هشام

ومراتي كانت على طول بتحكي لخالتها على كل حاجه بتدور في بيتنا كل تفاصيل حياتنا كانت خاله مراتي عارفاها سواء قبل لما تطلق او بعد ما اطلقت مساء الخير واهلا بيكم يا رب الجميع كده يكون بالف خير وفي احسن حال انا اسمي هشام وعمري دلوقتي 30 سنه اتجوزت غاده مراتي من ست سنين تقريبا وبصراحه احنا كنا متجوزين عن حب وكان في بينا قصه حب كبيره قبل الجو وا وانا ما انكرش ان انا اول ما اتجوزتها عشت معاها اول اربع سنين في جوازنا في منتهى السعاده واحنا ما كناش خلفنا فيهم لان غاده كان عندها مشكله في موضوع الخلفه وعرفنا كده بعد ما اتجوزنا وفضلت تتعالج لكن ربنا كرمنا وحملت بعد اربع سنين جواز بس عايزه اقول لكم ان هي طول لما ما كانتش حامل هي كانت مهتميه بيا جدا خصوصا انها ما كانتش بتشتغل وكانت قاعده في البيت فانا وقتها كنت اهم حد في حياتها ومحور اهتمامها الوحيد مراتي غاده ست جميله ومن عيله محترمه وابوها تاجر غني وهي متعلمه ومثقفه ووحيده باباها ومامتها يعني ما خفوش غيرها عشان كده هم مدلعينه قوي وبعد ما اتجوزنا وهي عرفت ان هي عندها مشكله في الخلفه وبدات تتعالج هي كانت فاكره ان انا ممكن اسيبها لو يعني ما خلفتش وعشان كده بقت مهتمه بيا وبراحتي وبكل حاجه تخصني وكانت بتعمل كل حاجه تريحني وتسعدني وقبل لما نخلف او قبل ما غاده تحمل انا كنت برجع من الشغل الاقيها في احسن صوره لابسه حلو ومستعده لاستقبالي واحلى اكل والبيت نضيف ومترو وكنا عايشين حياه هاديه وسعيده وكنت بحب ارجع البيت في الايام دي ما هو اي راجل متجوز هيتمنع ايه اكتر من اللي بحكيه لكم ده وكنا بنخرج ونتفسح وعايشين حياتنا وانا كنت نمره واحد في حياتها وكنت اهم حاجه عندها في الدنيا وفضلنا على كده اربع سنين وبعد كده غاده حملت في توام ومن اول الحمل وهي اهتمامها بيا بدا يقل شويه شويه وممكن كمان ما بقتش بعد كده بتهتم بيا خالص وانا كنت بعذرها في الاول واقول بكره تولد وتقوم بالسلامه وترجع تهتم بيا لكن هي لما ولدت ولادنا الاثنين اتشغلت عني خالص اصل غاده اتغيرت قوي بعد الولاده ولا بقت بتهتم بيا ولا بالبيت ولا حتى بنفسها يعني حتى ما بقتش بتهتم بنفسها زي الاول وبقت بتلبس اي هدوم واي حاجه وما بقتش بتعمل شعرها ولا بقت بتحط ميك اب وبقى كل اهتمامها بالعيال الاثنين وبس وانا طبعا مقدر المجهود الكبير اللي هي كانت بتعمله معاهم وحماتي كانت بتساعد فيهم وقلت يمكن عشان لسه والده ولما العيال يكبروا شويه هترجع تهتم بيا لكن هي ما رجعتش وفضل اهتمامها بالعيال وبس وبمرور الوقت انا فهمت ان الايام الاولى في الجواز والسعاده اللي كنا عايشينها في الاول خلاص مش هتتكرر تاني ومراتي زي ما قلت لكم كانت بنت واحده ومدلله قوي وهي كانت مامتها على طول بتساعدها في كل حاجه من اول ما اتجوزنا كانت بتساع في البيت وتعمل لها اكل وتبعته لها وبعد كده طبعا بقت بتساعدها في العيال لما خلفنا ومراتي كان ليها خاله واحده بس وخالتها تقريبا كان عمرها زي 35 سنه وخاله مراتي