ايه الفرق بين شات جي بي تي المدفوع و المجانى؟ الفرق يستاهل؟ - Chat GPT

هل تشات جي بي تي المدفوع اللي ب 20 دولار في الشهر فعلا يستاهل ان انت تدفع فيه ال 20 دولار دول ولا ممكن تكتفي بتشات جي بي تي المجاني العادي الفيديو ده انا عامله بعد تجربه اكث من شهرين مع تشات جي بي تي المدفوع بعد ما كنت على طول بستخدم تشات جي بي تي المجاني وطلعت لك بخمس فروقات اساسيه هيوضحوا لك اكت ايه الفرق فعلا على الارض ما بين الاثنين دول وانت محتاج تعمل ايه انت محتاج فعلا تشتري الاشتراك ده هتستفاد بيه ولا مش هتستفاد بيه وتخليك على المجاني احسن المهم يعني ان انت لو بتحب النوع ده من الفيديوهات يا ريت تشترك في القناه لو انت لسه ما اشتركتش بص يا سيدي مبدئيا بس قبل ما نخش بقى في الفروقات والاختلافات والحاجات دي انا متاكد ان في ناس كتير بتتفرج على الفيديو ده لمجرد ان هي تتفرج على الفيديو عشان تشات جي بي تي والذكاء الاصطناعي والحاجات اللي بنسمع عنها وبتاع بس هم مش بيستخدموه على ارض الواقع في اعتقاد كده شائع ان تشات جي بي تي لناس معينه يعني ناس معينه هي اللي بتستخدمه او شغلانات معينه هي اللي ممكن تستفاد بيه زي التسويق مثلا او الماركتنج زي فكره ان حد يعمل كونتنت كريشن او يصنع محتوى فده بيساعده بس باقي الحاجات لا مش هتساعده بص انا مش هقدر اقول كل الشغلانات اللي ممكن تيجي في دماغي هي ممكن تستخدم تشات جي بي تي ازاي بس اللي اقدر اقوله لك ان انت تقدر تفتح تشات جي بي تي وتساله هو هيجاوبك احسن مني بكتير بس اللي يهمني اقوله لك هنا ان بجد انت لو مش بتستخدم تشارجات جي بي تي دلوقتي انت فايتك كتير قوي علشان دي اداه ما ينفعش نتجاهلها خالص في سوق العمل دلوقتي انا خليته يساعدني اعمل حاجات انا ما كنتش متخيل ان انا اعرف اعملها خالص في حياتي وهتسمع في الفيديو يعني هحكي لك على حاجه كده انا لسه عاملها من كام يوم بجد يعني ابهرتني انا شخصيا فضروري ضروري بعد الفيديو ده على طول تستخدم تشات جي بي تي في اي حاجه انت بتعملها عموما الموضوع ده ممكن يبقى عليه رد رومانسي شويه من بعض الناس ان طب ما انا لما هستخدم تشات جي بي تي او الذكاء الاصطناعي طب ما خلاص بقى انا هلغي دماغي بقى واركنها على جنب ومش عارف ايه الحقيقه ده ممكن يحصل اه وارد ان انت لو استخدمت تشات جي بي تي على طول عمال على بطال فانت واحده خلاص هتبقى معتمد عليك كليا وهتبطل تفكر وهتبطل انت تشتغل حاجه بايدك بس علشان انت بتحاول تتجنب ده او عشان بعض الناس بيحاولوا يتجنبوا ده مش بيستخدموه خالص فبقى اي حد بيستخدمه يقدر يعديهم ويعديهم بمراحل المهم مش عايز اطول عليك خلينا ندخل في الموضوع وخلينا ناخد خد اول فرق ما بين تشات جي بي تي المدفوع اللي ب 20 دولار وتشات جي بي تي المجاني اول فرق يا باشا هي الكريتيفيتي الابداع القدره على التفكير بره الصندوق سميها اي حاجه دي حاجه ممكن تكون مش متقاسه قوي ما فيش ارقام تقدر تقاسها بس انا اصلا بستخدم تشات جي بي تي من بدري وكنت معتمد اعتماد كلي على النسخه المجانيه وايه