قصص #اكسبلور #حكايتي #مغربية

السلام عليكم يا الغزالات نتمنى انكم تكونوا كلكم بخير وفي احسن حال جيتكم اليوم بقصه جديده نتمنى انها تنال الاعجاب ديالكم وما تنساونيش كيف ما العاده من لايكاتكم وتعاليقكم الزوينه بحالكم وقبل ما ندوزوا للقصه نصلي على نبينا محمد عليه افضل الصلاه والسلام وندوزوا للقصه مباشره انا ابتسام جيت اليوم باش نشارك معكم الحكايه ديالي انا البنات حكايتي حكايه واش من حكايه حكايه اللي شويه صعيبه وغادي نسمعوا لها وغادي تصدمكم الاحداث ديالها انا البنات من بعد الوفاه ديال الوالد ديالي بقيت عايشه انا والوالده ولكن من بعد الوالده ديالي قررت باش انها تعاود تزوج تزوجت تزوجات واحد الراجل اللي كان شويه صعيب لا فيها ولا فيا كانت كلمه جوج كينوض كيضربها كان يعني مسيطر عليها ما مخليهاش تعيش حياتها براحتها وندمها على النهار اللي فكرت انها تعاود فيه الزواج وفي نفس الوقت ما كانتش قادره انها تخلى عليه وفي نفس الوقت البنات كتخاف منه انا عشت في وسط منهم عشت العذاب عشت بزاف ديال الحوايج اللي كنت كنشوف فيهم ان الام ديالي ما قادراش تدافع عل كان كيضربني ماكيخلي ما كيدير فيا حتى من القرايه ديالي خرجني منها ما كملتش قرايتي وبقيت جالسه غير في الدار في واحد النهار جا هضر مع الوالده ديالي قال لها راه كاين واحد السيد كنعرفه لاباس لاباس عليه الله يعمرها دار را بغى بنتك للزواج ايوا انا ديك الساعه ما كانش حساب لي باللي غادي فعلا غيزوجني زعما لشي واحد اللي هو راجل كبير قلت انا زعما شي واحد اللي مازال صغير حتى انا نتفك منه ونتهنى من الصداع ومن المشاكل اللي كاع نهار وانا كنسمعها لكن المفاجاه فاش جا السيد يهضر مع العائله ديالي وشفته بعيني تماك كانت الصدمه راجل كبير وغادي يتزوج بيا انا اللي كنت صغيره عليه وبزاف فهذاك الوقت ما كانش عندي الحق انني نوافق اولا نرفض اللي دارها خصني نقول عليها واخا المهم تفاهم مع السيد وشد علي فلوس صحيحه باش يزوجني ليه وفي هذاك النهار السيد قاله شوف احنا غادي يعني نجيبوا العدول وغادي تكون خطبه وضرب الصداق وماكرهتش انا مراتي من غدا نديها عندي قالوا اللي بغيتي احنا معك فيها مرحبا وفعلا فعلا السيد مشى جاب العدول وجلسوا تقادت الامور ووليت انا مراه فلان يعني ما ما عرفتش راسي كيفاش حتى داروا لي يعني ما كنقولوا كوغطوني بواحد الطريقه اللي ما كنتش كنتوقع شي نهار انني غادي نتزوج بحال هكاك المهم الغد ليه قالله واش البنت واجده راني بغيت نديها معايا لداري صافي راها دابا ولات مراتي ما كاين لا عرس لا حتى شي حاجه الوالده ديالي قالت لي ابني ماشي نوضي سيري مع راجلك وما عجبنيش الحال انني شفت الوالده ديالي يعني سمحات فيا ما هضرات ما تشرطات ما قالت حتى شي حاجه فقط غير هو باش ما يتقلقش عليها وباش ما يغوتش وباش ما ينوضش يضربنا جمعوا لي حويجاتي ومشيت مع السيد مشيت دوزت معه سيمانه سيمانه وانا عايشه معه في هذك الدار هذا السيد هذا دوز علي فيها المرار يا البنات من النهار الاول السيد بغى يبدا يبدا يبين لي ديك العين الحمراء يقول لي جلسي جلسي نوضي نوضي دوزت ديك السيمانه من موراها هو يقول لي جمعي حويجاتك قلت لي علاش قال لي جمعيهم من بعد تعرفي جمعت حوايجي وجاب لي ربي قلت انا زعما راه واقيلا غادي يديني يسافر بيا واقيلا غادي يعتذر لي على ذاك الشي اللي كيدير معايا وبزاف ديال البلانات بداو كيضوا