كانت على طول بتساعدها لما تيجي زياره من البلد وتقعد شويه عند حماتي اصل خاله مراتي كانت عايشه في البلد مع جوزها في الاول وهي ما كانتش بتخلف وما كانش عندها اد وعلى فكره اكتر من حد في عئله مراتي عنده مشاكل في الخلفه يعني حماتي خلفت مراتي بس وما عرفتش تخلف ولاد ثانيه وخاله مراتي ما خلفتش وغاده مراتي فضلت تتعالج كم سنه على ما خلفت العيال ومراتي كانت بتحب خالتها قوي وكانت كانها صاحبتها وكانت بتحكي لها عن كل حاجه في حياتنا وكل مشاكلها معايا اصل بصراحه انا بقى عندي مشاكل كتير قوي مع مراتي بعد اما جبنا ادنا وده طبعا بسبب اهمالها ل اللي زود المشاكل كمان انها على طول بتبات مع الولاد في اوضتهم لانهم طول الليل صاحيين وانا ببقى نايم في اوضتي لوحدي عشان اصحى بدري واروح شغلي وانا شغال في شركه كبيره ومركزي فيها كويس والحمد لله والحمد لله انا باخد مرتب كبير وحالتي الماديه كويسه وطبعا شغلي محتاج لتركيز على طول وطول السنين اللي فاتت وخاله مراتي كانت عايشه مع جوزها في البلد و وكانت بتجي لنا زيارات من وقت للتاني لكن كانت على طول بتكلم مراتي في التليفون ويقعدوا غوا مع بعض كتير قوي زي ما قلت لكم ان خاله مراتي كان بقى لها سنين بتتعالج عشان تخلف لكن للاسف هي ما خفتش وعشان كده هي جوزها طلقها وما بقاش ليها اي حد تروح له الا حماتي لان حماتي اختها الوحيده وهي ما كملتش تعليمها ومش بتشتغل وظروفها الماديه يعني على القد شويه يعني اه صحيح حماتي وحمايا عايشين كويس ومستواهم كويس لان حمايا تاجر غني لكن خاله مراتي على قدها ماديا جدا ما هو كل عيله فيها الغني وفيها الفقير وعلى فكره هي كانت موافقه ان جوزها يتجوز عليها عشان يخلف وكانت موافقه ان هي تبقى الزوجه الاولى وانه يبقى ليه زوجه تانيه واولاد لكن هو اللي مارضيش بكده ومرضيش يخليها على ذمته وطلقها عشان يتجوز ويخلف المهم ان كل ده حصل من سنه واحده بس وبصراحه حماتي كانت متعاطفه معاها جدا وكانت واقفه جنبها لانها ولا شهاده ولا شغلانه ولا عندها بيت تعيش فيه ولا دخل تصرف منه وهي خاله مراتي لما اطلقت وقعدت عند حماتي هي كانت بتجي لنا البيت عندنا كتير قوي عشان تساعد مراتي في كل حاجه يعني كانت بتعمل لنا اكل وتنظف البيت وتروق وتاخد بالها من الولاد وهي كانت بتحب ود قوي بصراحه انا حسيت بتغيير كبير قوي في البيت وفي نظامه ونظافته وانا عايزه اقول لكم ان هي فعلا ست بيت شاطره وانسانه جميله قوي وطيبه وانا لما لقيتها انسانه كويسه كده وفيها كل الميزات دي بصراحه انا بقيت مستغرب ازاي جوزها يطلقها عشان يتجوز غيرها لمجرد انه يخلف وهي كان ممكن تبات عندنا كم يوم وترجع عند حماتي يومين وبعد كده ترجع لنا تاني وانا بقيت بحب اروح والاقيها في البيت وهي كانت بتنصح مراتي تهتم بنفسها وشكلها وترجع حلوه زي الاول لكن طبعا لا حياه لمن تنادي اصل مراتي ما بقاش فيه في دماغها الا العيال واكلهم وشربهم واللي عايز يروح للدكتور واللي بيطلع سنان لكن ابو العيال ولا كان