اكث حاجه بعملها على تشات جي بي تي بخليه يساعدني في الكونتنت كريشن او صناعه المحتوى بتاعتي بخليه احيانا يطلع لي افكار بناقشه فيها وهكذا طيب تشات جي بي تي عموما حتى مجاني في حاجه حلوه قوي ان انت لو سالته سؤال مرتين ثلاثه عمره ما بيجاوبك نفس الاجابه يعني مش زي جوجل هتكتب مثلا كلمه عليه هيطلع لك نفس الريزلتس او نفس النتائج لا تيجي بي تي هتساله نفس السؤال كذا مره كل مره هيطلع لك اجابه مختلفه كلهم صح وكلهم في نفس الاتجاه بس مختلفين طيب انا مع الوقت لما بقيت اطلب منه نفس الطلبات هو برده بيطلع حاجات مختلفه بس خلاص بقى كله شبه بعض يعني انا بقيت حاسس ان انا محتاج ان انا اغير في الكلام اللي انا بتكلمه معاه وعلى فكره ده حل وممكن يحصل عادي ان انا فعلا اغير في الطلبات اللي انا بطلبها بس مثلا حاجه زي دي ما حصلتش معايا لما اشتركت الاشتراك المدفوع لما بقيت بكلم النسخه اللي هي اسمها تشارجات جي بي تي 4 و 4.5 فايف والحاجات دي لا هو فعلا بقى كريتيف اكت فعلا بقى بيطلع حلول مبتكره اكث وبرده بتحتاج تتكلم معاه وتاخد وتدي بس هو بيطلع لك فعلا حاجات حقيقيه وحاجات عمليه اكتر ده كان اول اختلاف وهو الكريتيفيتي وبرده ممكن ما تلمسوش قوي علشان هو مش حاجه متقسه مش حاجه اقدر اقولها لك بالارقام مش يايا لا مش ابيض واسود في لعب كتير قوي ولازم تستخدمه كثير علشان تعرف فعلا تلمس الفرق طيب خلينا بقى ندخل على ثاني فرق ما بين النسخه المدفوعه من تشات جي بي تي والنسخه المجانيه ثاني فرق هي الميم ميموري الذاكره ايه بقى الميموري او الذاكره الحته دي ممكن يبقى فيها شويه قلق لبعض الناس بس ما تقلقش يعني ايه الموضوع ان تشات جي بي تي المدفوع بيقدر يفتكر حاجات كتير قوي عنك لما انت بتحكي له عن نفسك بتقول له انا فلان الفلاني بشتغل في الحته الفلانيه درست كذا كذا والله كنت بلعب مش عارف ايه وانا صغير مش اي حاجه انت حكيتها له عنك هو هيفضل فاكرها وهيفضل فاكرها كويس وهيتكلم معاك على اساس دي حاجه ممكن تخوف بعض الناس ان انا كده ايه الداتا بتاعتي او معلوماتي هتروح فين وكده بس انا شخصيا كل بيخليني اعمل ده باقبال يعني مش هقول لك يا سيدي بقى اصل هو لا محمي وانت معلوماتك في امان مش هكلمك الكلام ده لا انا ما اضمنش الفكره بس ان انا شخصيا بشوف ان في ليفل معين من الناس هو اللي المفروض يقلق قوي من الموضوع ده او يبقى بيتعامل بحذر لكن انا واحد كونتنت كريتر ايا كانت المعلومات اللي هيجيبها عني ممكن يستخدمها في اعلانات اخره يعني هو انا مش في خطر هي دي طريقه التفكير اللي انا بفكرها تتفق او تختلف بس غالبا انت كمان برده مش في خطر يعني المهم ان تشات جي بي تي المدفوع بيخلي الحساب بتاعك او الاكونت بتاعك يبقى عارف كل حاجه عنك وفاكر كل حاجه انت بتقولها له فبعد كده لما تيجي تفتح اي تشات اي وقت تكلمه في اي حاجه هو بيبقى عارف التامين كويس وبيبقى عارف يكلمك ازاي وايه المعلومات بالظبط اللي هو محتاج يديها لك عشان لما هيجي يكلمك غير لما هيكلم محمد غير لما هيكلم منه غير لما هيكلم اي