لي في راسي واذبي كنشوف راسي السيد جايبني لدارنا جابني حطني في دارنا وهنايا الوالده ديالي ما تقبلاتها ش وقالت لراجلها كيفاش السيد د البنت سيمانه وجايبها را جام على حوايجها وجايبها عندنا للدار هذاشي را ماشي معقول قال لها ما نعرف نمشي نهضر معه ملي مشى هضر معاه قال له ما عجباتنيش سلعتكم راني رديتها لكم ردني انا سلعه ملي نضنا احنا بغينا زعما نحاولوا اننا نقلبوا على راسنا وكلشي لقينا بان اصلا ذاك العقد ديال الزواج ما كاين لا عقد لا حتى شي حاجه هو ضحك علينا وبالاتفاق مع راجل الوالده ديالي يعني راجل الوالده بحال الا باعني لهذاك السيد بحجه را غاده مزوجه والوالده ما في راسها ما يتعاود وعد بالها صافي راجل غير زوجني وصافي حتى اكتشفنا بان اصلا ذاك العقد الزواج اللي عندي ما عنده حتى شي اساس من الصحه وحتى دوك اللي جاو وداروا لينا العقده ما هما لا عدولات ولا حتى شي حاجه يعني لقيت راسي تعرضت لواحد الطريقه ديال النصب اللي ما طيح لا على البال ولا على الخاطر الوالده ديالي بدات كتغوت وكتبكي كينوض لها راجلها كيضربها كيقول لها ما عندكش الحق تهضري ورا حتى انا تقولبت وانا كنت متاكده انه كان داير اليد معه غير ملي شاف راسه تفرش ومشينا احنا قلبنا على ذاك العقد ديال الزواج وعرفناه مزور بدا كيقول لها لا حتى انا ما كنت عارف حتى شي حاجه وشد علي الزبابل ديال الفلوس باش يبيعني لواحد الانسان يدوز بيا سمانه ويصيفطني دوز علي جميع انواع العذاب فيديك السيمانه وفي الاخر رجعني لدارنا ش غادي نقول لكم ما وقفتش حكايتي حدها هنايا انا تعذبت من بعد البنات النهار اللي غاد نبدا كنحس براسي اي حاجه كنشمها ماكتعجبنيش اي ماكله كنشمها كتطيب كنقول يا هذ الحاجه ما بغيتهاش اولا كتجيني الشهوه على شي حاجه اخرى هنايا الوالده ديالي شكات في قررت باش انها تديني للطبيب ومشينا للطبيب كنكتشف بانني حامله تخيلوا البنات حامله شي حاجه اللي يعني مستحيله من شكون حامله حامله من الانسان اللي اصلا را ما كانش مزوج بيا حتى الزواج كيفاش دابا انا غادي نبقى محافظه على ذاكشي اللي في كرشي وبالاخص في هذك الفتره الطبيبه كتقول بان الجنين تقريبا يعني وصل لديك المده ديال ثلاث شهور ف حتى فكره اننا نفكر باش نتخلصوا منه صعيبه يعني ما غاديش نقدر وحتى الوالده ديالي ماشي من دوك العيالات اللي فايقات ومطورات وعارفه شنو دير ما عرفت ما دير ل الحاجه الوحيده اللي دارت لي قالت لي بنيتي جمعي حوايجك قالت لي ويلا نمشيوا عند جدك وجداك انا البنات كانت الام ديال الوالد ديالي الله يرحمه وباه مازالين على قيد الحياه والوقت اللي يعني توفى الوالد والوالده قرات باش انها تزوج كانوا جاو وهض هضروا معها قالوا لها زعما خلي لينا البنت ديالنا احنا نربيوها نجلسوها معنا ما غاديخصها حتى شي خير ولكن الوالده ديالي كانت رفضت هذاك الوقت وقالت لهم هذه بنتي وما غادي تعيش عند حتى شي واحد والوقت اللي وقع المشكل وشافت بانني انا في هذك اللحظه راني حامله من واحد الانسان اللي اصلا ما مزوجه به ما والو هنا عاد تفكراتهم وقالت لي غاد تضربي طم على هذا الشي اللي واقع وغاد تمشي تجلسي معهم قلت لها وهذاشي اللي فكرتي شنو غادي ندير فيه قالت لي حتى من بعد ملي غادي يكتشفوا ديك الساعه ما عندهم ما يديروا المهم انت ملي غادي نديك عندهم ما تقوليش نهائيا ان يعني راه كاينه شي حاجه ولا فايت فيك زعما تزوجتي هكا بهذك