قصة مؤثرة جدًا… هل كنت هتتصرف نفس التصرف

انا لحد دلوقتي مش قادره انسى اللحظه دي. اللحظه اللي حصيت فيها ان الدنيا كلها بتتغير حواليا فجاه وكان كل اللي كنت فاكره اني فاهماه طلع وهم كبير. خلوني ارجع معاكم من الاول علشان الصوره تبقى واضحه. انا اسمي اميره عندي 35 سنه مطلقه وعايشه لوحدي تماما لا اهلي جنبي ولا حد يسال عليا غير مرات قليله جدا من صاحبتي بسنت بعد الطلاق حياتي اتقلبت 180 درجه بقيت هنا المسؤوله عن نفسي في كل حاجه الاكل الايجار العلاج وحتى المواجهه مع الوحده اللي بتاكل في القلب واحده واحده في الاول كنت فاكره اني قويه وان الموضوع هيبقى سهل لكن الحقيقه كانت غير كده خالص الوحده صعبه والمسؤوليه اصعب خصوصا لما ما يكونش عندك حد تسند عليه علشان كده قررت اني اشتغل اي شغل المهم اقدر اصرف على نفسي واعيش بكرامه كلمت صاحبتي بسنت وهي الوحيده اللي كنت على تواصل معاها قالت لي انها تقدر تدبر لي شغل في مخزن فول سوداني عند راجل اسمه الحاج سيد الشغل عباره عن تعبئه الشوالات شغل مرهق بس يوميته كويسه نوعا ما وافقت فورا لان ما كانش عندي رفاهيه الاختيار ثاني يوم لبست عبايه السودا وربطت شعري كويس وخرجت وانا جوايا احساس غريب مزيج بين الخوف والامل اول ما وصلت المخزن المكان كان مليان حركه رجاله وستات بيشتغلوا شولات متكومه وصوت شغل ما بيقفش قابلت الحاج سيد بص لي بنظره سريعه وقال لي انت تبع بسنت قلت له ايوه قال خلاص اشتغلي وربنا يكرمك دخلت ابدا شغل وبصراحه كنت متوتره جدا لكن مع الوقت بدات اتعود بس في حاجه لفتت انتباهي من اول يوم كان في راجل هناك طويل جسمه قوي وملامحه حاده اسمه عبده كان شغله انه يشيل الشوالات بعد ما نعبيها ويوصلها بره سالت بسنت عنه قالت لي خليكي في حالك الراجل ده قديم هنا بس مالكيش دعوه بيه سمعت كلامها وفعلا حاولت ما ااركزش معاه عدى اول يوم والثاني والثالث وبدات اتاقلم مع المكان لكن كنت حاسه ان عبده بيبص لي بنظرات غريبه مش نظرات عاديه كان فيها كلام كتير مش بيتقال كنت بتجاهل لان اخر حاجه محتاجاها مشاكل في يوم بسنت ما جتش الشغل كانت تعبانه اليوم ده كان مختلف لوحدي تقريبا وهو موجود جه ناحيتي وقال تحبي اساعدك الشغل ثقيل علي قلت له بسرعه لا شكرا انا هقدر بس هو اصر وبدا يساعدني فعلا شويه بشويه الكلام بدا بينا سالني عن اسمي سني عايشه فين وفي لحظه لقيت نفسي بحكي يمكن علشان كنت محتاجه اتكلم يمكن علشان الوحده كانت خانقاني عرفت انه ارمل وعايش لوحده هو كمان ساعتها حسيت ان في نقطه مشتركه بينا الاحساس بالوحده بس ما كنتش فاهمه ان الحكايه دي هتفتح باب انا مش قده في لحظه سزاجه اديته عنوان شقتي قال يمكن يساعدني في شغل ثاني احسن وانا صدقته وعدت ايام وشهور وكل حاجه كانت ماشيه عادي لحد يوم كنت قاعده في البيت وفجاه سمعت خبطه على الباب استغربت جدا انا اصلا ما بيجيليش حد قمت وفتحت الباب واتفاجات كان هو عبده وقفت مصدومه وقلت انت جاي هنا ليه؟ ابتسم وقال مش هتدخليني جاي في موضوع مهم ترددت انا ست لوحدي وما بحبش ادخل رجاله البيت خايفه من كلام الناس وخايفه من نفسي بس هو فضل يلح وفي الاخر دخل عملت له شاي وانا قلبي بيدق بسرعه حاسه ان في حاجه مش مظبوطه بص لي وقال انا مش جاي شغل انا جايه علشانك. سكت ما فهمتش قصده في الاول. كمل كلامه وقال انا بقيت افكر فيك طول الوقت ومش قادر ابعد. الكلام وقع عليا زي الصدمه. انا بعد كل اللي عديت بيه حد يفكر فيا كده بس في نفس الوقت حسيت بالخوف. قلت له الكلام ده ما ينفعش انا مش عايزه مشاكل. قال بهدوء ولا انا بس احنا الاثنين لوحدنا ومحتاجين حد. الجمله دي هزتني من جوايا لاني فعلا كنت محتاجه محتاجه حد يسمعني يحس بيا يطبطب عليا لكن هل ده صح؟ فضلت ساكته وهو قرب خطوه وقال انا مش عايزه اذيكي بس مش قادر امشي كانك ولا حاجه وقتها عقلي كان بيقول حاجه وقلبي حاجه ثانيه اللحظه دي كانت نقطه تحول في حياتي يا اما اكمل في طريق ممكن يضيعني يا اما اوقف كل حاجه قبل ما تخرج عن السيطره بصيت له وقلت بصوت مهزوز امشي دلوقتي لو في خير يبقى بالحلال وقف شويه وبص لي نظره ما فهمتش معناها وبعدين مشي قفلت الباب وراه وسندت عليه وانا حاسه ان رجليا مش شايلاني من يومها وانا بفكر هل انا كنت صح ولا ضيعت فرصه يمكن تعوضني عن كل اللي فات بس الحقيقه اللي متاكده منها ان الوحده ممكن تخلي الانسان يفكر في حاجات عمره ما كان يتخيلها وانا دلوقتي واقفه بين عقلي بيحذرني وقلبي بيضعف ومش عارفه اختار