حد ثاني هيديك احتياجاتك انت فعلا اللي هو عارفها كويس من غير ما انت تفسرها له فدي حاجه حلوه جدا ومريحه جدا في الكلام مريحه جدا في النتائج وكمان بتخلي نتائجه دايما احسن لكن تشات جي بي تي العادي او المجاني ما فيهوش الحته دي اخر مره استخدمته كان في ذاكره ليميتد قوي والمفروض كمان ان هي اتشالت دلوقتي طب حد هيجي يقول لي لا ما هو انا لما بفتح تشات جي بي تي المجاني وبتكلم معاه في التشات بيفضل فاكر اللي احنا قلناه في التشات اقول لك ايوه ده حقيقي تشات جي بي تي المجاني لو انت فتحت صفحه كتبت فيها حاجه واتكلمت معاه شويه وقفلت خالص ورحت فاتح هتلاقي الصفحه موجوده ممكن تدوس عليها وتفتحها وتكمل كلام عادي وهو يفضل فاكر اللي انتوا كنتوا قايلين فالفكره ان انت تبقى بتعمل كل حاجه في الصفحه دي في توبيك معين فهو يبقى فاكر الكلام فيتعامل عمل على اساسه لكن لو انت فتحت اي صفحه ثانيه عشان تتكلم في موضوع ثاني في اي وقت خلاص انت هو هينسى كل ده ابدا بقى معاه من الاول وفي نفس الوقت هيبقى صعب ان انت كل شويه تفتح صفحه جديده تقول له كل حاجه عنك يعني فده فرق انا شخصيا لمسه وفارق معايا كتير علشان بيخلي الاجابات كاستمايزد او مخصوصه ليا بالظبط ثالث فرق ما بين تشارجات جي بي تي المدفوع والمجاني والنقطه دي هي ورقم اربعه اكث حاجتين فارقوا معايا في الموضوع ده كله عشان مبهرين عايز اقول لك ان انا من كام يوم كان عندي شغلانه معينه بعملها الشغلانه دي بتتطلب ان انا افتح فايلات بي دي اف كتير والبي دي اف اصلا فيه صفح كتير قوي والمفروض اطلع معلومات معينه من البي دي اف ده علشان احطها في مكان ثاني يعني حاجه كده روتينيه يعني رزله فانا سبت بقى الكلام ده كله ورحت داخل على تشات جي بي تي ارغي معاه شويه المهم توصلنا لان انا المفروض احسن حاجه ممكن تتعمل ان انا اعمل برنامج بايدي يحل لي المشكله دي احط فيه البي دي اف يطلع لي المعلومات اللي انا عايزها على طول اعمل برنامج بايدي ازاي انا ماليش في الكودينج خالص ولا عمري اتعلمت هو كورس واحد سي بلس بلس خدته في اعدادي هندسه ومن ساعتها وانا بكره البروجرامينج اصلا ومش ناوي اتعلمه وده غلط على فكره عشان بروجرامينج حاجه مفيده جدا بس انا ما كنتش ناوي اتعلمه خالص ولحد دلوقتي على فكره ماتعلمتوش يعني بس انا باستخدام تشات جي بي تي بقى في الوقت ده اللي هو لسه من كام يوم قدرت انزل البرامج اللي انا محتاجها علشان اعمل البرنامج ده اللي هما بايثون وفيجوال ستوديو قدرت اخليه يكتب لي الكود اللي يعمل لي الموضوع ده ويكتب لي كود ثاني يخلي في برنامج اي اكس اي يقدر يتبعت لاي حد ويشتغل على اي كمبيوتر بيعمل اللي انا عايزه فبقيت في الاخر فعلا باخد البي دي اف هنا ارميه هنا يطلع لي كل المعلومات اللي انا عايزها لو انا م ليش في البروجرامينج ما لمستوش ماعرفش مافهمش يعني ايه بروجرامينج ولا اعرف اي لغه من لغاته طيب ببساطه انا علشان اعمل ده واطوره واخليه احسن استخدمت ايه بقى في تشات جي بي تي غير ان انا بقى فكرت معاه شويه واعمل ده ازاي وبتاع انا