الطريقه ولا نهائيا ما تقولي حتى شي حاجه وهما را غاديين يحافظوا عليك وهما اللي غادين يعرفواك اما انا بقيتي معيا غادي تبقاي غير زايده في العذاب داتني البنات انا كنقول لكم انا ديك الساعه يلا كملت 18 عام فاش يعني حسبوني راني كبرت وزوجوني المهم مشينا للدار ديال جدي وجداتي سلمات عليهم الوالده كي دايرين لاباس عليكم بخير ايوا راني اليوم راني بغيت نقول لكم باللي البنت تبارك الله راها كبرت وولات مراه وانا راني مزوجه بواحد الراجل اللي كيتعتبر غريب عليها ماشي باها وليت كنخاف عليها وال خرجت وبقات معه كيبقى راسي يعني كيدي وكيجيب وانتما عارفين هذه راها بنتكم وما عمرني قلعتها لكم غير هي فكره انني نربيها انا كنت شاده فيها بيدي وبسناني ولكن دابا را ملي كبرات ولات عاطيه العين وليت كنخاف عليها صراحه وانا جبتها عندكم الا بغيتوا يعني انكم تجلسوها عندكم حتى يجيب لها ربي النصيب ديالها ديك الساعه جدي غير شافني تلاح علي عنقني دايره بنيتي لاباس عليك امورك هانيه قلت له الحمد لله كلشي وبخير صافي قالوا لها كوني هانيهه غ تبقى جالسه معنا بحالها بحال بناتنا وفعلا الوالده ديالي مشات في حالياتها وما بقاتش دارت في جهتي ولا سوت فيا خلاتني جالسه معهم دوزت معهم واحد الفتره اللي هي زوينه الناس كانوا مهليين فيا عندي البيت ديالي ما شاء الله كيفاش داير وهما كانوا ناس اللي لاباس عليهم [أصوات شخير] ايواش غادي نقول لكم تهلاو في بمعنى الكلمه حيدوا مني ذاك الوحش اللي كان عندهم ديال الوالد ديالي الله يرحمه وتعاملوا معايا تعامل اللي هو زوين في واحد النهار واحد من ولاد عمي كان جا لعندهم للدار وصراحه فاش شفت واحد السيد الله يعمرها دار وصراحه يعني بحال الا قلتوا البنات تكونونات بيني وبينه واحد العلاقه اللي هي زوينه بحكم انه بقى كل مره كيجي لعندهم كيدير السبه انه جاي يشوفهم ولكن هو يعني كانت النيه دياله انه يجلس ويهضر معايا بحكم انني البنات كنت زوينه وعاطيه العين دازت واحد المده فعلا تكونت علاقه حب بيني وبينه انا هذك الوقيته كانت الكرش ديالي ما بايناش بزاف بحكم انني انسانه اللي كنت يعني ما عامراش بزاف ولكن حتى الكرش ديالي ما كانتش بذاك الشكل اللي زعما هكا دافعه لقدام بزاف يعني كتبان بحال كريشه عاديه وصافي وحتى انا كنت حريصه دائما كنلبس يعني حويجات اللي يكونوا عراض وما يكونوش يعني مكروزين عل من الجهه ديال الكرش باش ما يعيقوش بيا كانت عندي واحد الصديقه ديالي اللي بقى التواصل بيني وبينها يعني ما انقاطعش يعني بقت كتسول فيا كنسول فيها في واحد النهار عيطت لي قالت لي راني جيت عندكم للدار وما لقيتكش وفيما كنسول عليك كيقولوا لي راه ماكيناش علا انت فين مشيتي عاودت لها وقلت لها كلشي اللي كاين قلت لها اللي واقعها اللي واقع وقالت لي دابا هما ما عارفينش بلي انت راكي حامله قلت لها حتى شي واحد فيهم ما عارفني اي قالت لي وهذا السيد اللي وليتي كتبغيه علا هو غادي يبغي يتزوج بوحده حامله قالت لي اختي راكي كتحلمي بزاف ايوا قلت لها انا بعدا ذاكشي اللي حسيت به راني قلته لك وانا مخليه الامور هكا الله سبحانه وتعالى هو اللي غادي يفك لي هذ الامور هذه باش يعني وخا كنتخيل راسي راني انني واحد النهار غادي نتزوج به وكلشي وما باغاش ندير في بالي ديك الفكره ديال راكي حامله را السيد ما عمره غادي يقبل على وحده حامله تخيلوا فاش جدي جداتي حسوا بديك