في بالها من اصله وانا كنت كتير بسمعها وهي بتقول لمراتي سيبيني بايته مع الولاد وروحي شوفي جوزك لو عايز حاجه تعمليها له ومراتي كانت بتقول لها انا ما اقدرش ابعد عن ولادي ولا بات بعيد عنهم كانت بتقول لها يا بنتي تبعدي عنهم ايه ده انت هتبقي في الاوضه اللي جنبهم روحي شوفي جوزك عشان ما يبقاش نايم وهو زعلان منك اهتمي بجوزك شويه وكانت مراتي بتقول لها انا ولا رايحه ولا جايه هو اتعود يبات لوحده وانا لما كنت بسمع الحوار ده بين مراتي وخالتها انا كنت بحس ازاي خاله مراتي ست فاهمه الدنيا وعارفه ايه متنا الجواز والاستقرار وانها عارفه اهميه الزوج في البيت عكس مراتي تماما وياما اتخانقنا انا ومراتي قصاد خالتها وهي اللي كانت بتصالحها وكانت بتوعدني ان هي هتخلي مراتي تتغير وترجع تهتم بيا زي الاول وهي بقت عارفه عننا كل حاجه بقت عارفه كل حاجه عننا وعن حياتنا انا بجد كنت بدات اعجب بيها وبنظام ونظافتها ده غير ذوقها وادبها انتم عارفين هي عشان ظروفها عشتها وبرده هي متربيه في البلد فواخر صوتها ما يبقاش عالي ولما تتخانق مع جوزها صوتها ما يعلاش عليه عكس مراتي اللي طول النهار صوتها جايب اخر الدنيا وكل اما اقول لها كلمه ترد بعشره خالتها بقى غيرها خالص وفضلنا على كده كم شهر وانا كل يوم كان اعجابي بخاله مراتي بيزيد لحد ما في يوم امي تعبت قوي وانا امي ست كبيره وكان بقى لها كذا سنه وهي عاشه لوحدها بعد ما ابويا توفى واخواتي البنات اتجوزوا وسافروا مع ازواجهم وانا لما هي تعبت انا رحت قعدت عندها واخدت اجازه كا يوم من الشغل عشان اراعيها واقدر اديها ادويتها في مواعدها وفضلت قاعد عندها لحد ما خرجت من الازمه دي والازمه عدت على خير بس طبعا انتم عارفين ان في سن خلاص ما ينفعش في البني ادم يعيش لوحده ولا يقوم بنفسه ولازم يكون معاه حد يراعيه وياخد باله منه بعد اما خفت بقيت بروح لها ساعتين في اليوم وكل كام يوم ابات معاها يوم واقترحت على مراتي ان انا اجيب امي تعيش معانا خصوصا اني ممكن اعمل لها اوضه عندي وشقتي كبيره لكن انا مراتي رفضت وقالت لي انا مش قادره اقوم بعيالي ومش قادره على رعايه ست كبيره في السن ده ودي مسؤوليه زياده عليا وانا ما اقدرش اتحملها بصراحه انا لما مراتي قالت لي كده انا زعلت منها قوي لاني كمان قلت لها ان انا اللي هعمل لامي كل حاجه بس انا جايبها عندنا او انا عاييز اجيبها عندنا لمجرد ان هي تكون في وسطنا وقلت لها انا لو ماليش خير في امي مش هيبقى ليا خير فيكي ولا في ولادك وبعدين انت عارفه ان امي مش بتاعه مشاكل وطول عمرها في حالها لكن برده مراتي رفضت وزي العاده اتخانقنا خصوصا لما قالت لي ودي امك لدار المسنين بصراحه انا زعلت منها قوي وطبعا رفضت وقلت لها ان دار المسنين دي للناس اللي ما عندهاش ولاد تراعيه وفضلت افكر اعمل ايه لاني طول ما انا قاعد في شغلي او حتى في بيتي انا حاسس اني مش مرتاح وامي قاعده لوحدها وبقيت عايش في قلق على طول وهي كانت محتاجه لحد يراعيها ويقوم ببيتها ويعمل