رفعت له بي دي اف من البي دي افات اللي انا بعمل فيها كده اللي انا باخد منها المعلومات وقلت له افتح يا عم البي دي اف ده وشوف المعلومات اللي فيه اللي هي المعلومه الفلانيه والفلانيه والفلانيه مكتوبين ازاي واعمل لي كود يطلع لي المعلومات اللي مكتوبه بالشكل كده لولا ان انا عملت كده ما كنتش عرفت اوصل للنتيجه دي خالص عشان هو فتح البي دي اف وقعد يحلل المعلومات اللي فيه ويشوف هو محتاج يكتب كود عامل ازاي ويستخدم مكاتب في الكود عامله ازاي علشان يعمل لي اللي انا عايزه فكره بقى الفايل ابلودز فكره ان انت عندك المقدره ان انت ترفع له فايلات وهو يحللها ويفهم انت عايز منها ايه بالظبط دي عبقريه عبقريه فعلا والمفروض ان دي موجوده في النسخه المجانيه بس ليمتد قوي يعني تقريبا فايل او اثنين حاجه كده انا مش عارف بصراحه الليت بتاعها في النسخه المدفوعه كام بس هو ما خلصش مني لحد دلوقتي وانا رفعت كتير قوي يعني ترفع بقى بي دي اف يقراه لك وممكن يلخص لك اللي فيه لو عايز ترفع صوره يحللها لك ويقول لك هي فيها ايه ترفع اي حاجه يقول لك ازاي تخليها احسن ان كان ترفع السي في بتاعك يحللهول لك ويقول لك ازاي تقدر تخليه احسن ليه استخدامات كتير قوي ما تعدش بس فكره الفايل ابلودز دي او فكره ان انت ترفع فايل هو نقل التجربه من فكره ان ده تشات احنا بنتكلم مع بعض لان هو خلاص انت بقيت تبعت له حاجات فعلا حقيقيه هو يراجع لك عليها رابع فرق بقى ما بين تشات جي بي تي المدفوع وشات شات جي بي تي العادي وبجد اكثر حاجه مبهره بالنسبه لي حاجه اسمها كاستم جي بي تيز يعني ايه كاستم جي بي تيز بقى يعني يا باشا انت تشات جي بي تي العادي المجاني ده تشات انت بتتكلم معاه عادي في اي حاجه في الدنيا هوو بيرد عليك ردود عاديه الكاستم جي بي تيز دول بقى عندك فيهم اختيارين اختيار ان انت تعمل لنفسك انت تشات جي بي تي المخصوص ليك مش المخصوص ليك يعني يبقى عارف حاجات عنك المخصوص ليك ان انت تبرمجه ان هو يبقى بتاع ماركتنج بس ان هو يبقى بتاع صناعه محتوى بس متخصص في الحته دي ان هو يبقى بتاع هندسه بس ان هو يبقى بتاع سيلز ايا كان عايز كوتش يبقى معاك على طول يمرنك على حاجه معينه ويبقى عندك كاستم جي بي تي بالاسم اللي انت تختاره يبقى مخصص للحته دي بالذات تقدر تكلمه فيها وترجع له فيها في اي حاجه فيها دي اول حاجه تقدر تعملها في كاستم جي بي تيز دي في حاجه ثانيه بقى ان في جهات كبيره وجهات عالميه بتعمل عليه الجي بي تيز بتاعتها يعني انا مثلا في الفتره اللي فاتت كنت بحضر محتوى عن البرزنتيشن سكيلز او البلك سبيكين ان انت تتكلم قدام ناس كتير وتعمل بريزنتيشنز وكده فلقيت جي بي تي تبع حاجه اسمها توست ماسترز توست ماسترز دي جهه عالميه كبيره جدا بتنظم مسابقات في البلك سبيكين بتنظم مسابقات في فكره ان الناس تتكلم قدام ناس كتير وتلهمهم وتعرف تعمل ده فلا ده في جي بي تي الناس دي هي اللي عاملاه حاطه فيه معلوماتها حاطه فيه كل حاجه تقدر تفيدك في الموضوع ده فالموضوع خرج بقى من كريتيفيتي بتاعه تشات جي بي تي لان