العلاقه اللي بيني وبينه ومشاو هضروا مع ولدهم اللي هو العم ديالي وقالوااله باللي ولدك راه ولا خيط عندنا هنايا وكيبان لنا زعما را كيدوي مع فلانه الذا كان عينه في المعقول خصه يجي ويتقدم ليها وحنا ماغاديش نرفضه وماغاديش نلقاو ليها محسن منه كان عينه في التفليه ما يبقاش يطوف بصحتنا تما صافي ملي دوا معه باه قاليه شنو كاين قاللي صراحه را كتعجبني بزاف وماكرهتش انني نتزوج بها قالله مرحبا جاو خطبوني من جدي وجداتي عيطوا الوالده ديالي قالتلهم غير قضيو ما بغش تجيع وعيطت ل وقالت لي وياك تقولي شي حاجه للسيد وياك تجبدي معه شي خلي كلشي يعني هكاك مستور حتى النهار ديال العرس وهذك الساعه الا كان ولد الناس را غادي تستر عليك ما كانش بغى يستر عليك ديك الساعه ما عندي ما نديرلك بنيتي وماجاتش وماحضراتش لان ما عندهاش الوجه باش غادي تحضر ولا وقعت شي حاجه ولا ما عندها باش غادي تفسر ليهم ذاكشي كامل اللي وقع المهم البنات فعلا كيف ما قلت لكم جاو خطبوا فيا وقالوا ما عندناش علاش غادي نطولوا فيديك الفتره ديالت الخطوبه بحكم ان السيد عنده الدار دياله اموره مستقره ما ناقصوا حتى شي خير ولكن المشكل اللي هو فيه يعني ماساكنش هو ديما تما كان كيجي هكا كيكونوا عطلات كيجي كيدوزهم تما يعني الدار فين هو ساكن في مدينه اخرى يعني هنا انايا فين وليت يعني كنفكر كنقول دابا انا ال تزوجنا ودرنا العرس ديالنا وكلشي لابد غادي يبغي زعما يديني يديني معه وكنشوف راسي انني غادي نبقى مني ليه والا اكتشف ذاك الشي وليت خايفه على راسي يمشي يدير في شي حاجه غادي يبغي غيرتقم مني يقول لي ضحكتي عل تفليتي علي حتى كندور وكنقول لا انا غاد نعترف ليه انا غادي نعترف ليه غادي نقول له شنو واقع ولكن فاش كنتصل بصاحبتي وكنشاور معه كتقول لي دابا ملي دخلتي لهذ المعمعه غسكتي ما تقولي حتى شي حاجه فعلا البنات بقيت ساكته داز العرس داز كلشي على خير وبخير و حتى شي واحد ما قدر يسق الخبار بالحمل ديالي ايوا المهم البنات من بعد ما داز العرس مشيت معه لداره بطبيعه الحال يعني ولينا الراس في الراس الوقيته اللي دخلنا للدار وراكم عارفين يعني هذاك النهار غادي نكونوا الراس بالراس واي حاجه كاينه را غا تكتشف هذاك النهار ف هو كان فرحان وفي نفس الوقت قال لي الا ما كنتيش مرتاحه ولا هذا خليه من بعد مره اخرى وهذا زعما ماشي ماشي ذاك الانسان اللي غادي نقول لكم همجي ولا نهائيا انسان اللي كان حاس بيا ومقدرني ولكن انا قلت له صراحه ماشي على انني عيانه انا ولا ماراشقاش ل ولا شي حاجه ولكن را عندي واحد الموضوع بغيت نقوله لك وانت ديك الساعه تقرر جا السيد جلس حدايا باهتمام قال لي شنو واقع [أصوات شخير] قلت له صراحه انا مخبيه عليك واحد الموضوع ما قلتوش لك قبل من الزواج لانني كنت خايفه من الشوهه خايفه من الفضيحه خايفه من انهم يتعاملوا مععايا شي تعامل خايب خايفاهم يلوحوني للزنقه وانا ما عندي حد قال لي علاش كتقولي بحال هكا ايوا قلت له اش غادي نقول لك انا واحد السيده اللي ا كنت مزوجه قال لي اش كتقولي كيفاش كنتي مزوجه واش واحده في السن ديالك مزوجه ومعاوده الزواج زعما وضحكتي عل ولا كيفاش قلت له لا خصك غير تفهمني قلت له انايا راني جا الراجل ديال الوالده ديالي جاب واحد السيد على اساس انه غادي يتزوج بيا ولكن انا ذاك السيد ما كنت لا كنعرفه لا حتى شي حاجه راجل كبير هو شد الثمن كان طاغي علينا لا انا