لها لقمه ويديها الدوا في مواعيده وكنت بجيب لها شغاله تروح لها الصبح وتمشي بالليل وجربنا اكتر من شغاله لكن امي م ارتحتش مع ولا واحده فيهم اللي ما تطلعش امينه واللي مش نضيفه واللي واللي ولما حماتي لقت الموضوع ده عامل ازمه ما بيني وبين بنتها هي اقترحت عليا انها تبعت خاله مراتي لامي من وقت للثاني يعني تساعدها وتعمل لها اكل وتراعي وتاخد بالها منها وخاله مراتي بصراحه رحبت بالموضوع وانا لما سمعت من حماتي كده انا طبعا وافقت وكنت مبسوط ومرتاح جدا وحماتي قالت لي ان ده بس بشكل مؤقت لحد ما امي ترجع لصحتها تاني وزي ما خاله مراتي كانت منوره بيتي هي برده راحت عند امي ونورت بيتها واخدت بالها منها وامي ارتاحت معاها وهي ارتاحت مع امي وبقت بتعمل لامي كل حاجه محتاجه لها وكانت بتحبها وبتخاف عليها وكانت بتديها الدوا في مواعيده وبتاخد بالها من اصغر التفاصيل وبعد فتره صغيره وطبعا امي كانت عارفه ظروفها وامي برده ست ميسوره ماديا فهي اقترحت عليا اننا نعمل لها مرتب كل شهر وده مقابل رعايتها ليها لانها كانت عايزاها تفضل معاها على طول وخالت مراتي وافقت وحماتي كمان لكن انا حماتي قالت لي لما غاده تحتاج لخالتها تساعدها تبقى تروح لها وفضلت خاله مراتي قاعده مع امي وقللت مجها عندنا وانا بقيت احب اروح لامي وكنت بتكلم مع خاله مراتي كتير وكنت بروح لهم كتير قوي وهي فضلت برض تهتم بيا ما انا خلاص بقت بلاقي راحتي في بيت امي ومش بلاقيها في بيتي وانا لقيت نفسي مع مرور الوقت بحبها بس بصراحه انا كنت حاسس ان هي برض بتبادل لي نفس المشاعر وامي كانت واخده بالها من كده وقالت لي ادام انت مش مرتاح في بيتك وعندك مشاكل على طول مع مراتك ومراتك مش مهتميه بيك خلاص اتجوز خاله مراتك ادام بتحبها واهو هي تفضل قاعده معايا وقتها ما نقولش لاي حد على جوازك منها لو هي وافقت ولما امي فتحتها في الموضوع هي لقت ان هي عندها استعداد ماهي بصراحه عندها 35 سنه وفي عز شبابها ونفسها تتجوز وتتستر ويبقى ليها زوج وبيت وانا عارف ومتاكد ان انا لو اتجوزتها هبقى سعيد معاها رغم ان هي ست مش متعلمه لكن هي ست ذكيه جدا وكفايه معاملتها الحلوه ليا وانا بصراحه عايزه اتجوزها وابقى بين بيتي وبيت امي ونفسي اتجوزها وتهتم بيا لكن لما سالت قالوا لي ما ينفعش ما ينفعش اتجوزها على غاده وما ينفعش اجمع ما بين البنت وخالتها وقالوا لي ان انا لو عايزه اتجوز الخاله يبقى لازم اطلق البنت اللي هي غاده وانا فتحت خاله مراتي واتكلمت معاها بصراحه ولقيتها بتحب بني وموافقه تتجوزني بس انا عشان اتجوزها انا لازم الاول اطلق غاده اه صحيح انا مش مرتاح مع غاده دلوقتي لكن برض هي ام ودي وانا مش عايزه اطلقها وانا بجد مش عارف اعمل ايه انا بحب خاله مراتي لكن مش عايز اطلق مراتي يا ترى ايه الصح عشان اعمله افضل متجوز غاده ولا اطلقها واتجوز خالتها قولوا لي اعمل ايه واتصرف ازاي ودي كانت حكايه النهارده حكايه هشام شكرا لكم ولحسن استماعكم واشوفكم في حكايه جديده باذن الله