هو بيستخدم الكريتيفيتي دي فعلا مع معلومات ثقيله قوي من جهات كبيره قوي وده مثال واحد في امثله ثانيه كتير بالنسبه لي مثلا في جي بي تيز بتعمل لك هوك اللي هو البدايه بتاعه الفيديوهات بتاعه الريلز بتكتب لك سكريبت بتعمل لك ستوري بورد حاجات كده وايا كان انت ما جالك ايه هتلاقي الجي بي تي اللي يساعدك فيه يعني دي كانت رابع حاجه واكثر حاجه مبهره بالنسبه لي خامس حاجه بقى واللي بتتشابه شويه مع اول حاجه اللي هي الكريتيفيتي وكده خامس حاجه دي هي الفويس ماسجين ان انت لما بتفتح تشات جي بي تي تتكلم معاه بصوتك ويرد عليك بصوتك وبتاع يرد عليك بصوته يعني مش بصوتك انت في فرق واضح في فهمك وطريقه الكلام والكريتيفيتي بتاعه الفويس ماسجين دي في النسخه المدفوعه عن النسخه المجانيه بتحس بجد ان انت بتتكلم مع بني ادم مش مع روبوت او بني ادمه على حسب يعني انت هتخلي مين بالظبط يرد عليك ممكن تخلي بني ادمه تكلمك وممكن تخلي بني ادم يكلمك كده براحتك طيب بعد بقى الفروقات دي اشترك فيه يعني ولا ما اشتركش ولا ايه الصح يعني الموضوع ما فيهوش صح وغلط يا معلم انت لو بتستخدم تشات جي بي تي اصلا في شغلك وبتعتمد عليه اعتماد كبير اديني قلت لك الفرق ما بين الفري والبي البيد اللي بفلوس لو انت شايف ان الفروقات دي هتضيف لك في شغلك وبجد انت بتعتمد عليه اعتماد قوي فهو هيضيف لك اكيد في شغلك فتقدر تدفع ال 1000 جنيه دي هي اكيد هيرجعها لك هيرجعها لك بقى في سكيلز انت بتبقى عندك هيرجعها لك في حاجات انت بقيت تقدمها لشغلك اكت انت ما كنتش متخيل ان انت ممكن تقدمها ايا كان بس هو هيرجعها لك لكن لو انت بقى بتستخدم تشارجات جي بي تي ان انت حاطه عندك على الموبايل وبتغي معاه شويه وانت زهقان بتساله على معلومات عامه من وقت للثاني بتطلب منه حاجات بسيطه زي ان هو يساعدك في البرزنتيشن بتاعتك مثلا واه دي حاجات بسيطه انت مش محتاج اكت من كده يعني ما فيش مالوش لازمه ان انت تبقى عايز بقى كريتيفيتي اكث من كده واوبشنز اكث من كده عشان ببساطه هو مش شغل يعني انت مش بتستخدمه في شغلك لما تقدر بقى توصل لليفل بتاع ان انت فعلا بقيت تستفاد من الذكاء الاصطناعي او من تشارجات جي بي تي في شغلك بالليفل ده ليفل ان انت على طول فاتحه قدامك وبتاخد منه معلومات او بتخليه يساعدك في شغلك ساعتها لما تدفع بقى ال 20 دولار دول هتلاقي فعلا فرق قوي لو انت صانع محتوى لو انت حد شغال في التسويق لو انت حد شغال شغال في المجالات دي انا مش هقول لك لازم تدفع 20 دولار وتشتري اللي هو تشات جي بي تي المدفوع انا هقول لك ان انت الاول لازم تبدا فعلا تعتمد على تشات جي بي تي شويه وتستخدمه في شغلك علشان بجد هو يفرق كتير لو انت مش بتستخدمه اصلا وبعد بقى ما تعمل الخطوه دي ساعتها هقول لك تدفع علشان الاشتراك ده فعلا هيضيف لك وهيضيف لشغلك كثير قوي لو انت بقى لسه مكمل الفيديو لحد دلوقتي اعتقد ان هو ممكن يكون عجبك في ريت تعمل له لايك يا ريت تشترك في القناه لو انت لسه كل ده ما اشتركتش وشكرا جدا انت فرجت لحد دلوقتي وبس كده السلام