ولا الوالده ديالي ولكن انا فاش تزوجت بذاك السيد داني لداره كوحده مزوج وجا به وجا العدولات وكلشي للدار ولكن من بعد دوزت معه غير سيمانه هز لي حوايجي وجابني رجعني لدارنا وقال لهم بلي هذ السيده ما بقيتش بغيتها انا ما كنتش عارفه السبب علاش وخا كنتعامل معه مزيان وكلشي فالوالده ديالي قالت لي بنيتي احنا خصنا ناخذوا حقنا منه كيفاش زعما ياكلك لحم ويرميك عظم يديك [أصوات شخير] سيمانه ويردك ويخلي بنادم يحل فمه علينا ملي مشينا وسولنا على ذاك العقد ديال الزواج لقينا بان العقد ديال الزواج اصلا مزور ما كاين حتى شي حاجه اللي هي حقيقيه يعني هذا السيد هذا اولا الزوج ديال الوالده ديالي قلت له بحال الا باع وشرا في والسيد دوز بيا سمانه ومشى فياته ولكن قلت له الكارثه ماشي هنايا قال لي فاش قلت له انا حاليا حامله قال لي اش كتخربقي حامله واش انتما درتوني ضحكه المهم انا عطيته الحريه التامه دياله يقول ما بغى قلت المهم انا حيدت علي واحد الحمل اللي كان ثقيل لي على كتافي وكان خصني ضروري انني نفركع الرمانه هذاك النهار السيد قال لي شوفي هذا البيت هذا راه انت فيه انا غادي نعس في المراح مشى نعس في المراح وبقينا على هذك الحاله مده ديال تقريبا واحد السيمانه وحنايا يعني ماكيجيش حدايا نهائيا وماكيجلسش ماكيهضرش معايا كنوض نبغي نطيب هكا ما ناكله ذاكشي اللي كنطيبو كيخليه تما ماكيقربش ليه المهم البنات ملي يعني شفتوا بحال هكاك ماكيبغيش ياكل الماكله وانا نقول له شوف ا فلان انا ماغاديش نقجر عليك ولا غادا نفرض راسي عليك الا انت شفتي راسك انك ما تقدش تكمل معايا وبان هذا الشي فعلا حسيتي براسك انني غشيتك ما عنديش مشكل سير طلقني وما عندي حتى شي مشكل وانا ديك الساعه نشوف حياتي لراسي [أصوات شخير] قال لي جلسي وسكتي شكون اللي دوا معك علىش طلاق انا خليني غير نفكر مزيان في هذا الشي اللي وقع اشنو غادي يدير البنات غادي يجي لعندي غادي يقول لي اطيني العنوان ديال داركم فين كاين هذاك السيد اللي اللي باعك عطيته العنوان ومشى لعند راجل الوالده ديالي مشى لعنده وهدده وقال له بغيتك توريني هذا السيد هذا اللي ضحك على على هذ السيده وصيفطها في هذ السمانه هذه قال له كون لقيته انا كون راني انا اللي تحاسبت معه قاله قالله را حتى انا تفلى عل انا ما كنتش عالم بانه هو هذوك الناس اللي جابهم ماشي عدولات وبان ذاك العقد ديال الزواج مزور انا قال ما عندي حتى شي يد في هذا الشي انا ايه كنت قاصح معها وكنت صعيب فيها ولكن را فعلا كنت بغيتها تزوج وبغيتها حتى هي تشد دارها باش يخلي لي الجو انا ومها ولكن ما عمرني قال لي كنت كنبغي انني زعما نضرها ولكن هذاك السيد صدق طولاندي وراه من تما ما بقيتش عرفت عليه حتى شي حاجه ومشيت وسولت عليه وما خليت فين سولت ولكن راه ما يعني ما لقيت ليه حتى شي اثار السيد موالف بالسفريات وموالف مره عايش هنا ومره عايش لين الانسان اللي لاباس عليه يعني البلاصه اللي انا كنعرف فيها ما بقيتش كنلقاه فيها صافي يعني عرف بانني فعلا انني انا ذاك الشي راه فعلا واقع لي من بعد ما عاود له يعني كلشي بصراحه يعني راجل الوالده صافي جا قال لي را فهمت الموضوع مزيان قلت له علاش زعما واش ما تقتيش في قالي ماشي قضيه ماثقتش فيك ولكن خصني نعرف الموضوع بتفاصيله قال لي صراحه عزيتي عل وبقى في الحال هذاشي كامل اللي ما عندك انت فيه حتى شي ذنب ذاكشي علاش بنت الناس انايا كنت باغي نعاونك ومازال غادي نعاونك قلت له كيفاش زعما قال لي انا خصني شي حل اللي غادي نفسر به الغياب ديالنا على العائله ديالي وحتى على جدي وجداتي لاننا ماغاديش نقدروا نبقاو نمشيو تما حتى تولدي قلت له شنو كتقول قال لي كيف ما كتسمعي قلت له شنو غادي دير قال لي عندي الحل اتصل بهم السلام عليكم عليكم السلام كذا قال لهم راه جاتني واحد الخدمه اللي ضروريه يعني صيفطوني الخدمه ديالي فين فين انا خدام دابا ضروري انني غادي نمشي للمدينه الفلان فلانيه وقال لهم واحد المدينه اللي هي بعيده وقال لهم غادي نضطر باش ندي معايا مراتي لانهم هما غادي يوفروا لي السكن يعني ما غادي نشوفكم حتى يعني دوز هذك الفتره اللي هو يعني حسبها في راسه الوقيته اللي غاد انا نكون ديجا ولدت فصافي بداو كيهضروا معايا حتى انا في التليفون هضروا معنا ابيل فيديو وقالوا لنا الله يتاويكم الخير وان شاء الله يعني دوز هذ الشهوره هذه يدوزوا يدوزوا عليكم بالخير وترجعوا لدويرتكم وهذا صافي قال لي دابا احنا لقينا الحل وفعلا جلست معه في هذك في هذك الدار حنا ما مشينا حتى شي بلاصه بطبيعه الحال هذا الشي كان غير حجه باش اننا نقولوا لهم را ما بقيناش غادي نقضوا نجيو حتى يكمل ديك الخدمه اللي مصيفطينه عليها دوزت هذك الفتره ديال الحماله السيد ما كان منقصني من حتى شي حاجه صراحه وقف معايا وقفه ديال الرجال ماشي اي راجل غادي يقبل بك بهذهك الحاله ولكن انا ما كنتش كنتوقع نهائيا انه زعما غادي يرضى قلت ضروري غادي يغوت غادي يدير بزاف ديال الحوايج غ يقدر حتى هو يجري عل غادي ولكن ذاك الشي كامل اللي انا فكرت فيه ما كانش الحمد لله يعني تفهمني وحس بيا دوزت هذك الفتره ما كانت بيناتنا حتى شي حاجه البنات الفتره ديال الحماله ديالي كامله ما عمرها وقعت بيني وبينه شي حاجه عايشين بحال جوج الناس اللي غاشرين وصافي المهم من بعد ما ولدت ولدت وليد ولدت وليد دازت فتره اللي هي طويله على النفاس ديالي دازت الامور بخير تخيلوا غير انا وياه هو اللي واقف معايا ما كنعرف حتى شي واحد فيديك البلاصه وفين ما كيعيطوا دارهم وهذا كيعيطوا لينا هكا ابيل فيديو كنهضروا معهم عادي يعني ما عمرهم غادي يقدروا انهم يشكوا في شي حاجه كيشوفوا غا وجهنا را احنا كنهضروا كلشي مزيان من موراها قالي بنت الناس صافي راه وصل الوقت اللي انا ديجا قلت لهم را خصني نعيط لهم ونقول لهم راني صافي غادي نرجع من من ديك الخدمه وخصنا ضروري نمشيوا لانني قال لي حتى انا را توحشت والدي شحال ما شفتهم وهذا خصنا باش نمشيوا قلت له ولكن ها احنا غادي نمشيوا هذا الوليد اشنو غادي ندير فيه ضروري غادي يشوفوا ذاك الولد كيفاش درت لها انايا حملت وولدت راه ماغاديش يصدقوا وضروري غادي تبدا في الهضره وغادي نتعرض لبزاف ديال الحوايج قلت له الا باغي تمشي سير انت بوحدك قال لي لا ما نقدرش نمشي بوحدي غاديه تمشي معايا ولكن انا فكرت في واحد الحل قلت لي اما هو قالي من بعد ونقول لك تخيلوا معايا البنات ملي مشينا الولد ما بيناهش الولد كاين في الطوموبيل ا وصلني انا عند الباب خرجت قال لي دخلي عندهم سلمي عليهم لاهيهم وخلينا الولد في الطوموبيل واش كتخيلوا معايا البنات خلينا الولد ناعس في الطوموبيل وخرج راجلي سلم عليهم كي دايرين لاباس بخير ومشينا مع الوقيته ديال الاذان ديال الظهر وهما في هذك المنطقه فين هما عايشين العائله كلهم يعني ما كتفوتهمش الصلاه ديال الجامع كاع الرجال كلهم ضروري كيمشيو صلا في الجامع ومنهم باه ومنهم يعني جدي وجد هو نيت يعني الحمد لله الناس اللي يعني مواضبين على الجامع فاش انا دخلت وسلموا علينا وكي دايرين لاباس بخير اموركم هانيه كذا وراكم عارفين واحد الانسان اللي مده ما بقاش جا عندهم فاش سلمنا وكلشي هو يقول لها فين الوالد هو عارف غادي يقولوا له راه في الجامع فين الوالد قالت لها وليدي راه مشى للجامع ايوا قال لها صافي انا غادي نلحق عليه حتى انا باش نصلي معهم جماعه ايوا قالت له وليدي سير الله يتقبل خرج بالطوموبيل ودا معه الولد انا هذك الساعه ما عارفاش الفكره دياله اشنو دا الولد معه ومن بعد غادي يتسنى حتى كيدخلوا الناس كاملين للجامع يعني بقات الدنيا خاويه قدام الجامع غادي يخرج الولد من الطوموبيل وغادي يحطه بالكونه دياله قدام الباب ديال الجامع وغادي يدخل يعني فديك الاعتبار اللي كيدخلوا منها الناس حط الولد تما ودخل الجامع [أصوات شخير] اش غادي نقول لكم البنات هو الوقيته اللي دخل يعني ديجا كانت بدات الصلاه صلى مع الناس ذاك الشي اللي صلى ومن بعد خرج بالزربه لانه مشطون على الولد اللي حط قدام الباب خرج شاف زعما تفاج زعما بذاك الوليد اه ولد من هذا بدا هو كيقول للناس بحال هكا ولد من هذا السيد شكون اللي حاط هذا الوليد هنا شكون اللي حاط الطريبيه هنايا شكون داروا به الناس كاملين ديال الجامع اويلي هذ الناس ماكيحشموش هذ الناس ماكيستحياوش يولدوا ويلوحوا ويديروا وبداو يعني راكم عارفين بنادم خصه غير علاش كلشي بدا كيغوت اويلي وليد كاين هنايا ما عرف شكون اللي حط هذا الولد هنا غادي ينوض هو كمتطوع وغادي يقول لهم صافي انا هذا الولد هذا غادي نديه للكوميساريه وغادي نبلغ ونشوفوا شنو غاديين يقولوا لي جا عنده باه قاله يعني اش قربك لذاك الولد وهذا قاله لا الوالد وقالله هذا راه عمل الخير وهذا الوليد هذا بقى هنا غادي يتكرفس وكذا احنا خصنا نمشيو نعلموا السلطات ومن بعد قال لهم را داكشي اللي غادي يقولوه لي راني غادي نديره هز الولد وداه في الطوموبيل على اساس قالله باه غادي نمشي معك انا قالله لا ماكينلاش تمشي قالله غير سير للدار غادي يبقاو مشطونين عليك انا غادي نمشي نقضي الغراض دغيا ونجي مشى داريه شويه بالطوموبيل وجا البنات ملي جا جاب معه الولد شافوا باه قاله شفتك جايب الولد عاوتاني واش ماطيتيهش للبوليس قالله را مشيت لعند البوليس وهضرت معهم وقالوا لي غادي تخلي الولد عندك حتى يعني يبانوا العائله دياله المهم انت را درتي الديكلاراسيون ديالك ملي يبانوا عائلته ها الولد راه عندك وقال لي حتى انا عجبني الحال هذا ملائكه وماشي مشكل وكذا صافي بقى الولد جا وقال لي زعما قدامهم هزيه هزيه وشوفي الا خصه يرضع ولا شي حاجه قولي لي شنو خص نجيبوا ليه شي رضاعه نجيبوا ليه شي حاجه وحتى انا عايشه الدور هو بغى ينقد راسه قدام العائله باش حتى شي واحد ما يهضر فيا وحتى شي واحد ما يقول شي حاجه ماكايناش صافي البنات فديك اللحظه بديت حى انا كنمثل را خصه رضاعه خصه ليكوش خصه هذه وبدا هو كيخرج منين كيجيب داكشي كيجيبو غ من الكفر في الطوموبيل انا هزه كلشي كيمشي كيضرب دوره وكيجي يجيب لي زعما ذاكشي حطه لي ايوا المهم البنات دوزنا ديك اليومين هكاك الوليد عندي كلهم كيقولوا لي معت ميمته كيفاش عطاتها خاطرها حطاته تما ولا الله اعلم ك را شافرين ليها وجابو حطوا تما كل واحد كيلغي بلغاه دازت ديك اليومين هو يقول لهم را عيطوا لي البوليس را خصني نمشي لعندهم هو يقول له باقيلا لقاو والدي قال لي قال لي زعما قدامنا هكا قال لا لا ما نظنش نلقى والدي را قالوا لي جي باغي نهضروا معك ونتشاوروا معك في واحد الموضوع قال لي باه نمشي معك باه دائما كيبغي زعما يبغي يمشي معك يقول لا لا الوالد ذاك النهار مشيت بوحدي خليني نمشي بوحدي صافي مشى زعما ضرب دوره جا لعندهم قال لهم انا راني قررت باش نتكفل بهذا الولد هذا قالله اش كتخربق وانت راك باقي صغير وباقي ربي يعطيك الوليدات وانت اش دخلك فيذ المعمعه هذه وانت كذا وانت كذا قالله اسمع الوالد انا را باقى في الحال على هذا الوليد را ملي مشيت رجعت عند البوليس قاللك راه مالقاوش الاثر يعني ديال الوالدين دياله حتى شي حد ما سول حتى شي حد ما يعني ديكلارا وراه قالوا بان هذاك الوليد غادي يهزوه يديوه يعني للخيريه وانا بقى في الحال ذاك الوليد ربينا عليه الكبده ورا مراتي حتى هي راه كتبات الليل كامل كتقول لي هذا الوليد حسيت به قريب لي بزاف وعجبني الحال انني مقابلاه وانا قلت نكتبوا فيه ثواب لعل وعسى ربي يعني يشوف فينا على ود هذا الوليد وكذا صافي قنع العائله دياله بواحد الطريقه اللي انا بحال شي وحده متفرجه كنشوف غير من بعيد وكنشوفوا هو كيفاش كيطير وكينزل باش يثبت وجود ذاك الولد بيناتنا والحمد لله ليومنا هذا البنات انا راني كنربي في ولدي وراجلي هو اللي كيصرف علي وعلى ولدي ويعني ورجعت علاقتنا كزوج وزوجه ولكن عمرني يا البنات ما شفته شاف في ذاك الولد شي شوفه خايبه ولا شفته حرم ذاك الولد من شي حاجه وراه بحال الا والده هو را بحال الا من الصلب دياله فاش كنمشيو عند العائله ولا شي حد دوا مع الولد ولا خسر له خاطره كتلقاه كيقفز من بلاصته كينوض يجري مالك ادي شنو وقع هكذا يعني واحد واحد التعامل واحد التعامل كيتعامل معه يعني لو كان الاب دياله ما كانش غادي يتعامل معه بديك الطريقه صافي الحمد لله انا حاليا حامله وراجلي فرحان بزاف وكيقول لي انا هذا الوليد هذا من نهار دخل عندي يعني من نهار اللي تزاد قال لي والحياه ديالي غاديه غير بخير الحمد لله ربي غادي غير كيعطيني في الخير وكنشوف راسي الحياه ديالي غاديه وكتزيان هذا الولد هذا راه بركه هذا الولد هذا راه يعني رساله من عند الله سبحانه وتعالى ل وانا بنت الناس زعما ذاك الشي اللي اللي داز عليك انا ما نبغي بغيش حتى انا يدوز على شي بنت الناس اخرى وما نبغيش يدوز على شي وحده اللي نعرفها ما حسك انت انسانه اللي حبيتك وبغيتك من النهار الاول داكشي علاش صرفت نظر انني نفكر فيك بشي طريقه اللي هي خايبه كنقول انسانه تعرضات لبعض الامور ربما شي راجل قال يا في بلاصتي ماغاديش يتقبل هذاشي ا فوا غادي يسمع ديك الهضره اللي قلتي النهار الاول يعني النهار ديال الزواج ديالنا كان غادي يقلب الصفحه وكل واحد فيكم غ غادي يمشي في حالياته ولكن انا فكرت فيها من ناحيه اخرى حبيتك بغيتك حسيت بك وحسيت بالظروف ديالك اللي دوزتيها وكيما قلت لكم اليومنا هذا را احنا عايشين بخير وحتى شي واحد ما عارف ذاك السر اللي بيني وبينه اعزائي المستمعين كنتمنى ان القصه ديال اليوم تكون نالت الاعجاب ديالكم وكذلك تكونوا استفدتوا وخديتوا عبره وما تنساونيش كيف ما العاده من لايكاتكم وتعاليقكم الزوينه بحالكم ونتلاقاو ان شاء الله مع قصه جديده دمتم في رعايه الله